MICAH 7:8 - BAIBEL (BSI)

⁸ O nighumi, nijupesu no-mloqi akepu kuhae. Ninguye ikiqivae ikemu itaghi idethughi nani. Itehi ninguye akuzulo ani ikemu AMPEU no akuvu nitsu nani.

Sumi Naga CL (Re-edited) Bible (BSI)

⁸ I shou alovi akevilo, O I ghümi; kughou I no ikiqiveni keno, ni ye ithughive nani; kughou I no aküzü lo ani keno, Ampeu no I küvü shi nani.

MICAH 7:8 Mawu Ofanana

JOB 31:29

Imithichekemi no shilusave aghikeu ilovi puaghi aye, momu shiluksa pashou ighikelo ino ilokiqi shipuaghi aye;

LESHELE 112:4

Timi kivimi ghenguye akuvuno akuzulo yepuvutsu ketoi nani, pa kumlapu amikucho lono peitha kemi lokivipue, timi kimiyekinimi amikuchomiye tishi nani.

LESHELE 143:3

Ighumino ihaqhi cheni, eno ayeghilo imnudaqhi cheni. pano zumoikeu kughukilo ikughape qhino kha-ghino thivekemi toi iqape.

LESHELE 20:8

Timi tipaqoye kupuxa pesu iluqive nani, ikemu ninguye ithughiluve nani eno mutotoi puthugho nani.

LESHELE 27:1

AMPEU ye ikuvu eno ixakulupu, niye khuu musani kya? AMPEU no ikughutshua niye khuu musakepu ani kya?

LESHELE 35:19

Hu kimkimi, ighumiqo pelo ino tomovekeulo amlo alovipe kevilo. Kutsazu lono imithichekemi qo pelo imlo ghimelo anhekutsu pekevilo.

LESHELE 37:21

Kixikilamiye nalu puzu tsuchile chemoe, ikemu kivimiye michhimono tsu cheni.

LESHELE 37:24

Panonguno veqhive pinamu panonguye iluqi pesu auve chemoe, kughengu AMPEU no sunheputhuve cheni.

LESHELE 38:16

Ighumi pelo ighime jupe amlo kiqishi pekevilo; panoqo pelo ino veqhivekeulo qheza pekevilo!

LESHELE 84:11

AMPEU ye nisusho chekeu eno akimthe jekipi kukau, pano kupukini eno agigihu pesu nikumghatsu cheni. Khunono achipiu shicheni keno paye thime kivi lakhimu pano lau tsumokeu shimo nani.

LESHELE 97:11

Akuvuno amikuchomi shou yepuku ke, eno akivimi shou alovipukuke.

ISAIAH 2:5

O Jakob laghamiqo, AMPEU no akuvu ningu tsupuakeulo checheni nolo!

ISAIAH 49:9

Ino akughumiqo vilo, ‘khaqhiphe veake wolo!’ ipi nani; eno khuno qono akuzulo ani keno, ‘ akuvulo ipeghivelo!’ ipi nani. Panonguye bheriqono aluzalo achumuza akeutoi nani;

ISAIAH 50:10

Nongu khunoqono AMPEU gihu cheni eno pa qeu tsa aghokulu shicheni keno, nonguno pula chekeu laghiye kuchouno zumoi aghiluvi, ikemu AMPEU pululo eno no Lhou shou mumubepe alo.

ISAIAH 9:2

Khunoqono akuzulo xuache keno akuvu kije lakhi ithuluvae. Panonguye yekhuvekeu yeghilo xuacheke, ikemu itehiye panoqo shou akuvu yepuvu ani.

JEREMIYA 48:27

Muab, nono kishi Israil lo akemiqo thaighaqhi keno kumsululo! Israilmiye kupkami loji gholono kughakuqhape aghi akeshi nono panoqo peitha kehu!

JEREMIYA 50:11

AMPEU no pi, “Babilon lo kuamiqo, nonguno iwu timiqo nhemgha xulepuwuveke. Nonguye amshino athi qole akeshi momu khurshino igha akeshi amlo kiqishi alovi akhanike,

JEREMIYA 8:4

AMPEU no pawu timiqo vilo pilopi ivilo pike, “Kughou khualano veqhiveni keno paye idethughive chemo kesha? Khualano ala vepimive aye paye tsughuchile ighi chemo kesha?

EZEKEL 25:6

“Akughushu MPEU no kiu pianikeno tiye hike: Nonguno alokivi launo au kukhu eno ilheku ilheiqike. Nonguno Israil ghakhu jumithike.

