NAHUM 1:3 - BAIBEL (BSI)

³ AMPEU ye mlalei aloghu ide chemoe, ikemu paye akuka kumtouke, eno kuquvekeu khilemu ghime- mono puwuve chemoe. AMPEU no khile chewuni keno pasapagha ipeghi cheni; khungkusuye pa pukhuno hekutho keu mukhuke!

Sumi Naga CL (Re-edited) Bible (BSI)

³ Ampeu ye asheshino amloide cheni eno aküka kuloghi, Ampeu ye khilemu pimive keu phepuwuve chemo. Pa laghi ye miyitsü eno pasapagha lo ani, eno khüngküsü no Pa pukhu lo ayeghimkhu ke.

NAHUM 1:3 Mawu Ofanana

SAMUEL AKINIU 22:10

Pano atsutsu kiyeveno iqighive, pa pukhu qholo zumoikeu khungukusu ae.

NEHEMIA 9:17

Panonguno agholumove, nono shitsukeqo kumtsu kumsu mave; nono akumzapu kumla shikeqo panonguno kumsumave. Panongu qhekuza launo pano sakipheu kisheluve eno panongu sachile sasu Ijip lo aquaxe shive peniye kughu. Ikemu noye axine qhivekutsu Lhou ke; noye kupukini eno kimiye kiniu, asheshino amlo ide kicheuke. Okikimiye ye kije ke, noye panongu phevemoke.

JOB 10:14

Ike, ino axine shinimalaye imiqe achekena, tishianguno ikipimi pevetsumo niyeke.

JOB 38:1

AMPEU no pasapagha lono Job putsae. AMPEU

JOB 9:4

Alhou ye alokutsue eno akuka kumtoe mujochilekemi khu-u no xusulu kya?

LESHELE 103:8

AMPEU ye kupukini eno kimiyekini, asheshino axuidekeu eno iqemo keu kikimiyeno chhitoi akeu.

LESHELE 104:3

azu kunguu akeu shou oki shipe puani. Noye khungkusu pesu owu khurkulu shicheni eno amlhu chishibo shou iqa cheni.

LESHELE 145:8

AMPEU ye ivulaikeu eno kimiyekini asheshino aloghu ide cheni, eno iqemokeu kikimiyeno chhitoike.

LESHELE 147:5

AMPEU ye kije eno akughushuu; pa lokutsuye mighiwo tomlae.

LESHELE 50:3

NiLhou cheni, inaqhoi keu lono kumoke ami kuyiquno pa zuwu shi pasapaghano pa vehope ani.

LESHELE 62:11

Akuka kumtoye pawu kepi Alhou no pikeu ghuthu kutomo ino chiluvae,

LESHELE 66:3

Alhou vilo ishipilo “Nono mlaqhi keuye kiutoi akumzapu kela! Okukaye shishe kije kehu oghumiye akumsa launo ozulo pishiqho ke.

ISAIAH 19:1

Hiye Ijip ghenguno atsape lakhike. AMPEU ye khungkusu shou iku puzu muthuthei Ijip kudauno cheni. Ijip lo ajulho akeqoye pa zulo khokhoshi ani eno Ijip lo akemiqoye amlo kuloghi hauveno ani.

ISAIAH 29:6

Aqokitikhi MPEU no tsutsukusu pasapagha khumuyi keu eno ayeghi kughutha gholono oxaphelu nani. Pano miyitsu pasapagha eno ghuleqhikeu mi kuyiqu puwu nani.

ISAIAH 66:15

AMPEU ye ami gholono ighi nani. Paye pano aloghu ide akemi ghimeqhinike pasapagha chishibo shou iku nani.

JEREMIYA 4:13

Julo, aghumino khungkusu toi cheni. Pawu aghushi khurkulu ye miyitsu lakhi toike, eno pawu khurshiqoye aluqu nguno akumthuuke. Nighenguno ahakusapuke, ninguye thini putsake!

DANIEL 7:13

Kijiliu ino kungunhetsu shi ake ghulokilo, timi ju kimihi lakhi ithulu, khungkusuno kuzuphope puzu ikudau ighi, paye alholo acheghi keu kudau wuno pa zulo ngove.

HOSIYA 8:7

Panonguno amlhu yisukeulo pasapagha xolu nani! Athi nimokeuye khilemu pesu asho shimlake. Ikemu shilukepu shiepinamu inaghamino tipau chukhave nani.

JOYIL 2:13

Nongu mlo kughuta shikeu huno nongu mlokusa piyelo; Nongu phimini suxuve keuno lumkhake kumoe.” Nongu Lhou AMPEU lau idechile ighilo. Paye kimiyekini eno kupukeuno chhitoike; paye kheakulu eno pano piqhivekeu pecheni; Paye pulhapujulo axine pevetsunike kutope ani eno ghimeqhimo nanike.

JONAH 4:2

Pano ishi inikhu, “O AMPEU, ino nighakhu qhimphi lonomu noye hikithipu shi nani kepi piake kumo kesha? Tighenguno ino mutazu Tarshis lo poveniye pukaputsa! Noye kimiyekini eno kupukini Lhou kepi ino ithiake, pulhapujulo kheakulu, pulhapuju kimiyeqhiyikeu pulhapujulo okukumsu kilive cheni eno ghimeqhi chemoke.

ZEKHARIA 9:14

AMPEU no pawu timiqo shou ipeghi nani; tsutsu phapha toi pano pa piji kapuwu nani. AMPEU Alhou no afuko kuigha nani; apeu no pasapagha lono pano igha ighini.

AKIKIHI 14:18

‘Ni, AMPEU ye mulalei aloghu ideve chemo, kimiye keu kije pukhukulu shipiye cheni, axine eno hebidekeu kipimi qhivetsu chenike. Tishimu niye apuaza khunoqono axine shiveni keno panoqo tianuli tiqheli akuthuu lono abidiu kutolo aghime tsumono phevekeu shimo nani.’

MATTHEW 26:64

Jisu no ishi pa khochile, “Nono ti pivae. Ikemu ino nongu vilo pini, hinguno hipathiuye Timi Nu no Akukakumto u-ajeu iqa akeu eno atsutsulo khungkusu shouno cheghikeu nonguno ithulu nani.”

James 1:19

Ino kimiyechekemi athikuzumiqo, hipau ithilo! Kumtsuno pai chilu nikeu shimasae, ikemu akipi loye asheshilo eno asheshino amlo idekemi shilo.

Piyeküsü 1:7

Julo, paye khungkusu shouno cheni. Timi kumtsuno pa ithulu nani, pa qhuqhi pithikemi ghi; eno ayeghilo timi jeli akemi kumtsuno pa shou amlo ghime shi nani. Tishi peniu! Amen.