MICAH 6:8 - BAIBEL (BSI)

⁸ Moe, kiuno akivipu keno AMPEU no nivilo pivae. Pano ningu lau lunishi akeuye hike: kiuno achipi keno tipau shinikeu lhokta kikimiye piyenikeu, eno ni Lhou sasu aqhokigheu lono kuposhupe xu acheni keuke.

Sumi Naga CL (Re-edited) Bible (BSI)

⁸ O timi, kiu no alo keno Ampeu no o vilo pivae; kuchou xakütha eno iqemokeu kikimiye piyeni keu eno aqhokigheu lono nongu Lhou gholo checheni keu nguno alau Pa ye o launo kiu avehupu shi ani kea?

MICAH 6:8 Mawu Ofanana

BOTHUBO 18:19

Kughengu ino pa ithi ani, ike pano pa nuliqo eno pa lagha ahza tsu keu shilu nani, panonguno AMPEU laghi pelu nani eno amikucho ngo achipiu lono kughatha keu shi nani. Tishianguno AMPEU no pa ghenguno piqhipuakeu Abraham shou pano shikuputsu nani.”

BOTHUBO 5:22

Tipathiu Enok ye Alhou sasu kuposhughi ampe 300 xue eno ati anuli kutami kutomo lhoe

YEKIKITHI AKINIU 30:11

Tishimu, Asher ngo Manase eno Zebulun laghami khamiye Jerusalem lo ighini keu pulo ake.

YEKIKITHI AKINIU 32:26

Ashekhalo, tishi ae pinamu Hezekiya ngo Jerusalem lo akemiqono pano likhi pano kuchuni keu shiluve ike AMPEU ye Hezekiya no thive kethiu no timiqo ghimeqhike.

YEKIKITHI AKINIU 33:19

Akukau no inikhu keu eno Alhou no tipau khochile keu eno pano xaideighi mphi lo axineqo shipe puakeu, tiye pano alhoksa kumla shikeu, asu-atu kumlla-a eno Ashera julho pano shikeu eno ajulho pano mlla chekeu kumtsu Tungkupmi Xughili lo yekike puani.

YEKIKITHI AKINIU 33:23

Ikemu paye papu no chuni iqighive keu toi shimoke eno AMPEU lau ideighimo ke; paye papu no shiche keu nguno alau shi axine shiveke.

YEKIKITHI AKINIU 34:27

nono izulo xaidelu puzu chuni iqighike, ino Jerusalem ngo tile akemiqo ghimeqhini keu shi shikumsa keu nono chilu puzu ophimini suxuveno mloqah ke. Niye okighini chiluvae

NEHEMIA 9:13

Sinai Toghilo nono khungkusu lono iqighike; nono owu timiqo putsa eno ayezah kivi ngo akukutsu tsa kivi panongu tsuke.

LESHELE 101:1

Ileye qhoqhukeu eno achipiu xakutha ghilike, ino olau ti phe ani, O AMPEU.

LESHELE 112:4

Timi kivimi ghenguye akuvuno akuzulo yepuvutsu ketoi nani, pa kumlapu amikucho lono peitha kemi lokivipue, timi kimiyekinimi amikuchomiye tishi nani.

LESHELE 112:9

Paye michhi mighimono kumlhomi tsucheni, paye timi kimiye che keu phevemoe; paye akuka kuloghi shi nani eno kutamino gihu nani.

LESHELE 37:26

Paye alhokuthu kumsano tsuaghi cheni eno kutami punatsu cheni, eno pa tianuliye kumghapu shilu cheni.

LESHELE 73:28

Ikemu ighenguye Alhou punukhoi akeu huye shishe akumzapu ke, AMPEU Alhou pesu ino ijehkepu shiluveake, pano mlakeu kumtsu asheshu tsuni cheni.

AHOLE 21:3

Kiuno achipi eno akuzupukeno tipau shilo; tino aghashipe AMPEU mllakeu nguno akiviue.

YETSAPIU 12:13

Hipaqo kumtsu shelo thime lakhi likhi pikepu ani: Alhou musalo eno pa zahkutsu papelo kughengu timi lhopuakeu ye hipau kimiji ghengunoke.

ISAIAH 56:1

AMPEU no pawu timiqo vilo pi, “Kiuno amikucho eno achipiu keno tipau shilo, kughengu ino payi nongu xalu nani.

