MICAH 4:7 - BAIBEL (BSI)

⁷ Panonguye aphi a-u ichheve ake eno aghakhu lono putou ani, ikemu puxupe puaghi kemiqo sasu abothu lono akithe kiukela lakhi ino shi nani eno panonguye ashiayeh kuloghi lakhi shive nani. Tipa ghuloki nguno alhokupuju kutolo Zion Toghilo ngo puzu ino panoqo shou ayehpe nani.”

Sumi Naga CL (Re-edited) Bible (BSI)

⁷ ala chemlave kemi pesü I no ghükulumi shive nani, eno hapupove kemi pesü akumto shiye shive nani; Ampeu no Zion lono hipa ghuloki lono alholo panoqo shou ayepe nani.

MICAH 4:7 Mawu Ofanana

LESHELE 2:6

Pano pi, “Ino iwu akimthe toghi Zion shou ikukau qhipe puani.”

ISAIAH 16:5

Tithiuno David laghami lakhino akukau shive nani eno pano amikucho ngo kikimiye lono timiqo shou ayehpe nani. Paye achipiu shinikeulo xathai nani eno achipiu xakutha shitsu ani kemokeno pano jutsu nani.)

ISAIAH 24:23

Aqhino zumoyi kitheve nani, tsukinheno yepuvu tsumove nani, kughengu Aqokitikhi MPEU no Akukau shive nani. Pano Jerusalem lo Zion toghi lono ayehpe nani eno ayeghilo timiqo sakiphemino pa kimthe jukuvu ithulu nani.

ISAIAH 6:13

Timi chighi gholo milakhi likhi ayeghilo achili shiaghive kepu shiepinamu tipaqo ghi kutsapiniyive nani; tiye aphisu yeqhiveno asuzungu likhivekeu toive nani.” (Alhou wu timiqoye tipau suzunguke.)

ISAIAH 60:22

Nongu gholo aghulou eno aqhokigheu kibo namu ashiayeh kumto lakhi toi kije shive nani. Kughono ado kivi ighini keno, Ino tipau papashi shiluvepe nani. Ino AMPEU ke!”

ISAIAH 66:8

Timi khualano tikithipu ghili ithulu momu chilu akesha? Ashiayeh lakhi atsala lakhi lono punuqhikeu ani kesha? Zion no apunukusu sukeu kushuwa kumo lono pano shiayeh punuqhive nani.

EZEKEL 43:7

“Thinikuau timio, ikuka lakhu hile ani. Niye hile Israilmi gholo acheuve nani eno alhokupuju panoqo shou ayehpe nani. Israil lo akemiqo pina momu pano kukamiqo namu kutau lhouqo mlla puzu momu hipa-alo pano kukami sukumo qhokeu lono itaghi ije kimthe shipixi kithemove nani.

DANIEL 2:44

Panoqono akukau shi ake ghuloki lono kungulo kukau Alhou no akukaqha lakhi shi nani, tipau khilemu puhavemla nani. Ikemu pano kutami kukami kumtsu puhave tsu nani eno pa kukano ashekha kuha acheuve nani.

DANIEL 4:34

Kughono ampe tsuni tove keno akukauno ishipi,”Ino kughono kunguu atsutsulo jukeno, ilokutsu ide ighive. Tighenguno Akughushu Lhou oje sheqhe tsue eno agigihu aje kipi kumtsu kughape tiqheli tiqhelilo achekeu tsuke.” “Pano ashekha kuha ayehpeni, eno pa kukaphuye tiqheli tiqheli kuto ache nani.

DANIEL 7:14

Akuka, agigihu eno ayehkipe kuka pe pa tsuve, ayeghiqhalo timi kumtsu, shiyeh kumtsu ali kumtsu eno atsa jeli kumtsu paqe peniye ke. Pa kukaye alholo acheni keu eno pa kukaqhaye khilemu ashekha shivemoe.

DANIEL 7:27

Ayeghilo akuka kughushu ajekipi kumtsu kughape Akughushu Lhou wu timiqo tsuve nani. Panongu yehkipe kuka ashekha kuha nani eno ayeghilo kukami kumtsu pa huthu pa gholu nani.”

HOSIYA 1:10

Israil lo akemiqoye azughilo asaye paphi shive nani, panoqoye kihikhamla eno mighiwo tomla kepu shive nani. Itehiye Alhou no panoqo vilo, “Nonguye iwu timi kumoe.” ipike, ikemu pano panoqo vilo ishi pinikeu tsala wocheni, “Nonguye akuxupu Lhou nuliqoke!” ipi pi nani.

JOYIL 2:32

Ikemu AMPEU vilo kuphu lepi qhuiniju kemi kumtsu xapheluve nani. AMPEU no piveke toi, ‘Jerusalem lo ngo Zion Tolo khamiye poluve ani; Ino kisheluve kemiqoye xulupe nanike.’ ”

JOYIL 3:17

“Tishiaye, O Israil, niye nongu Lhou AMPEU kepi nonguno ithi nani. Niye ikimthe toghi Zion lo acheni. Jerusalem ye akimthe phughi lakhi shi nani; inaghamiye khilemu tipau itaghi lelumo nani.

Obadiah 1:21

Jerusalem lo tokulu shi achekemi qono Edom le nani eno tipau shou ayehpe nani. AMPEU no Akukau shiluve nani.”

MICAH 2:12

“Ikemu Israil lo akemiqo nongu khije ghupe puaghi nikeno tipaqo kumtsu ino hekutsu kumqo nani bherino bokuthabo lo ideighi keshi ino nongu hekutsu kumqo saghi nani. Aluzaqalo bheri chhitoi akeshi noyeghiye itaghi timi kumzapuno chhitoi kitheve nani.”

MICAH 2:13

Alhou no panoqo ghenguno ala khaqhitsu nani eno halepupokeu lono panoqo saipe nani. Panonguno aphughi kikha vexu ipeveno ililayi wu nani. AMPEU ampino akukau shino panoqo saipe nani.

MICAH 5:3

Tighenguno khuuno punu niye anikeno tipauno anu punu moke kutolo AMPEU no pawu timiqo pano ghumi lau phesuvetsu nani. Tileno pano ghakhu lono halepheve akeqono pano timiqo gholo kumqo kitheluve nani.

MICAH 7:18

O AMPEU, otoi keu lhou kutau kuhae; nono owu timi, puxupe puaghitsu kemiqo xine peivetsuke. Noye alhokupujulo aloghu ideauve chemoke ikemu nilau owu lhokta kikimiye piye nikeulo ozukuvu shi achenike.

ZEFANIA 3:13

Israil lo khunoqono puxupe puaghini keno tipaqoye khulaumu akumou shimo nani, mikimo nani, pishiqhi keu tsa pimo nani. Panonguye kinikulu shi nani eno sushokulu anani, khuumu musakepu kuha nani.”

ZEFANIA 3:20

Aghuloki wocheni! Ino notimi apanagha akemi aghakhulo saghi nani. Ino ayeghiqhalo akemi zulo nonguye ajekipipu shi tsu nani, eno nongu pelo itaghi kini kulu shilupe nani.” AMPEU no pivae.

Luke 1:33

paye pulhapuju ghenguno Jakob lagha kukau shi nani eno pa kukaqhaye ashekha shimo nani.”

Piyeküsü 11:15

Tileno kungumi akutsuniuno pa fuko kuyigha, ikelauye atsutsulo vekipighi asutsa shiae eno ishipi “Ayeghi kukaqhaye niMpeu eno pawu Mesiya wu akukaqha shiluvae eno pano alhokupujulo kacheuve nani.”