MATTHEW 9:16 - BAIBEL (BSI)

¹⁶ “Khunomu aphi akithe suwo aphiminiqalo tsughuda puku chemo, kughengu tsughuda puku keuno ichheveno aphimini suxu kitheve cheni, eno akikighipe kije shikithevetsu cheni.

Sümi Tiqhelimi Bible

¹⁶ “Khunomu aphì akithé pesü aphimini aqa shou pukhoda puku chemoe, kughengu aphì kithé ye sükütsüve no aphimini aqa hu süxü kitheve cheni.

Sumi Naga CL (Re-edited) Bible (BSI)

¹⁶ Khunomu aphi kithe pesü aphimini qalo tsüghu puku chemoe, kughengu aphi kithe no ichi ilo kelo aqau sünhekütsü, eno atsüghu la lono alau ixüve cheni.

MATTHEW 9:16 Mawu Ofanana

BOTHUBO 33:14

Impeu noye izuuno cheghilo eno niye atsu-aqu ngo atianuliqono wuluke qhemi lono asheshino opape ighinie, eno Seir lono olau ighini.”

LESHELE 125:3

Kixikilamiye amikuchomi yeghi shou pulhapuju kamla nani; panonguno tishi shiaye amikucho miye alhoksa kumla shiuve nani.

ISAIAH 40:11

Bherikheu lakhi toi pano pawu alojimi heju nani; pano bheritiqo hekutsu pesu pa ulono khapeni; pano mukhano tipaqo paza sawuni.

MATTHEW 9:15

Jisu no ishi panoqo khochile, “Kulakupulo kusu puakeqoye kulapuuno panoqo gholo aphiloghi amlokusa shi achenipe kesha? Khilemu tishi chemoe! Ikemu panoqo gholono kulapuu ikhisuwuve kepu tsala ighi nani, tithiuno panonguno kumvu nani.”

MATTHEW 9:17

Momu timi khumu atsayiji kithe suwo ashiyiko hughi aqalo suchemo. Tishiaye ashiyikono shikeu hughi hu mpaveno atsayiji peleve nani eno ahughi hu adou shive nani. Ikemu atsayiji kithe hu suwo ashiyiko hughi akithelo su cheni eno tikuma kinikujo akivishi pualu nani.”

Mark 2:21

“Khunomu aphi kithe tachu pesu aphimini aqalo tsughuda chemoe. Tishi aye akithe tsughuda pukukeu huno aqa-u phimini suxukithe suwuve nani eno akighipe kije ixukitheve nani.

Luke 5:36

Jisu no hipau hole ghi panongu vilo pi: “Khunomu aphikuzu kithe lono atachu suxupe aphikuzu aqalo pukhoda chemoe. Pano tishi aye, aphikuzu akitheu suxukepu shinia, eno atachu kitheye aqa sasu aphiphishi mla nani.

John 16:12

“Niye nongu vilo thime kutomo pikepu aphi, ikemu nonguye tipaqo itehiye ithikuthunikeu sho ani.

1 Kor. 13:13

Tishiaye, hipano kuthu acheni: akupulu, lajupu eno kimiyekini; ikemu hipaqo gholo akiqheuye kimiyekini ke.

2 Kor. 9:12

Kughengu nonguno akumla hipau shikeu lono Alhou timiqo vehupushi akeulo tsuluke likhi kumono Alhou shikimthikeu kutomo qole ipeghilu peke.