MICAH 2:2 - BAIBEL (BSI)

² Panonguno alu lunishi aye tipaqo suxaluvetsu cheni, panonguno aki lunishi aye tipaqo luve cheni. Khuno kibolomi mu momu tinhemgha pimu akivishi akulupu kuhae.

Sumi Naga CL (Re-edited) Bible (BSI)

² Panongu no aluzaqo mine eno süxa luve cheni, eno akiqo süxa luve cheni; timi kibolomi nedaqoda cheni, eno pano mheghi luvetsü cheni.

MICAH 2:2 Mawu Ofanana

KUKAMI ATUGHIU 21:1

Jezril lo akukau Ahab kukaki phivilo timi lakhi pa je Nabot ipikeuno atsailu lakhi ache.

KUKAMI AKINIU 9:26

‘Ighina Nabot ngo pa nuliqo heqhi pithivekeu ino ithuluvae. Eno ino hitoi piqhi puani hipau lu lono ino aghime otsuni.’ Tighenguno Joram kumo ikhilulo eno Nabot lulo vesuvelo, AMPEU no piqhi puakeu shikupu tsukepushi,” pi Jehu no pa sakicheu vilo pi.

JOB 31:38

Iyeghino itha-ghi ishou igha puaghi aye, momu tile ayikuqono kumtsa qah aghi aye;

IPEKULU 20:17

“Noye kutami ki-alu jumine kevilo; momu kutami nipu, paqemi, patsu-aqu, pawu gadaha momu pawu kiu kiu aghi pinamu jumine kevilo.”

ISAIAH 3:14

AMPEU ye pawu timi sakiphemi ngo mijekutsumi kughakuthapulo saghini cheni. Pano hipau vehu pesu panoqo nguku ani: “Nonguno atsayilu pukaqhike eno kumlhomi launo luvekeu pesu nongu kilo chhitoi puani.

ISAIAH 5:8

Nonguye ahasapuke! nonguno aki alu alau qhukupha eno puzuu akeu gholo pekuqha cheni kushuwa kumo dolono kutami pelo a-a kuhano xusumlavepe cheni eno ayeghilo nongu likhi xuauve cheni.

JEREMIYA 22:17

Ikemu noye olikhi osala phukeu lo likhi amlo tsuke; kiumu pimimokemi nono pithive cheni eno owu timiqo heqhi buqhi qoda cheni. AMPEU no piveake.

EZEKEL 18:12

kumlhomi qodaneda cheni, puka suxalu cheni, nalukeu theli anhemgha qhipuaghikeu tsuchilemo, asu-atu julho shou pa nhethi jupuku cheni eno tipa-alo kuchhube kutsula kumlla shi cheni,

EZEKEL 22:12

Nowu timi khamiye atha ajume ithuluniye timi ghiqhi cheni; khamiye pano kusami Israilmi lau punakeulo akighishe khulu cheni eno tipaqo shou akumo akukuhau shikeu lono kinikulu shiluve cheni. Panonguye ikumsumaveke.” Akughushu MPEU no piveake.

EZEKEL 22:13

“Ino i-u sukumqo pesu nowu kupuka kupugha ngo ghiqhichekeqo shou be nani.

EZEKEL 33:26

Nonguno nowu azutakihi pukhu cheni. Nongu kumlaye aphi kumqhupuke. Kumtsu ghano shupu salhake. Kiu lono ayeghiye nongu wu kepi kumsu kepushi ani kya?

EZEKEL 45:9

Akughushu MPEU no pike, “Nongu Israil shou ayehkipemiqo, nonguye shulo axine shivae! Nonguno heqhi buqhi eno qhasuchekeu tavelo. Achipiu eno kuchou shilo. Nonguye itaghi iwu timiqo pano yeghi lono khilemu hapheve kevilo. Ni, Akughushu MPEU no nongu vilo hipau pianike.

EZEKEL 46:18

Ayehpe akeu kukapuuye timiqo wu aki alu ikhiluve tsumoni. Ayeghi khipau pano pa nuliqo tsuni keno tiye ayeghi pa saje shitsukeu lono tsumasake, tishianguno paye iwu timiqo yeghi luvetsu puzu panoqo nedaqoda pemoniyeke.”

EZEKEL 8:17

AMPEU no ivilo pi, “Thinikuau timio, noye tipau ithulu anima? Juda lo akemiye kuchhube kutsula thime nono ithulukha keu hu tipaqo shiche keu likhiye aghaqimovae eno heqhi buqhikeu aghakhuqha kumtsu nhakha akeu likhiye aghaqimovae. Panonguye Achineki alou ghi ighieno shiauvae eno ipelo alau aloghu ide anipeke. Julepi, panonguye ihulo molokeu shi itha igha auveake!

AMUS 2:7

Panonguno kumlhomi qodaqhi eno shilukusami tuha pupoveke. Timi lakhi ngo papuh pamagha aqeliu lakhi sazuke eno tishike lono ije kimthe kitiqeveke.

AMUS 4:1

Hipau inijulo, nongu Samariami totimiqo, Bashan lo amshiqu ashi pubeyi keqo toi athapubei keqo, kumlhomi peitha pusa chekeqo, shiluksami qodaqhi chekeqo eno nongu kimiqo vilo aji xapuwo tsu alepi khuchekeqo!

AMUS 8:4

Hipau inijulo, nonguno shiluksami qodaqhi cheni eno aghakhulo kumlhomi kutsaveniye pukaputsa acheni.

MICAH 3:9

O Israil lo ayehkipemiqo, itsa inijulo, nongu kucho xakutha mithichekeqo eno achipiu pesu akumou kughulhovetsu chekeqo!

MICAH 6:12

Nogholo kinimiqono kumlhomi saje chu khavae, eno nongu kumtsu kimkimike.

MALAKI 3:5

Aqokitikhi MPEU no pi, “Niye kughatha nike nongu gholo ipeghi nani eno khunoqono kuduu shi cheni, salha shupu cheni, akimki shepe shi cheni, khunoqono pano kumlami atha tsukelo pishiqhi cheni eno khunoqono chimemi, mighimghaqo eno inaghami hapheve cheni eno isumsa chemo keno timi tipaqo shou ngukube nike ino ashepe tsunike ighi nani.

MATTHEW 23:13

“Nongu Ayezah kukutsumi ngo Farisimi ghenguno ahakusapue! Nongu kuhakughaqo! Nonguno timiqo launo Kungugha yehkipe hukikha khavetsu; nonguno iloke kumo puzu tipaulo iloniye pukaputsa akeqo pelo ilopemoe.”

1 Tim. 6:10

Kughengu pisa kikimiye no alhoksa jeli kumtsu kuhu aghuke. Hipau kimine lono timi khamiye akupulu lono igho susu wuvae eno amlo ghimepu kumzapuno pano mlo vephopiniyivae.