MICAH 2:12 - BAIBEL (BSI)

¹² “Ikemu Israil lo akemiqo nongu khije ghupe puaghi nikeno tipaqo kumtsu ino hekutsu kumqo nani bherino bokuthabo lo ideighi keshi ino nongu hekutsu kumqo saghi nani. Aluzaqalo bheri chhitoi akeshi noyeghiye itaghi timi kumzapuno chhitoi kitheve nani.”

Sumi Naga CL (Re-edited) Bible (BSI)

¹² I no mtsüqheino nongu kümtsü hekütsü nani, O Jacob; I no Israelmi ghükulumi hekütsü nani; Aqokitikhi mbumghu keu no achu kümza-a lo ambeloji toi, ambeqo sasü aki lo hekütsü ketoi I no panoqo hekütsü nani.

MICAH 2:12 Mawu Ofanana

BOTHUBO 36:33

Bela thive kethiu Botzra no ghami Zerax nu Jobab no pa thelilo ayehpe.

ISAIAH 11:11

Tipa tsala ighikelo, AMPEU no ghuthu akiniu ghi pa kuka peitha puzu pawu timiqo ayeghi hipaqolo qhivepuaghi keqo sachilesaghi nani: Asiriya, Ijip, Pathro, Sudan, Elam, Babilon, Hamat lo ngo zudo yeghiqolo eno azu sumxape akeqo yeghilo.

ISAIAH 27:12

Tipa tsalalo, timino am-u gholono athicho kututa shive akeshi, Eufrati ghoki lono Ijipmi lughi kutolo AMPEU no pawu timi lakhi khino hekutsukumqo nani.

ISAIAH 34:6

Pa zuta kihiye aji ngo athano kuzuluve nani, tiye aghashi keulo bheriti ngo ane ji eno atha akeu toike. AMPEU no aghashi keu hipauye Bozra phughi lono shi nani. Pano Edom yeghilo ghikiqhi kije lakhi shi nani.

ISAIAH 5:17

Aphughiqo ixapinyi akeulo bheritiqono achu muza nani eno anetsu lhotheno achukumzapu ithulu nani.

JEREMIYA 23:3

Ino khipaqo yeghilo iwu timi halepuwuve keno ghupe puaghikeqo tikudauno hekutsukumqo nani eno ino panoqo sasu pano kialu yeghilo saide ighi nani. Panonguno atianuli kutomo shi nani eno timi kutomo shive nani.

JEREMIYA 3:18

Israil ye Juda gholo pekuqhave nani eno panongu kumtsa ahuu ayeghi akeu kudauno halepuwuve keu lono ighini eno ino nongu puasu lau amheghipu shi tsukeu yeghilo ide ighi nani.”

EZEKEL 34:11

“Ni, Akughushu MPEU no nongu vilo pianike ilikhi ino iwu bheriqo junani eno panoqo tuchohiju nani.

EZEKEL 34:13

Ino inaghami ghakhu lono panoqo saipeghi, puzu panoqo hekutsu kumqono pano yeghilo sachile saghi nani. Ino panoqo Israil naghutoqo eno aghokitiqo lo sachile saghi nani eno atsuni kivilo panoqo achukumza nani.

EZEKEL 34:22

Ikemu ino iwu bheriqo xapheluve nani eno hinguno hilauye panoqo peitha pusa pemo nani. Ino iwu bheri lakhikhi shou kughatha nani eno alomokeu ngo akivi kututa shitsu nani.

EZEKEL 34:31

“Nongu iwu bheri lojiqo, ino lojiche keqoye iwu timiqoke eno niye nongu Lhou ke,” ipi Akughushu MPEU no pike.

EZEKEL 36:37

Akughushu MPEU no piani, “Itaghi ghuthu lakhi ino Israilmi pelo ivilo akukuphu khu peni cheni eno ino panoqo pelo bheri loji lakhi toi alau ikowolu penani.

EZEKEL 37:21

Tishi puzu panoqo vilo pilo, ike ashiayeh kutami gholo khilehi panoqo wuve keno tilauno ni, Akughushu MPEU no iwu timiqo kumtsu salu nani, panoqo hekutsu kumqo nani eno pano yeghilo sachile saghi nani.

HOSIYA 1:11

Juda lo akemi ngo Israil lo akemiqoye pekuqhave nani. Panonguno kuqhano panoqo wu sakipheu lakhi kisheluve nani eno itaghi panonguye pano yeghilo thuwuve eno alau ikowove nani. Iye, Jezrel tsalaye atsala kije lakhi shi nani!

AMUS 1:12

Tighenguno Teman phughi shou ino ami suvetsu nani eno Bozra liwo qogheqo pitilevetsu nani.”

MICAH 2:13

Alhou no panoqo ghenguno ala khaqhitsu nani eno halepupokeu lono panoqo saipe nani. Panonguno aphughi kikha vexu ipeveno ililayi wu nani. AMPEU ampino akukau shino panoqo saipe nani.

MICAH 4:8

No, Jerusalem khilehi Alhou no bherikheu lakhi toi pawu timiqo jukhe acheni keno noye itaghi akukaqha, ti owu kehu tipau phughitou shive nani.

MICAH 5:7

Israil lo akemi khunoqo xu aghi luni keno tipaqoye ashiayeh kutomo ghenguno AMPEU no aloponiyi keu tsuzu puwukeu toi nani, panoqoye atsuni thu ipeghi akeulo tsughupuku keu toi nani. Panonguye timi shou kumono Alhou shou pukhube nani.

MICAH 5:8

Ashiayehqo gholo Israilmi ghupe puaghi keqoye abongushu lakhino aghasulo momu achu kumza-alo achuqupu phuche keu toi nani: tipauno bheriqo gholo ilo puzu ilhewo tipaqo tsu cheni, tipaqo suthapinyive cheni eno tilehiye hakho kulupu laju akepu kuhave cheni.

MICAH 7:14

O AMPEU, owu timi nono kisheluve kemiqo shou bherikheu shilo. Panongu kutoshi timi kughunamoke-alo xuaghimu ayeghi ghumakivino panoqo suhupe ani. Kha-ghi shicheke toi panoqo pelo Bashan ngo Gilead lo achu kumzapu kinikulu shi akeulo chupelo.

MICAH 7:18

O AMPEU, otoi keu lhou kutau kuhae; nono owu timi, puxupe puaghitsu kemiqo xine peivetsuke. Noye alhokupujulo aloghu ideauve chemoke ikemu nilau owu lhokta kikimiye piye nikeulo ozukuvu shi achenike.

ZEFANIA 3:20

Aghuloki wocheni! Ino notimi apanagha akemi aghakhulo saghi nani. Ino ayeghiqhalo akemi zulo nonguye ajekipipu shi tsu nani, eno nongu pelo itaghi kini kulu shilupe nani.” AMPEU no pivae.