MICAH 5:7 - BAIBEL (BSI)

⁷ Israil lo akemi khunoqo xu aghi luni keno tipaqoye ashiayeh kutomo ghenguno AMPEU no aloponiyi keu tsuzu puwukeu toi nani, panoqoye atsuni thu ipeghi akeulo tsughupuku keu toi nani. Panonguye timi shou kumono Alhou shou pukhube nani.

Sumi Naga CL (Re-edited) Bible (BSI)

⁷ Tishino Jacobw ghükulumi ye Ampeu tsüzü toi, atsüni shou tsüghuqhi ketoi, ashiaye kutomo dolo anani ti ye timi ghenguno munuve chemo momu timi nuliqo ngokhe chemoe.

MICAH 5:7 Mawu Ofanana

SAMUEL AKINIU 17:12

Tishiaye David no khile khile aghipinamu pano mtha aphi lono pa leluve masae. Tishi anguno pa pina pawu timiqo pinamu kumu xukulupu shimove nani.

LESHELE 110:3

Nono oghumi sasu aghushike tsala lono owu timino oghenguno wuni keu ighi nani. Inaqhe tsuzu toi owu lhothemiqo no akimthe toghilo olau ighi nani.

LESHELE 133:3

Hiye Hermon Naghuto tsuzuno Zion toghilo qipuku akeu toike; Tileno AMPEU no pawu kukumgha tsunike, ti akuxu ashekha kuha keu shoqhi shike.

LESHELE 72:6

Akukauye aluzalo tsutsughu ighike toi shipelo, ayeghi shou ghuqhi puku akehu toi shipelo.

AHOLE 19:12

Akukau loghuye abongushu ghugha toike ikemu pa lopu shiluaye kheakeu tsutsughu ighike toike.

ISAIAH 32:15

Ikemu itaghi ghuthu lakhi Alhou no pa Ghungu puwu nani. Lumovekeu yeghiye aghuma yeghi shive nani, eno aluqalo axa kinikulushi pithi nani.

ISAIAH 44:3

“Tughuthi akeu yeghi ino azu leqhi tsu nani eno qhaike yeghi shou aghoki qowupe nani. Otianuliqo shou ino ikuka lepuku nani eno olaghamiqo shou ikukumgha lepuku nani.

ISAIAH 55:10

“Itsaye atsutsu lono ayeghilo azu sutsuniye murasu ngo tsutsughu iqighikeu toike. Tipaqono axabo thuwupe cheni eno yisu kulupu apiti tsu cheni eno chukepu achuqupu tsu cheni.

ISAIAH 66:19

eno ino panoqo ghimeqhi ani kepi panoqono ithi nani. “Ikemu ino panoqo khamiye ghupe qhinani eno ashiayeh kutami lau ngo putosu yeghilo akemi ijekipi chimla aphikemi eno ikuka kuloghi ithumla aphikemi lau panoqo puwu nani. Hipaqo lau puwu nani: Spein, Libya, Lidiya lo asuzu pekithimi lau eno Tubal ngo Greece lo. Ashiayeh hipaqo gholo panonguno ijekipi pesu asheshu nani.

JEREMIYA 14:22

Ashiayehqo su-atu julho lakhinomu tsutsughu puwutsumla; atsutsu ghi pa kutoshino ghuqhi tsumla ke. O AMPEU, niLhou, niwu lajupu oshou acheni kughengu nono hipaqo thime shi acheni.

EZEKEL 14:22

Timi khualano xuaghi puzu pati anuli puxupe aghi aye panonguno nongu lau ighikelo tipaqo shou jupukujulo panonguye kiutoi alhoksa kela julo eno tipau lono ino Jerusalem shou aghimepu sughikeu huye achipi kepi mutsumishei ithilo;

EZEKEL 47:1

Timi huno isachile sasu Achineki ikulolalo wu. Ikulola qholono azu qoipeghi ae eno kipela kudau qowu ake, Achinekino juakeu kudau qowu ake. Tiye achineki apeu aqhou kudauno akipti-a jibo apeu hechesu qoiqi ake.

EZEKEL 5:5

Akughushu MPEU no pi, “Jerusalem julo. Ino li pesu ayeghiqha mtalo qhitsuke eno ayeghi kutau pelo li vehomxa pesu qhitsuke.

DANIEL 11:32

Azuu puluche keu chineyeh phevekeqo pishiqhiveno akukauno panongu launo akukaqha luve nani. Ikemu khunoqo Alhou pape chekeno panonguno mujo chile nani.

HOSIYA 14:5

Niye Israilmi ghenguno qhayikeu yeghilo tsutsughu ighikeu toi shi nani. Panonguye axamunu toi puile nani; panonguye Libanon lo asuboqo toi akuhu akivishi qusulu nani.

HOSIYA 6:3

Ningu AMPEU ithinike pukaputsa juni nolo. Paye kuchouno inaqhe vuipeghi keshi ighi nani, ghixu tsalalo tsutsughuno ayeghi shou ghupuku keshi paye kuchouno ighi nani.”

JOYIL 2:32

Ikemu AMPEU vilo kuphu lepi qhuiniju kemi kumtsu xapheluve nani. AMPEU no piveke toi, ‘Jerusalem lo ngo Zion Tolo khamiye poluve ani; Ino kisheluve kemiqoye xulupe nanike.’ ”

AMUS 5:15

Alhoksaye kiu keno tipau jumithilo eno achipiu kimiyelo eno kughakutha-alo achipiu xakutha achepelo. Ishiake, AMPEU no hipau shiayehlo timi puxupe puaghikemi shou kupu kimiye luvi ke.

