MICAH 1:16 - BAIBEL (BSI)

¹⁶ Juda lo akemiqo, nonguno kimiyechekeu tianuliqo ghenguno mlo qakeu michishi nongu kutsusa miyevelo. Aluqu toi nongu kutsusa miyevelo kughengu nongu tianuliye haphe sawuve nani.

Sumi Naga CL (Re-edited) Bible (BSI)

¹⁶ Nongu züküvüpu tianuliqo ghenguno nongu kütsüsa tsave no boghesho shivelo; alhuqu lakhi toi miyeboive lo, kughengu panongu ye nongu launo haphe sawuve nani.

MICAH 1:16 Mawu Ofanana

KUKAMI AKINIU 17:6

Hosheya no kakeu mpe atokuu shi akeno, Asiriyami kukau no ighino Samaria leluve eno Israilmi kughasusu Asiriya lo akughumi shi sasuwuve eno panongu khami kughapesu Hala phughilo ngovepe eno khamino sawo Gozan distrik lo Habor ghoki phivilo qhive eno khamino Mediya phughilo ngovepe.

JOB 1:20

Ikelau ye Job no puthughove puzu pa mlo ghime launo pa ku-uphi suxuve, pa kutsu miyeve eno pa gi pishiqho pe ayeghi lo ihozuve no pi,

ISAIAH 15:2

Dibon lo kuamino chiniche keu alo qa-mloni aye naghutolo iqhoke. Muabmino Nebo ngo Medeba phughi shou amlo kusashi qahke; panonguno amlokusa launo akutsusa ngo akichimhi miyeveke.

ISAIAH 22:12

Tishiaye AMPEU Aqokitikhi Lhou ye nongu pelo qamlo eno anhezu piji penike eno nongu kutsusa miyeveno yeqhiyephi upenike nongu kuanike.

JEREMIYA 16:6

Hipau yeghilo kinimi ghi kumlhomi ghi thive nani, ikemu milakhinomu panoqo kumo shiqho momu panoqo ghenguno qani mlomo nani. Timi khuumu amlo kusa shi akeushi ashi aji ghalekeu momu akutsusa miyevemo nani.

JEREMIYA 4:8

Tighenguno yeqhiye phi pepulo; eno amlo ghimeshi qanimlolo kughengu AMPEU loghu kushuye Juda kudauno hachileve mphike.

JEREMIYA 47:5

Gaza lo akemiqo shou amlo kusapu kije ighivae, eno Ashkelon lo akemiqoye inaqhoivae. Filistiya halau akeqoye khitotohi muloqa anani kya?

JEREMIYA 6:26

AMPEU no pawu timi vilo pi, “Yeqhiye phi ulo eno ayevulo ihilo. Nonguno anu lakhi likhi akeu shou qa keshi anhezu piji qalo, kughengu nongu kutsaniye che keuye zuleno nongu leighi nani.

JEREMIYA 7:29

“Mlo qahlo, Jerusalem lo akemi; nongu kutsusa ghope pevelo. Naghuto kutsuqalo akithilo le lakhi phelo, kughengu ni, AMPEU ye aloghu ide ani, eno iwu timiqo peveake.”

AKUMLO 2:19

Puthotsu anguno anguno idaithu puzu AMPEU lau ighamukulo; Nomlo ghuju azu toi leqhilo eno notianuli kimiyeqhiyipe nike qhuinijulo; Alaghila acheku kumtsulo itimiqono akhuavashi thi ani!

AMUS 7:11

Kughengu Amus no ishi pianike: ‘Jeroboam ye aghushi lono thi nani eno Israil lo akemiqoye pano yeghi lono sawuveno hapuwuve nani.’ ”

AMUS 7:17

Ike AMPEU no no Amaziya vilo piani, ‘Onipuye alaghilalo kutuqhalimi shiwuve nani eno otianuliqoye aghushi lono thi nani. Noghakhuye kijeveno kutami tsuve nani, eno noye akumthami inagha lono thive nani. Israil lo akemiqoye pano yeghi lono sawuve puzu hapuwuve nani.’ ”

AMUS 8:10

Ino nowu tiqhetini tsala pesu akumo shiqhokeu eno nongu mlo kiqishi phekeu leqo pesu amlo ghimeshi ighakeu kughulhove tsu nani. Ino nongu pelo nokutsusa miyevepe eno yeqhiye phi upe nani eno nonguye apuaza lakhi nu lakhi likhi akeu thivekelo mloqake toi shipe nani. Tiye ashekha kutolo akukhu kimji tsala shi nani.”

ZAKINIU 28:41

Nonguye anu eno anga lho nani ikemu tipaqo puha khave nani kughengu panonguye aghukishi lono akughumi shi sasu wuve nani.