MICAH 3:11 - BAIBEL (BSI)

¹¹ Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

Sumi Naga CL (Re-edited) Bible (BSI)

¹¹ Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

MICAH 3:11 Mawu Ofanana

AHOLE 17:23

Kusakugha kughakuthami qono tuqho tughouno kulugho tsukeu luveno kuchou xakutha shitsu chemoe.

ISAIAH 1:23

Nongu sakiphemiye hekibidemi eno kupukami poshuu shivae; panonguye pulhapuju tughotili eno kulugho luacheni. Panonguye kughakutha-alo khilemu mighimghaqo sushotsu chemoe momu chimemino xathatsu peniye atsa sughikelo initsu chemoe.

ISAIAH 48:2

Tishikeghi nonguye aqhekuzashi akimtheu phughilo kihikusumi kepi picheni, eno nonguye Israil Lhou, pa jeye Aqokitikhi MPEU shou bepe acheni kepi picheni.

ISAIAH 5:23

Ikemu kulugho luveno nonguno pimivekemi phepuwuve cheni eno pimipuamo kemiye achipiu xakutha ithumlave cheni.

ISAIAH 56:11

Panonguye atsu alakimineno khilemu lukumkha shimokeu toike. Sakiphemi hipaqoye ithikuta shikeu kuhake. Panoqo milakhi khino pano pulokeu shicheni eno pa kivipu likhi phucheni ke.

JEREMIYA 23:17

Ino kiu pikeno tipau initsumo kemiqo vilo panonguno piachekeuno tipanoqoye kumtsulo akivi shi anani kepi cheni. Panonguno hebide kuthovi ache kemiqo vilo kutsakungo keuno khilemu panoqo shou ikughimo nani kepi piachenike.”

JEREMIYA 26:7

Achinemi ngo tungkupmi eno timi kumtsuno ino Achinekilo hipaqo tsa piakeu chilukhaveno

JEREMIYA 5:12

AMPEU wu timiqono pa peve eno ishi pike. “Paye kiumu shimo nani; nishou kiumu shikusapu ghuloki ighimo nani; ninguye aghukishi momu puqumiye keu sholumo nanike.”

JEREMIYA 6:13

Kijemi kitilami kumtsu amikucho kumo lono alla kighishe cheni aghukha shi acheni ke; tungkupumi ngo achinemi thotsu timi pishiqhi cheni.

JEREMIYA 7:4

Pishiqhikeu tsa hipaqo pulu kevilo, ‘Ninguye kiumu shimo nanike! Hiye AMPEU chinekike, hiye AMPEU chinekike, hiye AMPEU chinekike!’

JEREMIYA 8:10

Tighenguno ino panoqo ki alu pesu apighimi akithemi tsuve nani eno panoqo nipu kutami tsuve nani. Kijemi kitilami kumtsuno amikucho kumo lono pisa kuphumi shi achenike. Tungkupmi ngo achinemi ghi timi pishiqhike.

EZEKEL 22:12

Nowu timi khamiye atha ajume ithuluniye timi ghiqhi cheni; khamiye pano kusami Israilmi lau punakeulo akighishe khulu cheni eno tipaqo shou akumo akukuhau shikeu lono kinikulu shiluve cheni. Panonguye ikumsumaveke.” Akughushu MPEU no piveake.

EZEKEL 22:27

Yehpeka yehkipelo kijemiqoye atine lojino lhoxu heqhi puzu suthapinyi kishi akeu toike. Panonguno kinikulu shiluniaye ghiqhi heqhi cheni.

EZEKEL 34:2

“Thinikuau timio, Israil lo ayehkipemi shou tungkuptsa pipukulo. Panoqo vilo tungkuptsa pilo eno panoqo vilo ni, Akughushu MPEU no kiu piani keno tipau pilo: Nonguye ahasapuke! Nongu Israil khemiqo! Nonguye nolikhi nohiju kutoke ikemu bheriqo khilemu tuchomoe.

HOSIYA 4:18

Atsayiji shishe shove kethiu panonguye kutuqhakeulo azukuvu shi cheni; agigihupu nguno kujomzakeu pavi cheni.

HOSIYA 4:8

Iwu timiqono axine shikeu lono nonguno kinimi shiluve ani ikehu nonguye panoqo pelo alau alau axine shipenishi cheni.

