MICAH 7:6 - BAIBEL (BSI)

⁶ Hipa ghulokiloye anunoqono apuaza pesu kughuzumi toi peitha ani, anganoqono azanoqo mujochile ani eno topu lhothemino anilimi sasu muto ani; timi lakhi ghumi ye pano kibolomi qonoke.

Sumi Naga CL (Re-edited) Bible (BSI)

⁶ kughengu anu no küthakügha shi apu peitha, anga no paza lachile ithughi, amukishiu no ani hebide ani; milakhi ghümi ye pa ampi kilo akemiqo ke.

MICAH 7:6 Mawu Ofanana

BOTHUBO 49:4

Azukuqo kighide toi, noye akhotou shimo nani, kughengu nono opu nipu sasu zue. Nono izualo ikuno ti shikuchhube vetsue.

SAMUEL AKINIU 16:11

David no Abishai ngo pa qholo kijemi kumtsu vilo pi, “Inu kuchou thotsu iheqhiveniye pukaputsa ani; tishi aye noye kushiye ti Benjamin lagha shou akumza anikya? AMPEU no ghusho penike pa vilo pivae; tighenguno pa kishishi apelo eno papelo tishi apelo.

LESHELE 41:9

Ishou kiviu, khikhi ino pukhube acheni keno eno isasu kuchukusho lakhi shichekeu thotsu ilau chhophekugha vesu auvae.

AHOLE 30:11

Timi khamiye pututa papuh ghusho cheni eno pututa paza akishe tsu chemoe.

AHOLE 30:17

Khunono papuh jununi keno momu pazano kitemi shivekeu jupichini keno paye aluqu pelo peuvepe eno agha pelo pa nhethi mighijo luve pekepue.

ISAIAH 3:5

Eno timiqoye lakhino lakhi qodaqhi nani akusamino akusami, akitomino akitomi qodaqhi nani. Lhothemino kichimi phimo nani eno kusakughamino gihu kuzumi phimo gihumo nani.

ISAIAH 9:19

Aqokitikhi shou AMPEU ye aloghuide anike ghenguno pano ghimeqhikeu huno ami kuyiqu toi anike kumtsu timiqo kutsaqhike eno pututa kuxu pukhauveke.

JEREMIYA 12:6

Othikuzumi, nobolomi kuchou thotsu ojechuveke ohakuqo qhikeulo panongu ghi chhosuke. Panonguno ashou toi oputsa pinamu noye panoqo pukhu kevilo.”

JEREMIYA 20:10

Timi kumtsu ghano, “Aqha kumtsulo Akuighupu shivae! Ayehkipemi vilo pano ishi anikepi piveni nolo!” ipi chhu chhushi pikeu ino chilue. Ikusami kuchou ghi ino ikiqivekeu kheauvae. Panonguno pike, “Ishiake pa muquqhive luvike, tishianguno ninguno pa kughalu puzu amukhu lunike.”

JEREMIYA 9:4

Pututa shelo pa kusami jukutokugho masaveke eno khunomu athikuzumi ghi pukhubemlake; Kughengu athikuzumi kumtsu Jakob toi pishikiqhike, eno kumtsuno pututa kusami piputhake.

EZEKEL 22:7

Aphughilo timi lakhimu pa puaza gihu chemoke. Nonguno inaghami pishiqhike eno topu chimemi ngo mighimgha jumithi chenike.

Obadiah 1:7

Nogholo kuqhape akemi kumtsuno nongu pishiqhike, panonguno nongu hasusu alughi kutolo wuke. Timi khunoqono nongu sasu visho shipe achekeno tipaqono itehiye nongu leluvae. Shompami nongu sasu kumtsa chuchekeqono alichhe shipesu okheke; Panonguno noghili ishi pike, ‘Pano amqukini akeu khile ani kya?’ ”

MATTHEW 10:21

“Athikuzumino athikuzumi kughapesu pithive peniaye tsuve nani, eno apuhno pa tianuli shou tipaphi shive nani; anuliqono apuaza shou akumou shi ithughive nani eno panoqo pithivepe nani.

MATTHEW 26:23

Jisu no ishi khochile “Khuno isasu akhu lakhi lono pa upe asho putsuchu ani keno tipauno ikughape thechu shi nani.

Luke 12:53

Apunoqo no anuliqo sasu eno anuliqono papunoqo sasu; azaqono pano ngaqo sasu eno angaqono pa zanoqo sasu; ani noqono pano mukishiunoqo sasu eno amukishiu noqono pa ninoqo sasu kothakile wonani.”

Luke 21:16

No-puaza, nothikuzumi, nobolomi eno shompami ghi nongu kughape kutami ulo suvetsu nani, eno nongu khamiye pithivepe nani.

John 13:18

Niye nongu kumtsu ghenguno piamoe; ino khunoqo kishelukeno ino ithi anie. Ikemu kuchoyesulo akeu kupuve masa kehu, ‘Igholo kumtsa chukeu timi huno ishou chhophisue.’