ISAIAH 57:15

Niye akiqheu eno akimthe Lhou, alhokupujulo xu chekeuke. Niye akiqheu eno akimthe alo acheni ikemu niye aqhokighemi eno xaideghive kemi gholo ghi xuacheni, tishi anguno ino panoqo kupukhu eno panoqow lajupu sachile saghitsunike.

ISAIAH 66:2

Ni ampino tsutsu yeghiqha kuchopu lhoke! Niye timi khunoqono mtshaivu eno xaideghi, khuuno isumsa eno igholu cheni keno tipaqo lau imloqi acheni.

JEREMIYA 22:16

Pano kumlhomi ngo kuhakemi ghenguno aghibiu xakutha tsuche ke eno paye thwokhalo akivishi aluke. AMPEU ithikeu kiqiye tipau pesu pichenike.

JEREMIYA 22:3

“Ni, AMPEU no nongu vilo kiuno achipiu eno amikucho keno tipau shilopi ahza tsuke. Pukaluvekeu launo pukaluvetsu keu timi hu susholu lo. Inaghami, mighimghaqo momu chimemiqo peithapusa momu qodaqhi kevilo; eno akimthe-a hipaulo pimipuamo kemi heqhi pithi kevilo.

JEREMIYA 9:23

AMPEU no pike, “Alokutsumiye pano lokutsulo qhezalaki kepu kumoe, akumtomi pimu pano kumtolo qhezakepu kumoe, kinimi pimu pano kinilo qheza kepu kumoe.

AKUMLO 3:26

AMPEU wu xakulu ghenguno iquighai kheakulu shi keuye aloke.

EZEKEL 16:63

Nono pimikeu jeli kumtsu ino peivetsu nani, ike noye tipaqo kumsu chilelu nani eno shishe kujo kelauno okichi ghi xukhomo nanike.” Akughushu MPEU no pivae.

EZEKEL 33:14

Timi lhoksami vilo paye thi nani kepi ino kutughu aghiluvi ikemu tsala pano axine shimove puzu achipiu eno akivi shicheuve aye,

DANIEL 4:37

Ni Nebukadnezar no, akishe, agigihu pe Kungughalo kukau tsu ani. Pano kiu mlakeno kumtsu amikucho eno achipike eno pano aqhekuzami kughape kumtsu nguno aghulou shive tsukepu kuka ani.”

HOSIYA 12:6

Ike itehiye nongu Jakob polo kughukomiqo, nongu Lhou pululo eno pa lau ideighilo. Pa qhoqhu eno achipiu shilo eno nongu Lhou pelo shipe nike kutu-ukulushi khealo.

HOSIYA 6:6

Niye nongu wu iqemokeu kikimiye lunishi ani kethono lhoxu heqhipe mllakeu khuamoe. Niye heqhipe piti imllakeu nguno alauno iwu timiqo pelo ni-ithipe nishike.

ACHINE 26:41

eno ipelo panoqo shou akumou shipeke eno panoqo ghumi ghakhulo panoqo halepupove peke. Ashekhalo, kughou nongu polo kughukomino mtshaivuni keno eno pano xine eno hebidekeu jume lochileveni keno,

AMUS 5:24

Tishinike zuqhulo kuchou xakutha shikeuno aghoki toi qowu pelo eno achipiu shikeuno aghoki qoitamo keu toi shipelo.

MICAH 6:9

AMPEU sumsakeuye alokutsu achipiuke. Pano aphughi vilo picheni, “Nongu aphughilo kuhokumqo akeqo, hi inilo!

ZEFANIA 2:3

Nongu akumtshami ayeghilo akemi khunoqo AMPEU zahkutsu peluche kemi keno kumtsu pa lau ideighivelo. Kiuno achipi keno tipau shilo eno AMPEU zulo nolikhi nongu kughape aqhokigheu shilo. Ishiake AMPEU no pa loghu pepheke tsalalo nonguye aghime lono poluve luvike.

ZEKHARIA 7:9

“Ado kushuwo lono ino ahza kutsu hipaqo iwu timi tsuke: ‘Nonguye lakhino lakhi athikuzumi lau kuchou xakutha, kupukilekeu eno kimiye qhiyi keu shimayesake.