EZEKEL 35:15

tiye imheghipu Israil kutsaleve keulo nonguno alovikeu toi shi nani. Seir naghuto, Edom ghakhuqha kumtsu piyighive nani. Tileno niye AMPEU kepi kumtsuno ithi nani.”

EZEKEL 36:5

“Ni, Akughushu MPEU no iloghu kighide lono acheaxulo ashiayehqo shou piani eno akhotoshi Edom shou piani. Alovi ilhe eno phimo gihumo puzu panonguno iyeghi khathaluve eno tipaulo aluza pighi auveke.

AMUS 9:11

AMPEU no pi, “Ino David kukaqha tsuchile nikeu tsala cheni, tiye aki ilaqiveno ixapinyive keu toike. Ino tipau kuptu pukhove nani eno tipau sachileluni. Ino tipau shikithe nani eno tipau pesu kha-ghi wovekeulo akeu toivetsu nani.

Obadiah 1:12

Nothikuzumi Juda lo akemi qono angukusa sholukeulo nonguye amlokiqi shimo kepushi ake. Panonguno avekusa shi akelo nonguye panoqo junumo kepu shi ake.

MICAH 4:10

Jerusalem lo akemiqo, totimi lakhino pununiye akelo toi pidepukhu ihi puzu ighalo, kughengu nonguye aphughi qhive no aluzalo auniake. Nonguye Babilon lo wukepu shinia ikemu AMPEU no aghumi launo nongu xalu nani.

MICAH 7:10

Tile nighumi qono tipau ithulu puzu kujove nani, ti nighumi, ni-cheqhi puzu nivilo, “No Lhou AMPEU ye khile ani kya?” ipi inijue. Panoqo shou toluvekeu eno panoqoye alaghilalo aniba toi neda qodakeu nino ithulu nani.

ZEKHARIA 12:8

Tipa tsalalo AMPEU no Jerusalem lo akemi shokhalu nani eno panoqo gholo miqemilei keu ghi David toi mutotoilu pe nani. David polo kughukomino Alhou toi shi puzu, AMPEU wu kungumi toi shieno panoqo tughiushi wu nani.

MALAKI 4:2

Ikemu nongu igholu chekemi ghenguye iwu xakulupu kukano tsukinhe toi nongu shou ikughi nani eno tsukinhe kuvuno yekeshi shikipivi sughi nani. Nonguye amshiti aki lono khalau pipe kelo toi ililai eno alokivishive nani.

MATTHEW 4:16

Akuzulo achekemino akuvu kije lakhi ithulue, Akithi zumoyike yeghilo ngo achekemi shou akuvuno yepuvuvae!”

John 16:20

Kuchouno ino nongu vilo pini: Nonguye igha qah nani ikemu ayeghiqhano alokivi shi anani; nonguye amloksa shi nani ikemu nongu mlokusa hu alokivipu shive nani.

John 8:12

Jisu no itaghi timiqo vilo pi, “Niye ayeghilomi kuvue. Timi khuuno ipapeni keno akuzulo chechemo nani ikemu akuxupu kuvu anani.”

Apostolmi 26:18

Noye panongu nhethi xukhotsu masa eno akuzu lono akuvulo panongu saghilo. Satan kuka lono Alhou lau saghilo, tishianguno panonguno ipulubekeu vechewo panongu xine pevetsu nani eno shikimtheluvemiqo gholo panongu-a phulu nani.”

2 Kor. 4:6

Ike, “Akuvuno akuzu lono vuipeghi pelo!” ipikeu Lhou no ni mlolo pa kuvu yepuvutsu puzu Alhou kimthe jukuvu kighithi kuvu Khristo gilo yevuqayi akeu ningu lau saghitsuniyeke.

2 Kor. 4:9

ningu shikighimeqhike ikemu Alhou ye ningu phevemoe; eno ningu hekuluqhike ikemu pithivemoe.

Piyeküsü 21:23

Aphughi tipau yepuvu nike ghenguno tsukinhe momu aqhi kuvu avehupu shimoe kughengu Alhou wu akimthe jukuvuno tipau yepuvu ake, eno Bheriti huno tipau kuluboke.

Piyeküsü 22:5

Tilehiye putho tsala kuhae eno panonguye akulu momu tsukinhe kuvu avehupu kuhae, kughengu Ampeu Alhou no panongu kuvu shive nani eno panonguye alhokupujulo kukami toi ayehpe anani.