MATTHEW 5:39 - BAIBEL (BSI)

³⁹ Ikemu itehiye ino nongu vilo pini, alhoksa shikemi mujochile kevilo. Timi khualano ogimuchu ajeu ghatsu aye ogimuchu piyiu ghi pa lau kughopuwo tsulo.

Sümi Tiqhelimi Bible

³⁹ Ikemu I no nongu vilo pìní, küsaküghami mjochile kevilo. Tsalá khuala no O gimuchu ajeu ghatsü aye, O gimuchu tüxau ghí pa lau kughopuwo tsülo.

Sumi Naga CL (Re-edited) Bible (BSI)

³⁹ Ikemu I no nongu vilo piani, alhoksami mjochile kevilo. Ikemu khuana no o gimuchu ajeu ghatsü aye, tüxau ghi pa lau kugho puwo tsülo.

MATTHEW 5:39 Mawu Ofanana

KUKAMI ATUGHIU 22:24

Tileno tungkupuu Zedekiya no Mikaiya lau ighi puzu pa gilo ghatsu eno ishi iniju “AMPEU ghunguye kughouno ipheveno oputsa ighi kya?”

JOB 16:10

Timino iju puzu abaxa muku anie, ithaigha ghi igimuchulo ghatsue eno hekutsu no imithi anie.

AHOLE 20:22

Akumou olau shikeu olikhi nono lochilenikeu shikevilo. AMPEU pichebevelo eno pano tipau shikumzu nani.

AHOLE 24:29

Khilemu, “Pano ilau kiu shikeno nighi tipa qhemi pa tsunike,” ipi pikevilo.

ISAIAH 50:6

Iheqhi akemi lau ino imqa mighe tsuke. Panonguno ithaighakeulo niye pano qo lakhamoke, panonguno ikichimhi phivetsu eno igilo musute keulo niye panoqo lakhamoke.

AKUMLO 3:30

Pa pelo pa gimchu kughope pa kuo akemiqo tsupelo. Thokughano pa phi chhive pelo.

ACHINE 19:18

Khuu shoumu amkhu lukevilo momu pa mithi acheuve kevilo, ikemu olikhi okimiyeke toi okisughumi kimiyelo. Niye AMPEU ke.

MICAH 5:1

Jerusalem lo akemiqo, no-ghukishipu jeli hekutsulo! Ninguye suholuvae! Panonguye ayikusu pesu Israil lo ayehkipeu shou ghapuku anike!

MATTHEW 5:40

Khualano ophikuzu luvetsu niye kughakutha-alo osasu wuaye pa pelo owu hekuuphi ghi luvepelo.

Luke 22:64

Panonguno pa nhethi khavetsuno pa vilo ishi iniju, “Khuuno ohe anikeno pijulo.”

Luke 6:7

Ayezah kukutsumi eno Farisimino Jisu no apinyenilo shipivi nani keo mokeno pa jukuto-ae, tishianguno panonguno pa nguku kepu akiqi phuluniyeke.

John 18:23

Jisu no pa khochile, “Ino akipimipu tsa kiuala pipuaghi aye tiye kiu keno kumtsu vilo hileno pilo. Ikemu ino achipiu tsa pipuaghi aye noye kushiye ihe ani kya?”

1 Kor. 6:7

Nongu dolo milakhino lakhi sasu atsa-kugha akeu kiqiye nonguye tomo kuchou shiauvae. Nono achipikumou kepi auvepe keumu shimo kesha? Oghesuqhive pekeu mu pavi mo kesha?

1 Thes. 5:15

Nongu gholo milakhi nomu alhoksa pesu alhoksa shikeu lochile kevilo, ikemu pulhapujulo lakhino lakhi lau eno timi kumtsu lau akivi shinikeuno akimji shilo.

IBRIMI 12:4

Nonguno axine sasu kumjokeulo nonguye akithipushi ajih qokeu kutoloye mujochilekeu shiju mphie.

James 5:6

Nonguno kiumu shipimimo kemi peve cheni eno ghiqhi cheni; paye omujochile chemoe.

1 Peter 3:9

Alhoksa pesu alhoksa lochile kevilo momu ghushokeu pesu ghushokeu lochile kevilo; ikemu tishinike zuqhulo kumghakeu pesu lochilelo, kughengu hikithipulo nongu kuluvekeuye nongu pelo Alhou launo kukumgha ithulupe niyeke.