MICAH 5:1 - BAIBEL (BSI)

¹ Jerusalem lo akemiqo, no-ghukishipu jeli hekutsulo! Ninguye suholuvae! Panonguye ayikusu pesu Israil lo ayehkipeu shou ghapuku anike!

Sumi Naga CL (Re-edited) Bible (BSI)

¹ Itehi now ghüshimi hekütsülo, O ghüshimiw ayiliu; ningu lenike khasüpe ngovae; panongu no aqheküsü pesü Israel xaküthau gilo ghapuku ani.

MICAH 5:1 Mawu Ofanana

BOTHUBO 35:19

Rachel thive kelo li kumoye Efrata lalo qhove, tiye Bethlehem ke.

BOTHUBO 49:10

Akukau kusu ye Juda phemoe, eno pa pukhuno tsape ke; Tipau mipeu shikuzuu ighieno timi kumtsu shou ayeh pemoke kuto pa kuka pe anani.

KUKAMI ATUGHIU 22:24

Tileno tungkupuu Zedekiya no Mikaiya lau ighi puzu pa gilo ghatsu eno ishi iniju “AMPEU ghunguye kughouno ipheveno oputsa ighi kya?”

KUKAMI AKINIU 24:2

AMPEU no pa qeu tungkupu vechewo pano shi nani piketoi kuchono AMPEU no Babilon ghushimi, Siriyami, Muabmi eno Amunmi hipaqo ighino Jehoiakim sasu aghushithu eno Juda yeghi shipsa thuve.

JOB 16:10

Timino iju puzu abaxa muku anie, ithaigha ghi igimuchulo ghatsue eno hekutsu no imithi anie.

AHOLE 8:23

Inahuu abothu lono ilhopheke, ayeghiqha lhophe mphi lono niye atughiu shike.

ISAIAH 10:6

Alhou mthakemi shiayeh shou ino pa puwuni, iloghu shikighide kemiqo shou ino Asiriya puwuke. Ino panoqo puwukeuye alaghilalo aniba qodaneda keshi timiqo pukaqhi, xuleqhilu peniyeke.”

ISAIAH 33:22

AMPEU ye nishou kughakuthau, paye niyehkipeu, paye nikukau; pano nixalu nani.

ISAIAH 8:9

Nongu ashiayeh kutami, musaqhiyi hekutsu kumqolo! Ayeghi putou akeqo, inilo. Aghushi nike kutokupui ngolulo, ikemu musaichivelo! Iye, kutope ngolulo ikemu musaichivelo!

ISAIAH 9:5

Leighikemi ghushimiqo pukhukuqho ngo panoqo phimini ajipususuyi keu kumtsu ami pesu pitivetsu nani.

JEREMIYA 25:9

‘Niye timiqo ghenguno ashiayeh ahuu akeqo kupuwuni cheni eno Babilon lo akukau iqeu Nebukadnezar kupuwuni cheni. Ino panoqo pelo Juda ngo tile akemiqo eno tipau cheaxulo ashiayeh akeqo sasu aghushi penike ino panoqo sasu ighini cheni. Niye ashiayeh hipau eno hipau cheaxulo akemiqo kutsanike ighini cheni eno panoqoye alhokupujulo hexapinyi qhive nani, akumsapu eno jukichi kepu shipe nani. Ni, AMPEU no piqhive anike.

JEREMIYA 4:7

Abongushuno pa kughutshua lono cheke toi, ashiayeh kukutsau lakhi chevae. Paye Juda kutsanike cheni. Juda lo aphughiqoye ixapiniyi qhive nani eno tipaqolo khumu kughuna move nani.

AKUMLO 3:30

Pa pelo pa gimchu kughope pa kuo akemiqo tsupelo. Thokughano pa phi chhive pelo.

EZEKEL 21:32

Nonguye ami lono kutsapinyive nani. Nolikhi noyeghilo nongu jih pele nani eno khunomu nongu kumsu chile mlave nanike.’ ” AMPEU no pivae.

EZEKEL 24:2

“Thinikuau timio, ishiye kiu tsala keno tipau yepesu qhilo kughengu hipa tsalanino Babilon kukauno Jerusalem khasu pesu lekeu huthu anike.

DANIEL 9:25

Tsaqui juno ithuvelo, Jerusalem mlakithe luvepe nikeu ahza tsukeu lono Alhou no sakipheu kishephe tsukeu ighikeu tsala kutolo, ampe tsunino ghuthu tsuni wo nani. Jerusalem mlakitheveno, atoghila ghutu ighono mutotoi mlave nani eno tipauye ampe tsunino ghuthu lhotsugho kini anani, ikemu tipadoye aghimedo shi nani.

JOYIL 3:9

“Ashiayeh kutamiqo gholo hipau asheshulo: ‘Aghushinike kutolo; no-ghutomiqo ku-kumqolo; no-ghushimiqo kumtsu hekutsuno chelo!

AMUS 2:3

Ino Muab lo ayehkipeu ngo tipa yeghilo sakiphemi kumtsu ghiqhi pithive nani.”

HABAKUK 1:6

Ino Babilon ayikusau eno ngosukumlau pesu akuka tsuno kutami yeghi lelupe nike puwuni cheni.

HABAKUK 3:16

Ino hipau kumtsu chilu eno musa khokhoshi; akumsa lono imtsuno lalashi itha. Iphimpino inaiveke, eno ipukhuno aqhou kudauno kupuxaluveke. Alhou no ni leighikemiqo ghimeqhike ghuloki ighinikeu niye inaqhoi khe anani.

MATTHEW 26:67

Tishieno panonguno pa gilo musute puku, pa chishiqhi; eno khamino pa ghaqhi ghi ishi pi,

MATTHEW 27:30

Panonguno pa shou musute puku, eno akusu hu ikhipesu pa kutsulo ghatsue.

MATTHEW 5:39

Ikemu itehiye ino nongu vilo pini, alhoksa shikemi mujochile kevilo. Timi khualano ogimuchu ajeu ghatsu aye ogimuchu piyiu ghi pa lau kughopuwo tsulo.

John 18:22

Kughou Jisu no hi pikeno, tilehi puthugho akemi aghukhemi kijemi lakhino pau pesu Jisu gha puzu ishipi, “Noye ighumoke sheno achinemi shou Atou vilo tishi picheni kya?”

John 19:3

eno pa lau ighino pi, “Judami shou Akukau, axupushu peniu!” eno pa phivilo ighino panonguno pa gilo ghatsu.

Apostolmi 23:2

Tileno Achinetou Anania no Paul phivilo puthugho akeqo vilo pakichilo ghatsulo pi ahza tsu.

2 Kor. 11:20

Tsala timi khamino nongu ahza tsu na, qhasuve na jukunathave na, agilo ghatsue pinamu nonguye ti kutuuluve cheni.

ZAKINIU 28:49

Ayeghi shekichi kudauno AMPEU no ashiayeh lakhi nongu shou saighi nani, tipau shiayeh tsa nonguno mthake. Panonguno aluqu toi nongu shou kuptshupe ikughi nani.

ZAKINIU 33:27

Alhou ye pulhapujulo nowu sushokulu shi acheni; pawu lhokta uno nongu puqhe cheni. Nonguno azuu haighi kelo pano noghumiqo haphevetsu, nongu vilo kumtsu kutsalevelo pie.

XAKUTHAMI 17:7

Tipau ghuloki lo Levi laghami lhothemi lakhi Juda lo Bethlehem taun lo ache.