MICAH 2:1 - BAIBEL (BSI)

¹ Khunoqono ihozuno tsukhutsuvai puzu alhoksa kughu cheni keno tipaqo ghenguno ahakusapuke! Inaqhe shivekelo ado ithulu kemtsa panonguno alhoksa kughupuakeu shi cheni.

Sumi Naga CL (Re-edited) Bible (BSI)

¹ Khunono küsakügha kuchughu eno pano lüpa lono alhoksa shicheni keno ahasapue! Kughou no tsütho ipeghini keno panongu no tishi cheni, kughengu pano u lo tishilu kepu küka anike.

MICAH 2:1 Mawu Ofanana

BOTHUBO 31:29

Oshipusave kepu kuka i-ulo anie, ikemu iji putho lono opu Lhou no ivilo ishi pie, ‘Olikhi osuchileluvelo eno Jakob vilo akivi na alhoksa namu pikevilo.’

KUKAMI ATUGHIU 21:7

“Tishiaye, noye akukau keo mokya?” Jezebel no khochile pi. “Mtazu azua lono ithuvelo, omlo shikumtoluveno chuluvelo. Ino Nabot tsailu otsuluve nani!”

ESTHER 3:8

Haman no tipau tsa pesu akukau lau wuno hitoi pithu, “Okuka yeghiqhalo timi aqo lakhi acheku kumtsulo vekuphape ani, panonguye timi kutami khuaye toimokeu pepimhe acheni eno panonguye akukau yezahqo lutsumoe, tighenguno panonguye akukau kivipu ghenguno xua kuzupu kumoe.

ESTHER 5:14

Tileno pa nipu Zeres eno pa kusami qono ishi pi, “Tshukiqhia akiqhe lau miter mukukini mlapelo eno noye thoghiu tileno Mordekai tshuqhive pelo pi akukau vilo pivelo eno noye alokivishi akukau sasu aghulhulo wulo.” Tino Haman mlo qive eno titoi tshukiqhia mlavepe.

JOB 15:35

Hipaqo timiye shikupsa mishi puzu akijikusa punu cheni, eno panongu mloye pishiqhikeu no chhitoi achenie.

JOB 24:14

Timi ghiqhikemino kumlhomi ngo mighimi ghiqhinike inaputhono ithu cheni, eno putholo paye puka acheni.

LESHELE 36:4

Pano azualo ihozu akelo alhoksa kukughu shi acheni; ala kivi kumolo pano pula cheni eno paye alhoksa kiumu pevekeu kuhae.

LESHELE 36:5

O AMPEU, owu iqemokeu kikimiye ye kungugha qha kumtsu iku to ani. Opukhu kile kulu huye atsutsu kutolo iku to ani.

LESHELE 58:3

Apolo aphi lono kixikilamiye vimo keulo auvae, panonguye punuke lono hekibide akimki tsa picheni.

AHOLE 12:2

AMPEU ye timi kivimi lau amlo kiqishi cheni ikemu alhoksa kuchughukemi kileqhive cheni.

AHOLE 14:22

Nono akivipu ghenguno mlache ghi aye kutamino ogihu eno osumsakeu qelu nani; nono alhoksa kumlaghishi aye noye shipimi anike.

AHOLE 3:27

Kugho kughomu nono shikulupu thaqhulo kutamino avehupu shiaghikeu kuphulo.

AHOLE 4:16

Kixikilamiye panono kiuala akumou shilumoke loye zukeghi zuhulu chemoe. Kutami ghuzalu moke kutolo zuhumono tsukhutsuvae acheni.

ISAIAH 29:20

Tishikeuno kutami qodachekemi ngo Alhou phimo gihumo kemiqoye tino ashekha shive nani. Axinemi kumtsu kutsaleve nani.

ISAIAH 3:14

AMPEU ye pawu timi sakiphemi ngo mijekutsumi kughakuthapulo saghini cheni. Pano hipau vehu pesu panoqo nguku ani: “Nonguno atsayilu pukaqhike eno kumlhomi launo luvekeu pesu nongu kilo chhitoi puani.

ISAIAH 32:7

Nikhanighamiye alhoksake eno alhoksa shicheni; pano akimiki lono kumlhomi shipusanike kumqu cheni eno panoqo chipiu ithulupenikeu pano lakha cheni.

