MICAH 7:13 - BAIBEL (BSI)

¹³ Ikemu ayeghiye tilehi xuakemiqono kusakugha shi xukeu ghenguno asayeqha ilhouve nani.

Sumi Naga CL (Re-edited) Bible (BSI)

¹³ Ikemu ayeghi ye tile küxümi kümla ghenguno pighive nani.

MICAH 7:13 Mawu Ofanana

JOB 4:8

Ino ithulupuakeu no khunono kusakugha hokide acheni keno eno akupuna xusu cheni keno, ti xolu chenie.

AHOLE 1:31

Tishiaye, nonguno kiu ithulu kuzupu keno tipau ithulu nani eno nolikhi nokumlano nongu ngaqhi nani.

AHOLE 31:31

Lino kiu shikeno tipaqo kumtsu ghenguno li saxu tsulo. Liye timi kumtsuno sumsa kuzuke.

AHOLE 5:22

Kixikilami xineye alichhe lakhi toike. Pa likhi pa xine khame lono meluve cheni.

ISAIAH 17:9

Kughou tipa tsala ighini keno, sushokulupu shiakeu phughiye piyighive eno ixapinyive nani, tiye Havimi ngo Amarimino Israilmi zulono kuhapoveno aphughiqo qhivekeu toi shive nani.

JEREMIYA 17:10

Ni, AMPEU no timi kukumsu lheju eno timi mulo ijoju cheni. Pututano mlachekeu kiqi lono ino milakhikhi peithaju cheni.’

JEREMIYA 21:14

Ikemu nono kiu shipuani keno tipau ghenguno ino oghimeqhi nani. Ino okighikiqolo ami sutsu nani eno tipau sukumxalo akeu kumtsu amino pitileqhive nani. Ni, AMPEU no piqhiveake.”

JEREMIYA 25:11

Hipau yeghiqha kumtsu ixapiniyi qhive nani eno jukichi kepu shive nani, acheaxulo akeu shiayehqoye ampe lhotsuni ghenguno Babilon kukau qe nani.

JEREMIYA 32:19

Nono alokutsushi kughu cheni eno akumzapu kumla shi cheni; timino shikeu jeli thwokha nono ithuluke eno panongu kumla kiqi lono nono asaxu tsu cheni.

EZEKEL 12:19

Ashiayeh kumtsu vilo Akughushu MPEU tsape hipauye Jerusalem lo akemi khunoqono pano yeghilo xuaphi keno tipaqo vilo pilo. Panonguno chuakelo thuthushi itha nani eno panonguno shoakelo khokhoshi itha nanike. Panoqo ghakhuye xalepinyi kumsa shive nanike kughengu tilau xuakemi kumtsuno ayezah hexakemike.

EZEKEL 33:28

Ino aghakhuqha pesu kughukughalei hauvekeu shivetsu nani eno panonguno akuka kumtoshi qheza chekeuye kishekhavetsu nani. Israil lo naghutoqoye shishe aghasa shive kehu khunomu tipaqo kathasu iqho iqimlave nani.

MICAH 3:12

Tishiaye nongu ghenguno Zion ye aluqa toi hokideve nani, Jerusalem ye ixapinyi pesu kumqove nani eno Achineki toghiye aghasu ilhove nani.

MICAH 3:4

Nonguno AMPEU vilo ighamuku ighani kepu ghuloki wocheni, ikemu pano nongu tsa khochilemo nani. Paye nongu kukhu kighini initsumo nani kughengu nonguno alhoksa kumla mla puanike.

MICAH 5:3

Tighenguno khuuno punu niye anikeno tipauno anu punu moke kutolo AMPEU no pawu timiqo pano ghumi lau phesuvetsu nani. Tileno pano ghakhu lono halepheve akeqono pano timiqo gholo kumqo kitheluve nani.

MICAH 6:13

Nongu xine ghenguno nongu shipusave nikeu eno kutsave nikeu ino huthu auvae.