MICAH 2:12

“Ikemu Israil lo akemiqo nongu khije ghupe puaghi nikeno tipaqo kumtsu ino hekutsu kumqo nani bherino bokuthabo lo ideighi keshi ino nongu hekutsu kumqo saghi nani. Aluzaqalo bheri chhitoi akeshi noyeghiye itaghi timi kumzapuno chhitoi kitheve nani.”

MICAH 4:13

AMPEU no pi, “Jerusalem lo akemiqo, wulo eno noghumi ghimeqhilo! Amshitsu lakhino ayi kibo eno alazayi pukhumutsu puakeshi ino nongu pelo akumto shipe nani. Nonguno ashiayeh kutomo ghadaqhi nani, eno panonguno heqhi buqhikeu lono kinikulu pekutsu puakeu pesu nonguno ni, ayeghiqha kumtsu shou AMPEU zulo peighilo.”

MICAH 4:7

Panonguye aphi a-u ichheve ake eno aghakhu lono putou ani, ikemu puxupe puaghi kemiqo sasu abothu lono akithe kiukela lakhi ino shi nani eno panonguye ashiayeh kuloghi lakhi shive nani. Tipa ghuloki nguno alhokupuju kutolo Zion Toghilo ngo puzu ino panoqo shou ayehpe nani.”

MICAH 5:3

Tighenguno khuuno punu niye anikeno tipauno anu punu moke kutolo AMPEU no pawu timiqo pano ghumi lau phesuvetsu nani. Tileno pano ghakhu lono halepheve akeqono pano timiqo gholo kumqo kitheluve nani.

MICAH 5:8

Ashiayehqo gholo Israilmi ghupe puaghi keqoye abongushu lakhino aghasulo momu achu kumza-alo achuqupu phuche keu toi nani: tipauno bheriqo gholo ilo puzu ilhewo tipaqo tsu cheni, tipaqo suthapinyive cheni eno tilehiye hakho kulupu laju akepu kuhave cheni.

MICAH 7:18

O AMPEU, otoi keu lhou kutau kuhae; nono owu timi, puxupe puaghitsu kemiqo xine peivetsuke. Noye alhokupujulo aloghu ideauve chemoke ikemu nilau owu lhokta kikimiye piye nikeulo ozukuvu shi achenike.

ZEFANIA 3:13

Israil lo khunoqono puxupe puaghini keno tipaqoye khulaumu akumou shimo nani, mikimo nani, pishiqhi keu tsa pimo nani. Panonguye kinikulu shi nani eno sushokulu anani, khuumu musakepu kuha nani.”

ZEKHARIA 14:8

Tipa tsala ighi kelo, Jerusalem kudauno akuxupuzu qowu nani, tuxano Akithi Zughi kudau qowu nani eno tuxano Mediteriya Zughi kudau qowu nani. Hiye ampe kupujulo qowu anani, tuqu tsala momu mutsu tsala shimono qowu anani.

ZEKHARIA 9:13

Ino Juda pesu ghushimi suzu toi peithani eno Israil no apiji toi peithani. Ino azutakihi lakhi toi Zion lo akemi peithano Grik lo akemi mujoni.”

MATTHEW 28:19

Ike aqha kumtsulo ashiayeh kumtsu lau wulo eno ino kutsukeu lukemi shilupelo; Apuh jeku, Anu jeku eno Aghungu Kimthe jeku ishieno panoqo baptiz shitsulo;

Apostolmi 11:15

Ike ino atsa pithu kethiu Aghungu Kimthe no panoqo shou iqighie, inahuu ningu shou ighikeu hutoike.

Apostolmi 13:46

Ikemu Paul ngo Barnaba pamano amlo kumtoshi pi, “Alhou tsa nongu vilo paghi pi mayesakepu shike. Ikemu nonguno hi milive ani, eno nongu likhi nonguye lhokta kuxu akuzupu kumovae, ikeke ninguye nongu qhiveno Judakumomi lau wuniae.

Apostolmi 16:9

Tipa ji kungunhetsu lakhi Paul lau ipeghi; Makedoniami lakhi puthugho puzu pa qhuiniju ghi pi, “Makedonia lo ighilo eno ni kuphutsulo!”

Apostolmi 9:15

Tile Ampeu no pa vilo pi, “Wulo, kughengu pa pelo iqe penike eno ije pesu Judakumomi, kukami eno Israilmi lau pewu penike ino pa kishevae.

Rommi 10:20

Isaya no akumto shi pipuani: “Khunoqono iphujumono achekeno tipaqono iphuluvae, Khunoqono ivehu inijumono achekeno ino tipaqo lau pephe piyevae.”

Rommi 11:12

Judamino axine shivekeu lono ayeghiqha shou kukumgha kinikulushi sughi, eno panoqono iluqivekeu lono Judakumomi lau kukumgha kinikulushi sughi aye, Judami khije ighikepu anikeno kumtsu kihisuluveaye kumghakeu alau anani!

Rommi 9:30

Tishiaye ninguye kiu pilu nani kya? Judakumomino Alhou lau achipikaluni keu phulumono achekemu phuluvae; akupulu vechewo pa lau achipikalu keu shi qhiluvae.

1 Kor. 3:6

Ino abo shosu, Apollo no azu pusuke, ikemu abo thuwulupe keuye Alhou noke.

ZAKINIU 32:2

Ikukutsuye tsutsughu kighiji toi iqighi eno ayeghi shou atsuzu toi kumqolue. Itsaye tsutsughuno atsuni khunu shou ikiqi iku ketoi, atsani kumtsha shou mkhano ghupuku keu toi.

XAKUTHAMI 6:36

Tileno Gideon no Alhou vilo pi, “Ipelo Israilmi xaphe lupenike ipeithani chenipi nono kughakutha shivae ipie.