MICAH 7:1 - BAIBEL (BSI)

¹ Niye ahakusapuke! Niye muzuthi kemi lakhino asubolo axathi kuhave aghikeu eno atsayibolo atsayithi kuhave aghikeu sholu akeu toike. Atsayithi kumtsu eno khughuthi chukivi kumtsu xoluve aghikeu sholu akeshike.

Sumi Naga CL (Re-edited) Bible (BSI)

¹ Ahaküsapu ye ni ke, kughengu ni ye mütsü tusho xathi xokütsüve kethiu toi, atsaithi kixipheve kethiu toi: atsaipho chukepu kühavae, I ngulho no puloniqhiyi chekeu mubuthi amsüu kühavae.

MICAH 7:1 Mawu Ofanana

LESHELE 120:5

Nongu gholo xunikeuye Meshek lo alhoksa shi xuake toike, momu Kedar timiqo gholo aketoi.

AHOLE 20:6

Kumtsuno pututa muzulo paye aghokulu eno pukhukulu kepi piaghi luvi ikemu khuuno kuchouno tipau keno phujulo.

ISAIAH 17:6

Timi aghulo likhi ghupuaghive nani eno Israil ye oliv subo lakhilo athi kumtsu xoluveno akkelo kinia kuthua likhi ghuvekeu toi nani momu aloka aqhou akeulo alothi lakhia kinia ghuvekeu toi nani, Ni, AMPEU Israil Lhou no piani.”

ISAIAH 24:13

Hiye ayeghiqha kumtsulo eno ashiayeh lakhikhi lau kiu shiniye ani keno tipauke. Hiye ghile hukeu ashekha shivekelo oliv lothiqo tipasubo lakhikhi lono sukini qhiluve eno atsayibolo atsayithi ashekhau kutolo xoluveke toive nani.

ISAIAH 24:16

Ayeghi shekha kudau akemino amikucho shiayeh Israil shipilikeu le ninguno chilu nani. Ikemu ighenguye lajupu kuhae! Niye tsu-hau wochea! Kughengu axiqhi ghumino ijechu auvae, panoqo muqu lhoksaye vimokithe auvae.

ISAIAH 28:4

Aqhekuzami sakiphemi hupaqo jekipi idem-muyiveniye akeu huye khughuthi pithi tughiu niveke mtsa xopesu papashi chuluveke toi nani.

ISAIAH 6:5

Tileno ino pi, “Ighenguno ahakusapuake! Niye puhaveniake! kughengu niye akichi mithemokemi ke eno niye akichi mithemokemi gholo xua chenike. Ikeghi, inhethi ampino Akukau, aqokitikhi MPEU ithuluveake!”

JEREMIYA 15:10

Niye kiutoi ahakusapu timi kela! kushiye iza polono ayeghilo ipunu supe kela! Niye aghakhulo timi kumtsu sasu muto eno kutsalakepu shike! Niye khuu vilo mu pisa nalu puamoe momu puna puamoe; ikeghi kumtsuno imusuinike.

JEREMIYA 24:2

Ashoghi atughiu loye itheno nivekeu khughuthi akiviqo ake; lakhiuloye alomovekeu, chusakeu khughuthi ake.

JEREMIYA 4:31

Totimino anga atughiu punu nikelo ighakeu sutsa lakhi toike. Tiye Jerusalem no atuthu sheku- kunokeu ghughake, lino au chhopesu, “Ighenguno ahakusapue! Panonguye iheqhiniye chenike!” ipike.

JEREMIYA 45:3

‘Niye qhiveniake! AMPEU no ino shilusa akeulo amlo ghime sukuqhavetsuke. Niye aghime ghugha lono akulhoshivae eno niye akulho qhimlaveake!’ ”

JEREMIYA 5:1

Jerusalem lo akemiqo, alaghilalo iqho iqijulo! Jukutolo eno kishi ani keno ithilo! Alhikishi-a kumtsu phujulo! Timi lakhi likhinomu achipiu shi kemi eno Alhou lau amikucho shi chekemi nonguye phulu anima? Nonguno phuluaye, AMPEU no Jerusalem kipimi qhivetsu nanike.

HOSIYA 9:10

AMPEU no pi, “Ino Israil phulu tughuloye tiye asayeqha lo atsayithi phulu aketoike. Kughou ino nongu puasuqo ithulu keno khughuthi kipithi ghulokilo khughuthi kini amusuu toike. Ikemu kughou panonguno Peor Toghi lo ighikeno panonguno Baal mllathuve, eno paikhavino panonguno kupuqhiyi chekeu lhouqo toi panonguye niqhunilaive.

AKIKIHI 18:13

Tipaqo kumtsu nongu wuke. Nokibolomi khuukhumu chini kepu lono mithe akemino tipaqo chulu nani.