AMUS 5:14

Achipiuye kiu keno tipau shini thono alhoksa shikevilo, tishianguno nonguno xulu nani. Tishiaye, AMPEU Aqokitikhi Lhou no nongu gholo anani, tiye nonguno piachekeu toi.

AMUS 9:10

Iwu timiqo gholo axinemiye aghukishi lono pithikhave nani, ti khunoqono ishi picheni keno, ‘Alhou ye shikupusa pelo nikupunu ighipemo nani,’ ”

MICAH 3:5

Khunono tungkupmi ajume tsuno tipaqoye alokughuno shi anani kepi tungkupmino pipekeu huno iwu timiqo pishiqhivae, ikemu khunoqono ajume tsumo keno tipaqo vilo aghukishi pesu shikichi chenike. Tikithipu tungkupmiqo vilo AMPEU no piani,

MICAH 7:3

Panongu kumtsu alhoksa shinikeulo shitsake. Kijemi ngo kughakuthamino kulugho khu cheni. Kijemiqono panoqo vilo pano mlolo shinishi akeu picheni ikehu panongu kumtsano akukughu shi cheni.

ZEFANIA 3:3

Tipaulo kijemi akeqoye abongushu igha akeu toike; tipaulo kughakuthami qoye muzuthi akeu tine lojino mihemuzakeu lono inaqhe tomphi lono aghi lakhimu qhimovekeu toike.

ZEFANIA 3:4

Tungkupumino lahilazake eno akupulupu kuhake; achinemino akimthe kitiqevetsu cheni eno pano kivipu shianiaye Alhou yezah suchighive cheni.

MALAKI 1:10

Aqokitikhi MPEU no pi, “Nongu gholo khuala pelono achineki hukikha khave penishi anie, tishianguno nongu pelo imllakeu khachelo avehu kuhakeu mi kuyiqu pemo nike. Niye nongu jupe imlo qi amoe. Niye nonguno akumllagho ilau sughikeu ikhilutsumo nani.

MALAKI 2:9

Tighenguno ino Israilmi pelo nongu jumithi pe nani kughengu nonguno ipulou ghobideke eno kughou nonguno iw timiqo kutsupiye keno nonguye kumtsu aphiphishi peithamoke.”

AKIKIHI 16:15

Muse ye agha ideveno AMPEU vilo pi, “Timi hipaqono akumllagho sughikeu ikhilu tsukevilo. Niye panoqo wu gadaha lakhimu lupuamoe.”

AKIKIHI 22:7

Tighenguno Muabmi ngo Midiyami sakiphemino musuini keu me tsukepu panongu gholo pewu eno Balam lau ighino Balak sutsa pesu patsu.

MATTHEW 3:9

eno nongu likhi nongu kijivilo ghi, ‘Ningu papuh ye Abraham ke,’ ipi kumsu akevilo. Ino nongu vilo pini, Alhou ye atu hipaqo ikhi pesu Abraham ghenguno atianuli kughulhove tsulu nanie!

1 Tim. 3:3

Paye shokumzumi shimoni momu anguka vesukemi shimoni ikemu ivunheyi eno iquighai kemi shimasa. Paye pisa kiminemi shimoni.

Titus 1:11

Panongu kichi lakhave tsu masae, kughengu panonguye pisa kimine launo kujomono shikamokepu pesu shika puzu akibo kumtsu vepusa anike.

1 Peter 5:2

Alhou bheriqo khekutolo, tsuyikhomo shilo pikeu ghenguno kumoe ikemu Alhou no nongu pelo shipenishi ketoi puloniqhiyi tipau shilo. Ajume ithulukeu ghengu likhino kumoe ikemu amlo lono qenikeu puloqhiyi pupuzu shilo.

Jude 1:11

Timi tipaqo ghenguno ahakusapuke! Panonguye Kain no pulakeu laghi pula cheni, eno pisa ghenguno alakimneshi Balaam no kuquvekeu xine lau papewu cheni. Kora no hebide ipeghikeu toi panonguno hebide puzu Kora toi panonguye puhave ani.

SAMUEL ATUGHIU 8:3

Pamaye pama papuno shi piyekeu kuxu laghi papemoe; ikemu kishino pisa ithulu masakeno tiu likhi amlo tsusheuve, ikehu pamaye timi launo kulugho luveno khilemu amikucho shi atsa kugha xathatsu moe.