MICAH 2:11 - BAIBEL (BSI)

¹¹ “Timi hipaqoye tungkupmi khunoqono akimki ngo pishikiqhino chhitoi xapusu iqho iqi cheni keno tikithipu lunishi cheni. Tungkupuuno ishi picheni, ‘Ino tungkuptsa pitsu anike atsayiji eno akuptsu tsayi jino nongu ghengu qole qolei nani.’ ”

Sumi Naga CL (Re-edited) Bible (BSI)

¹¹ Tsala timi lakhino akimki eno pishikiqhi lono, “I no atsaiji eno aji kümka ghili kütsüni,” ipi cheghi aye, pa ye timi hipaqo ghenguno akükütsüu shinani!

MICAH 2:11 Mawu Ofanana

KUKAMI ATUGHIU 13:18

Tileno amchou tungkupu Bethel lono ighikeu huno pa vilo pi, “Nighi otoi tungkupumi lakhi ke, ikehu AMPEU zah kutsu lono kungumi lakhino ivilo pikeuno osasu akilo ide ighino osasulo pike.” Ikemu ti amchou tungkupu huye miki ake.

KUKAMI ATUGHIU 22:6

Tighenguno Ahab no tungkupumi 400 kutolo kukutsuno panongu iniju, “Niye Ramot lewukepu keo mokya?” “Lelo, kughengu AMPEU no tokulu otsu nani,” ipi panonguno khochile.

JOB 31:5

Ino akumou akukuhau shi cheghi aye, momu ipukhuno pishikiqhilo kakashi wupuaghi aye,

AHOLE 25:14

Tsunipi piqhive no khilemu tsumokemiye tsutsughu sughimokeu khungkusu ngo amlhu hutoike.

ISAIAH 28:7

Tungkupmi ngo achinemi ghi shishe shomzuve kehu panonguye kulokuloyike. Panonguno atsayiji ngo aji kumka shishe shove kehu panonguye izuvulai puzu kupuxa kupunaike. Tungkupmiye shomzuve kehu Alhou no kungunhetsu puwukeu ithikuthu mlave eno achinemiye shomzuve kehu atsa kughathatsu peniye sughikeulo kupuxakupunai auveke.

ISAIAH 9:15

Muchomi timino gihuche keqono akutsuke eno tungkupmi miki chekeqono ashomhike!

JEREMIYA 14:14

Ikemu AMPEU no khochile pi, “Tungkupmiye ije lono akimki tsa piani, niye panoqo puwu puamoe momu niye ahza kiumu panoqo tsupuamoe momu atsa lothi lakhi mu panoqo putsa puamoe. Kungunhetsu ghili panonguno piakeu huye ilauno ighikeu kumoe; panonguno ashe-azu tsa shi piakeu huye ame kuhamithe keu pano kukumsulo akeu tsake.

JEREMIYA 23:14

Ikemu tinguno akusa akusau Jerusalem lo tungkupmino shikeu ino ithuluvae. Panonguno salha cheni eno miki cheni; Panonguno timiqo achipikumoulo shikuphu acheni, tighenguno milakhimu alhoksa shimokeu kuhae. Ighenguye, panongu kumtsu Sodom ngo Gomora lo akemi toi alomo keqoke.

JEREMIYA 23:17

Ino kiu pikeno tipau initsumo kemiqo vilo panonguno piachekeuno tipanoqoye kumtsulo akivi shi anani kepi cheni. Panonguno hebide kuthovi ache kemiqo vilo kutsakungo keuno khilemu panoqo shou ikughimo nani kepi piachenike.”

JEREMIYA 23:25

Tungkupmi hupaqono kiu pikeno, panonguno ije lono akimki tsa pikeu eno panoqo samouno ino itsape pesu panoqo tsuveakepi pichekeqo kumtsu ino ithianike.

JEREMIYA 23:32

Ni, AMPEU no kiu piani keno inilo! Niye tungkupmi khunoqono pano samo picheni eno tiye akimkino chhitoikeu pi acheni keno tipaqo shou ino moepi anike! Panonguno asamo tipaqo pipuzu panoqo kimki ngo panoqo qhekuza pesu iwu timiqo sakughuzuke. Niye panoqo puwumoke momu panoqo vilo wulo pimoke eno timiqo kiumu kuphulu anike kumoe. Ni, AMPEU no piqhivae.”

JEREMIYA 28:15

Tileno ino tipau pesu Hananiya vilo pi eno highi pikuqhatsuke, “Hananiya, inilo! AMPEU ye opuwu puamoe, noye timi hipaqo pelo akimki pulu anipeke.

JEREMIYA 5:31

tungkupumino akimki likhi thono kiumu pi moe; achinemino tungkupumino ahza tsukeu lono ayehpeke; eno iwu timiqono tipaulo kiumu mopikeu kuhae. Ikemu kughono tipaqo kumtsu kuhaveni keno panonguye kishi nani kya? “

AKUMLO 2:14

Nowu tungkupmino akimki tsa likhi thono nongu vilo kiumu pimoke; Pano shekushuno nongu pishiqhive puzu khilemu nongu xine lhephe tsumoke. Panonguno nonguye xaide kepu avehupu shiamo kepi nongu pelo kumsuvepe.

EZEKEL 13:22

“Nonguno nongu kimki pesu kivimi khunoqo ino ghuza nishimono achekeqo mlo shikumkave tsuchenike. Nonguno alhoksami pelo pano lhoksa pheve penikeu lakha cheni eno pano kuxu xaluve nikeu lakha cheni.

HOSIYA 7:14

Panonguye amlo tsuqhiyi ivilo khuinimoe ikemu Alhou mlla chemo kemi toi iluqino huhushi igha cheni. Panonguno athi ngo atsayi ji ghenguno inikhu aye Alhou mllachemo kemi toi pano likhi pano hethapinyi cheni; panonguye isasu kumjo acheni!

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

MICAH 3:5

Khunono tungkupmi ajume tsuno tipaqoye alokughuno shi anani kepi tungkupmino pipekeu huno iwu timiqo pishiqhivae, ikemu khunoqono ajume tsumo keno tipaqo vilo aghukishi pesu shikichi chenike. Tikithipu tungkupmiqo vilo AMPEU no piani,

Rommi 16:18

Kughengu timi tishi chekemiqoye ningu Mpeu Khristo qe amoe, ikemu panongu kive likhi qe ani. Panonguno ghaghu tsa kuju pesu akukumsu ilaleikemiqo pishiqhi cheni.

FILIPIAMI 3:19

Panonguye ashekhalo kutsapiniyive nikeuke, panongu kive kichhipuno panongu lhou shi acheni eno panonguno kujokepu pesu akijivilo acheni eno panonguye hipau yeghilo nhemgha shou likhi kumsupuku acheni.

1 John 4:1

Kimiyechekemiqo, Aghungu aniepikeu jeli kumtsu pulube kevilo, ikemu tipaqoye Alhou launo ighikeo mokeno miqejulo. Kughengu kichile tungkupmi kutomo ayeghilo ipevae,