MICAH 7:4 - BAIBEL (BSI)

⁴ Panoqo gholo akiviu eno achipi kuchou ipikemino alupi toi ame kuhamitheke. Alhou no timiqo ghime nikeu tsala ighivae, tiye pano tungkupumi vechewo panoqo kutughuvekeu toike. Itehiye timiqoye avehu izuvulaivae.

Sumi Naga CL (Re-edited) Bible (BSI)

⁴ Pano dolo akiviu no asahu toi, eno shishe akümzüu no asahu ghutu lakhi toike. Nongu hikuju eno ghimeni keu tsala ye ighivae; panoqo no kübangüni keu ye itehi au lo auvae.

MICAH 7:4 Mawu Ofanana

ISAIAH 10:3

Alhou no kughou nongu ghimeqhini keno nonguye kishive nani kya? Pano putou ghakhumi pelo nongu shou kutsakungo keu sughikelo nonguye kishive nani kya? Akukuphu phunike nonguye khilehi powu nani kya? Nongu wu kinikuluye khile kusulu nani kya?

ISAIAH 22:5

Hiye Kungunhetsu Khilalo izuvuvui, halevekeu eno kubangvekeu ghulokike eno AMPEU aqokitikhi Lhou no ningu lau hipau puwutsu anike. Ni phughi bokuthaye kubopiniyivae eno atoghi kumtsu kuphulo pikeu ghughano vekuvava ani.

ISAIAH 55:13

Itehi khile ashuyesahu ani keno Kuprasubo thu ipeghi nani; asahubo akeu-alo martil subo ipeghi nani. Hipau michipuno alhokupujulo ache nani, ni, AMPEU no kiu shikeno tipau kumsuchilelu apeniyeke.”

JEREMIYA 10:15

Panonguye ame kuhae eno jumithi kepue; AMPEU no panoqo ghimeqhi kelo panoqoye kutsaleve nani.

JEREMIYA 11:23

Anathot lo akemiqo shou kutsakungo keu sughi nike ghenguno ino ado lakhi kutope puani, eno kughou tipa ghuloki ighini keno panoqo milakhimu puxumo nani.”

JEREMIYA 46:21

Lino piqe sughikemi ghushimi thotsu ghi amshiti toi kiumu shimlave. Panonguye puthughope kumjomoveke; panoqo kumtsu tsughuchile puzu pove. Panoqo puhave nikeu tsala ighive, panoqo kutsaleve nikeu do ighive.

JEREMIYA 8:12

Iwu timiqo, nonguno aphikumqhupu hikithipu shikeu ghenguno nonguye kujoju akema? Moe, nonguye khilemu kujo chemoke: nonguye kujoke yeh ghi mthake! Tighenguno kutami veqhiveke toi nongu ghi veqhive nani; kughono ino nongu ghimeqhi nikeno tipauno nongu puhave nani. Ni, AMPEU no piqhiveake.”

EZEKEL 2:6

“Ikemu, thinikuau timio, noye panoqo musa kevilo momu panonguno kiu pini keno tipau musa kevilo. Panonguno ohachile, oghechile eno omithi nanike, noye achuwa paza gholo xuakeshi nani. Tishi aghimu hekibidemi hupaqo musa kevilo momu panonguno pikeu musa kevilo.

EZEKEL 28:24

AMPEU no pike, “Acheaxulo ashiayeh kutami akeqo khunoqono Israil thaigha acheni keno tipaqoye itehiye khilemu koghesahu eno ashuyesahu toi itaghi Israil qhuqhimove nani. Panonguno niye Akughushu MPEU kepi ithi nani.”

AMUS 8:2

AMPEU no pi, “Amus, noye kiu ithulu ani kya?” “Axathi ashoghi lakhike,” ipi ino khochile. AMPEU no ivilo pi, “Iwu timi Israilmi ghenguno kishekhave kepu ighivae. Niye panoqo ghimeqhiniye kumsupu akeu kilivemoake.

NAHUM 1:10

Asahu kuptshupe akeu ngo qhaikeu aghijini toi nonguye pitipuhave nani!

Luke 21:25

“Tileno tsukinhelo, aqhilo eno ayepulo amchipu ipeghi nani, ayeghilo ashiayehqoye azughi ghugha eno azufukukuchono kutakihikeu lono pitipuzaqhi nani.

IBRIMI 6:8

Ikemu tipaulo asahu ngo alupi thuipeghiaye tiye ame kuhae; eno ghushove peno amino pitive nani.