MATTHEW 5:3

“Amlolo kumlhomi shi aniepi ithikemi kumghae, kughengu Kungugha yehkipeye panoqo wuke!

MATTHEW 5:7

“Kutami gholo amlo saqhiyikeu kuqhakemi kumghae, kughengu Alhou no panongu shou amlosaqhiyi tsu nani!

Luke 10:42

Ikemu thime lakhi avehupu shi ani. Maria no thime akiviu kisheluvae eno tiye li launo ikhisuwuve mla nani.”

Luke 11:42

“Ikemu nongu Farisimi ghenguno ahae! Nonguno ayetsuni jeli kumtsu pesu chighi sajelo lakhi Alhou lau akumllagho tsu cheni, ikemu Alhou zulo achipiu eno kikimiye kughuchove acheni. Kutau ghi shiepinamu nonguno amikucho eno kikimiye pepimhe akepue.

Luke 12:14

Jisu no pa vilo pi, “Timio, khuno ipelo okujo dolo amheghi kikijeu eno kughakuthau shipe kya?”

Luke 6:36

Nongu paPuh ye kupukini kehu nongu ghi kupukini shilo.”

Rommi 7:16

ike ino kiu shinishi mokeno tipau ino shicheni aye, ayezah ye akivi kepi ino tipa tsalo qhasutsu ani.

Rommi 9:20

Ikemu no khuu keno, timi lakhi kenoku-u Alhou ghechile ani kya? Ayeghino shikeu li lakhiye ti koghekughu shiphekeu vilo, “Noye kushiye hitoi ikughuphe kya?” ipi iniju chemoe.

1 Kor. 7:16

Nono kupulumi anipu lakhi shiaghi aye noye okimi xamla nani kepi kishieno piluni kya? Momu nono kupulumi akimi lakhi shiaghi aye noye onipu xamla nani kepi kishieno piluni kya?

Ephesiami 4:32

Eno lakhino lakhi kimiyekile, amlo ighiqhiyi eno kuzakuzuyi shilo, eno Khristo gholo Alhou no nongu kipimi pevetsu ketoi nongu lakhino lakhi kipimi pevetsukilelo.

ZAKINIU 27:10

tighenguno pagho lulo eno ishi tsalalo ino nongu tsu akeu yezahqo kumtsu pelulo.”

ZAKINIU 30:15

“Ishi tsalalo ino nongu pelo akivi ngo alhoksa kuma dolo eno akuxu ngo akithi kuma dolo kishelu kepu tsu ani.

Kolosiami 3:12

Alhou no nongu kimiyeno, pawu shipenike kisheluvekemi akehu, kimiyeqhiyikeu, kutami kupukeu, akumtsha, akughuvu eno kutuukulu pepulo.

2 Thes. 2:16

NiMpeu Jisu Khristo ampino, eno niPuh Alhou, khuuno ningu kimiye acheni eno kupukini vechewo lhokta lokughunopu ngo lajupu kivi pesu ningu tsukeno,

James 2:20

Noye mbomuzumi kena! Akumla sumokelo akupuluye abokumsa kepi opiyepe nishi ani kesha?

JOSHUA 24:14

Joshua no pikibe ghi pi, “Tishiaye itehiye AMPEU sumsa eno kuchouno pa qelo. Nopu asunoqono Mesopotamia eno Ijip lo mllachekeu lhouqo hu phevelo eno AMPEU likhi qelo.

1 Peter 3:8

Ashekhashi, nongu kumtsu akukumsulo ngo amlo imekeulo lakhishi kuqhakulu shilo; athikuzumi kimiyekile ketoi lakhino lakhi kimiyelo eno lakhino lakhi lau amlo kumtsha eno ivunheyi shilo.

SAMUEL ATUGHIU 12:23

Ighenguye, ino nongu ghenguno pa lau inikhutsu akeu huno axine shi apenikeu AMPEU no lakhavae. Tishinike zuqhu, kiuno nongu ghengu akivi eno achipiu keno ino nongu shika tsu nani.

SAMUEL ATUGHIU 15:22

Samuel no pi, “AMPEU ye khikhiu pulo ani kya? aghokulu keo, akumlla eno aghakishi kya? Bheri akiviu pesu pa mllani kepu zuqhuye pa gholu keuno akiviu.