NAHUM 1:5 - BAIBEL (BSI)

⁵ AMPEU zulo naghutoqono itha pa zulo atoghino azu ilhouveke. AMPEU no ipeghi kelo ayeghino sukinike; ayeghiqha eno tile akemi kumtsu khokhoshike.

Sumi Naga CL (Re-edited) Bible (BSI)

⁵ Naghutoqo no Pa zü lo itha; atoghiqo no ayitsü shivae; ayeghi eno tile xüküami kümtsü khokhoshi Pa zü lo ipeghi.

NAHUM 1:5 Mawu Ofanana

SAMUEL AKINIU 22:8

Tishike lono ayeghino msa kelauno pekughuthauve; atsutsu tsukuchoqo huno nanashi ithauve kughengu Alhou no amlo ide kehu!

JOB 26:11

Pano alomi pikelo atsutsu choqhepe akeu tsuqono lalashi itha cheni.

JOB 9:5

Khumu mthano pano naghuto pe kiqeve cheni, eno pa xuide kelo tipaqo pukhuleve cheni.

LESHELE 104:32

Pano ayeghi juaye tiye khokhoshi itha; pano naghuto buaye, tiye amchhi phopipe acheni.

LESHELE 114:4

Naghutono ane toi ka-ka ilhe; atoghiqono bheritiqo toi ilhe ikuiqike.

LESHELE 114:6

Naghutoqo, nonguye kushiye bheriti qo toi ilheikuiqi kya?

LESHELE 18:7

Tile ayeghino khokhoshi ithae; Naghuto boqha ghi sukughutha eno ilue, kughengu Alhou no axu-ideveke.

LESHELE 18:8

Pa nigipe lono amichhi pho iqighi, pa kichi lono muhakeu mi-mili eno iquakeu miyi ipeghi.

LESHELE 46:6

Ashiayeh kutamiye thughuive, ayehkipe qhaqoye sukinileqhi; Alhou no pa sutsa ighakelo ayeghiye mukhumuno shivae.

LESHELE 68:8

ayeghino itha eno atsutsu lono tsutsughu ghuqhike, kughengu Sinai Lhou ighike, Israilmi Lhou ighike.

LESHELE 98:7

Azughi eno tile lhoxu akeqo kumtsu ighalo; ayeghi eno tipa shou xuakemi kumtsu alephelo!

IPEKULU 19:18

Sinai Toghi kuchopu amichhino kuzu pholuve kughengu AMPEU no ami lono tipa shou ighike. Amichhiye amiphoki kuloghi lono amichhi ipeghi ke toi kunguu iku ae eno naghuto kuchopu shishe ithake.

ISAIAH 24:1

AMPEU no ayeghi hepho pinyiveni cheni eno kughukughalei qhive nani. Pano ayeghi gi suchighi nani eno tipaulo timiqo kutholeve nani.

ISAIAH 24:20

Ayeghi ampino shokumzumi lakhi toi kulokuloyi nani eno pasapagha ighikelo apusho lakhi hutoi nanayi nani. Ayeghiqhaye tipau xine qono tshu nanaiveke; tiye ilaiqive nani eno khilemu ideithughimo nani.

ISAIAH 5:25

AMPEU ye pawu timiqo lau aloghu ide ani eno panoqo ghime qhinike pau chhope ani. Naghutoqo sukinileqhi nani eno thivenikemi kumoqoye alaghilalo alusama toi qhive nani. Ike tishive kethiu ghi AMPEU loghu kighide kishekhavemo nani, ikemu ghimeqhi nike pau chhope auve nani.

JEREMIYA 10:10

Ikemu AMPEU, noye kuchou Lhou ke, noye xuakeu Lhou eno lhokta kukau. Nono aloghu ide kelo ayeghiqhano itha; ashiayehqoye ologhu pumlake.

JEREMIYA 4:24

Ino naghutoqo jukelo tipaqono ithauve eno naghutoqo kumtsu no azuu athiu itha ake.

EZEKEL 38:20

Ayeghilo ashi, aghau, akha jeli kije na kitila namu eno timi lhoxu kumtsu imusa kelauno khokhoshive nani. Naghutoqono ikiqive nani, atuxuqono ipopinyive nani eno putukeu tupikiye kumtsu ilaiqive nani.

JOYIL 2:10

Tipaqono hakutsutsu ighikelo ayeghino ithake; atsutsuno khokhoshike. Tsukinhe ngo aqhino zumoive eno ayepuqono yepuvumove.

AMUS 9:5

AMPEU Aqokitikhi Lhou no ayeghi bukeulo tiye ithawuve cheni; tipaulo akemi kumtsuno mloqauve cheni. Ayeghiqha kumtsu Nayil ghoki toi iku eno iluqive cheni.

MICAH 1:4

Tileno amilo aghugha akeu toi naghutoqoye mulave nani; naghuto lono azu leqhi akeshi naghutoqoye abokhulo qoiqighive nani.

HABAKUK 3:10

Naghutoqono no-ithulu kelo khokhoshive; atsutsu lono azu leqhike. Ayeghi qhou azu akeqono igha eno tipaqo zu kukuchono qhemghai iku.

ZEKHARIA 4:7

Naghuto pahi vekukha kugha sholu pimu ozulo tiye hauve nani. Nono Achineki shiqhepuku kithe nani eno nono atuqo ashekhau pa-alo sulukelo timiqono, ‘Jukighilepu, jukighilepu!’ ipi igha asheshu nani.”

MALAKI 4:1

Aqokitikhi MPEU no pi, “Aqhekuzami ngo alhoksa kumlami kumtsu aghijini toi pitinikeu tsala cheni. Tipa tsalalo panonguye pititha pinyive nani eno panoqo pitikeu kiumu kuhave nani.

MATTHEW 27:51

Tileno Judami chinekilo kokuthabo phi atsuqa lono abophi kutolo ala-kini shi suxu kututashive. Ayeghi sukughutha eno atuquqono ipokututa shive,

MATTHEW 28:2

Tile zuleno ayeghi kughutha kije lakhi ighi, tiye Ampeuw kungumi lakhi kungugha lono iqighi puzu atulupha hu tukuluveno tipau shou iqa-a.

Piyeküsü 20:11

Tileno ino akuka lakhu akuloghi lakhi metsughoikeu eno tipau shou iqa akeu ngo ishi ithulu. Ayeghi ngo kungugha pa zulono yeuveno ithumlave.

Piyeküsü 6:14

eno likuzu kaku kuzuluve keshi atsutsuye hauve; naghuto lakhikhi eno zudoyeghi lakhikhino pututa-a lono iqeuve.

XAKUTHAMI 5:5

Naghutoqono Sinai to MPEU zulo, Israil Lhou eno AMPEU zulo ithae.