ISAIAH 5:8

Nonguye ahasapuke! nonguno aki alu alau qhukupha eno puzuu akeu gholo pekuqha cheni kushuwa kumo dolono kutami pelo a-a kuhano xusumlavepe cheni eno ayeghilo nongu likhi xuauve cheni.

ISAIAH 59:3

Nonguye akimki, muqhumuza eno heqhi buqhi keu lono kuqu chenike.

JEREMIYA 18:18

Tileno timiqono pi, “Jeremiya shou kiuala shiveni nolo! Achinemino pulhapuju ayezah nikutsu nani, alokutsumino kumsukulu nitsu nani eno tungkupmino Alhou tsape pesu asheshu nanike. Ningu pa ghekucho keu tsa pi pukuni nolo eno pano kiu pinikeno lakhimu initsumoni nolo.”

EZEKEL 11:2

Alhou no ivilo pi, “Thinikuau timio, timi hipaqono aphughi hipaulo alhoksa kupughu mla cheni eno alhoksa kukutsu tsuchenike.

EZEKEL 33:26

Nonguno nowu azutakihi pukhu cheni. Nongu kumlaye aphi kumqhupuke. Kumtsu ghano shupu salhake. Kiu lono ayeghiye nongu wu kepi kumsu kepushi ani kya?

EZEKEL 38:10

Akughushu MPEU no Gog vilo piakeuye hike: “Kughono tipau ghuloki ighini keno noye amqu lhoksa kumsulu ipeghive nani.

EZEKEL 46:18

Ayehpe akeu kukapuuye timiqo wu aki alu ikhiluve tsumoni. Ayeghi khipau pano pa nuliqo tsuni keno tiye ayeghi pa saje shitsukeu lono tsumasake, tishianguno paye iwu timiqo yeghi luvetsu puzu panoqo nedaqoda pemoniyeke.”

MICAH 6:12

Nogholo kinimiqono kumlhomi saje chu khavae, eno nongu kumtsu kimkimike.

NAHUM 1:11

No Nineve lono lhoksa kugha muqu chhitoi pukemi lakhi ighi, pano AMPEU shou kughuchhoke.

ZEKHARIA 7:10

Nonguye chimemi, mighimgha eno inami khunoqo nongu gholo ani keno momu khukhumu nongu kukuphu avehupu shi aghikemiqo nedaqoda kevilo. Momu lakhino lakhi shipusa nikeu laghi kughuqhi kevilo.’

Mark 15:1

Achinetomiqoye inaqhe itheno Muchomiqo ngo Ayezah kutsuchekemi eno Ahohomi kutami kumtsu sasu kughakutha lakhi shi. Panonguno ayikighino Jisu tshu sasu wuno Pilat tsuve.

Luke 20:19

Ayezah kutsuchekemi eno achinetomi qono tipa-a lono Jisu kughalu nike pukaputsa, kughengu pano aholetsa hipau pikeuye panongu shou pikepi panonguno ithive, ikemu panonguye timiqo msave.

John 19:11

Jisu no pa khochile, “Alhou no otsumoke aye noye ishou akuka kiumu kuhanicheke. Tighenguno khuuno ikughasawo olau tsu keno pano axine lhoksau shi kuquvae.”

Apostolmi 23:12

Kughou atsala ipeghive keno Judami no kuhokumqo puzu kuchughukeu lakhi pughu. Panoqono alikhi ashou ashoqhi shi puzu panonguno Paul pithive moke kuto achuqupu chu shomo nikeu shi.

Apostolmi 23:15

Ike itehiye nongu eno Ahohomi no zahtsuu lau asutsa puwu puzu Paul nongu lau saiqighi pelo, nonguno pa vehu kishekulushi kughathaju nishi aniepi keu muqu vesulo, pano hilau ighimiphi lono ninguno kutopesu pa pithivenike.”

Rommi 1:30

eno timi thaighakemi. Panonguye Alhou kimthimi, eno timi phimokemi, aqhekuza akulakimi, kusakugha iqikiphemi, apu aza ghokulukumomi,

ZAKINIU 28:32

Nonguno ju apulaghi nopu nongaqoye inaghami lau aqemi shipenike tsupu wuve nani. Ghulo atsu-tsu notianuliqo ideighini malaye juaniepi nongu nhethino qeive nani.