MICAH 6:2 - BAIBEL (BSI)

² Nongu naghutoqo, nongu ayeghi boqhaqo, AMPEU wu kughakepu akeu inijulo! AMPEU ye pawu timiqo shou kughakepu lakhi ani. Pano Israil shou ngukube kepu lakhi sughini chenike.

Sumi Naga CL (Re-edited) Bible (BSI)

² Nongu naghutoqo eno ayeghi boqhaqo Ampeu no nguku keu inilo, kughengu Ampeu ye Paw timi shou nguku ani, eno Pa ye Israel sasü kütsala nani.

MICAH 6:2 Mawu Ofanana

SAMUEL AKINIU 22:16

Azughi boqha huno qhaikhave, ayeghi tsukuchoqo kuzupe ngokeu kuhave kughou AMPEU no pa ghumi lomipi eno aloghu lono panongu shou ighapuku keno;

SAMUEL AKINIU 22:8

Tishike lono ayeghino msa kelauno pekughuthauve; atsutsu tsukuchoqo huno nanashi ithauve kughengu Alhou no amlo ide kehu!

LESHELE 104:5

Nono ayeghi pesu mutotoi pabo qhalo shope puani, tiye khilemu ithamoke.

AHOLE 8:29

azughizu vilo pano pitave tsukeu nguno alau ihi ikughi kevilo pi ahza tsu akelo niye tilehi ake. Pano ayeghi chokiqhe tsukucho gho akelo niye tilehi ake.

ISAIAH 1:18

AMPEU no pi, “Itehino ningu avehu kimchiveni nolo. Nonguye axineno huchuhulesu xapu ani, ikemu ino nongu shikithe pesu murasu toi shitsuni. Nongu hedapusu akeuno ighono huchuyi aghi namu asupha toi metsughoi shivetsu nani.

ISAIAH 3:13

AMPEU ye pano kughathakepu akeu pinike kutope ani. Pawu timiqo shou kughathabe nike kutope ani.

ISAIAH 43:26

“Ningu kughaki lo wuni nolo; nonguno ngukukepu aghiaye sughilo! Nonguye achipi kepi pipenishiaye no tsakugha qhijulo!

ISAIAH 5:3

Ike ishouno ishipi, “Nongu Jerusalem lo ngo Juda lo akemiqo, itsayilu ngo ikujo dolo kughatha tsulo.

JEREMIYA 2:9

“Ikehu ni, AMPEU ye itaghi iwu timi qo shou kughakepu akeu pini cheni. Ino panoqo tianuli shou ngukubeni cheni.

JEREMIYA 25:31

tipau sutsaye ayeghi shekha kutolo vekuvava nanike. AMPEU no ashiayehqo shou kughakepu lakhi ani. Pano timi kumtsu shou kughajunike saghi nani eno kusakughamiye pithive nani. AMPEU no piqhiveake.’ ”

JEREMIYA 31:37

Atsutsu kunguu akeu mighiwo toluve aye eno ayeghi boqhaqo phuphekhaluve aye, tilehi likhino AMPEU no pawu timiqo peveni cheni, tiye panonguno mlavekeu kumtsu ghenguno. AMPEU no piqhivae.

HOSIYA 12:2

AMPEU ye Juda lo akemiqo shou ngukukepu lakhi sughi kepu shiani; paye Israil lo akemino kishi mla itha cheni keno tipau ghenguno aghime tsuni cheni. Panoqono kiu mlapuani keno tipau ghenguno pano panoqo lochile nani.

HOSIYA 12:3

Panoqo puasu Jakob no aza polo pamu Esao sasu kumtsa aphilonomu pamu sasu kusuxake. Kughou Jakob no kichimi shive keno paye Alhou sasu kumjoke,

HOSIYA 4:1

Hipa ghakhulo kughuna akemiqo shou AMPEU no ngukukepu lakhi sughini cheni. Israilmiqo, pano kiu piani keno inijulo: “Aghakhu hipaulo amikucho momu kikimiye kuhake eno timiqoye niye Alhou kepi ithitsu amoe.

MICAH 6:1

AMPEU no Israil shou kughakepu akeu inijulo! O AMPEU ithulo eno owu kughakepu peighilo; naghuto ngo atoqo pelo nono pikeu chilu pelo.

ZAKINIU 32:22

Iloghu kighideye ami toi iqu ipeghino ayeghi shou thwokha jeli kumtsu piti nani. Tipauno ayeghi qhou kutolo to nani eno naghutoqo pukhu kuxa pitile nani.

ZAKINIU 4:26

Ino atsutsu ngo ayeghi kupuzu ishi tsala lono nongu shou thopi shianipeke nonguno ighobideve aye nonguye aghakhu lono pai hauve nani. Nonguye Jordan hukukuu nonguno ngoluniye kuto akeu ghakhulo ado kushuwa xumlave nanike, nonguye ghumono kutsaleve nani ke.