MATTHEW 5:19 - BAIBEL (BSI)

¹⁹ Tighenguno khuuno ayezah gholo aghulou pimu kughuchoveni eno kutami ghi tipaphi shipe nike kutsuni keno kungugha yehkipelo aghulou shi nani. Ikemu khunono Ayezahqo pelu eno tipaqo pesu kutsuni keno kungugha yehkipelo akijeu shi nani.

Sümi Tiqhelimi Bible

¹⁹ Tighenguno khuu no azakütsü hipaqo gholo aghulou lakhi shi aghimu kughuchove no tipau kiqi lono kütamiqo kütsü cheni keno kungugha kükaphu lo aghulou ipi kihi nani, ikemu khuu no azakütsü hipaqo pimhe eno kütamiqo kütsü cheni keno kungugha kükaphu lo ghí akijeu ipi ku nani.

Sumi Naga CL (Re-edited) Bible (BSI)

¹⁹ Tighenguno khukhumu azakütsü hipaqo dolo akimkheu mu kughuchove no kütami ghi titoi shika piye cheghi keu ye kungugha yekipe lo akitilau shi kihi nani, ikemu khuu no tipaqo pekupulu no kütami vilo ghi pelu penike pini keno kungugha yekipe lo akijeu shi kihi nani.

MATTHEW 5:19 Mawu Ofanana

LESHELE 119:128

ikehu niye okukutsu kumtsu papelu cheni; niye alakumo kumtsu mithike.

LESHELE 119:6

Ino ozah kutsu kumtsulo amlo tsuqhiyi shi aye noye kujove mo nanike.

DANIEL 12:3

Alokutsumi sakiphemiye kungughalo ayepuqo toi vu nani. Khunono timi kutomo vilo kiu achipi keno tipau shi lepi kutsu cheni keno panonguye ayepu kuvu toi ashekha kuha vu nani.”

MATTHEW 11:11

Kuchouno ino nongu vilo pini, totimino punuke gholo timi khumu Johan Baptist qhemi kije ipeghi mphi, ikeghi Kungugha yehkipe qholoye kumtsu nguno akitilauno panguno akijeue.

MATTHEW 19:28

Jisu no panoqo vilo pi, “Kuchouno ino nongu vilo pini, kughou Timi Nu no ighini chekeu yeghiqhalo pa kimthe-jukuvu lakhulo iqani keno, nongu ipapechekemiqo ghi alakhu chighikinilo iqa puzu Israil shiayeh chighikini shou kughathakeu shi nani.

MATTHEW 20:26

Nongu gholoye hikitipu shimoni. Tsala nongu gholo milakhino kije shinishi aye paye kutami kumtsu qeu shimasa.

MATTHEW 28:20

eno ino nongu lau ahza tsuvekeu kumtsu panoqo pelo pelupe nike kutsu tsulo. Eno julo! ayeghi kishekhake kutolo niye pulhapuju nongu sasu ache nani.”

Luke 1:15

Kughengu paye Ampeu zulo akughushumi lakhi shinani. Pa ye kiu ji kumkamu shomo nani. Paye punuke mtsano Aghungu kimthe no chhitoi nani.

Luke 11:42

“Ikemu nongu Farisimi ghenguno ahae! Nonguno ayetsuni jeli kumtsu pesu chighi sajelo lakhi Alhou lau akumllagho tsu cheni, ikemu Alhou zulo achipiu eno kikimiye kughuchove acheni. Kutau ghi shiepinamu nonguno amikucho eno kikimiye pepimhe akepue.

Luke 9:48

eno panongu vilo pi: “Khunono ije lono itimi hipau ikhilu keno ni ikhilu anie, eno khunono ni ikhiluni keno ipuwu akeu ghi ikhilu ani. Kughengu nongu gholo khuuno akitilau keno pano akijeue.”

Apostolmi 1:1

O Thiofilos, iwu kaku atughiu loye Jisu no mla keu eno kutsukeu kumtsu ino yehtsu ke, tiye pano akumla huthuke lono wo

Rommi 3:8

Tishiaye kushiye “Akivi ipeghi penike ningu alhoksa shinie” ipimo kya? Timi khamino ni-tha-ghi hikithipu ino picheniepi inguku acheni! Timi hitoi keqoye kileqhi vekeuno achipie.

Rommi 6:1

Tishiaye ninguye kiu pikepu ani kya? Alhou wu kupukini alau shipeni kehu ninguye axine shikithe akepukesha?

Rommi 6:15

Tishi aye ninguye kiu pini kya? Ayezah qholo kumono Alhou wu kupukini qholo anike ghenguno axine shiani kesha? Tishimo thono!

ZAKINIU 12:32

“Ino ahza nongu tsukeu thwokha shilo; tipaulo kiumu sukupha kevi momu tipau lono kiumu ikhive kevilo.”

ZAKINIU 27:26

‘Timi khuuno Alhou yezah eno akukutsu kumtsu papelumoni keno Alhou no musuinikeu pa shou ani.’ Eno timi kumtsuno khochileni, ‘Amen!’ ”

1 Tim. 6:11

Ikemu, no Alhou timi, noye hipaqo kumtsu phevelo. Noye amikuchou, Alhou lau amlo tsukeu, akupulu, kikimiye, kutuukulu eno akumtshano okimiji shilo.

Titus 3:8

Hiye kuchou tsa lakhike. Niye opelo hipaqo pikichichi apenishike, tishianguno khunoqono Alhou pululuve akeno tipaqo pelo akumla kivilo amlo tsuqhiyi shipeniyeke. Hipaqoye timi ghenguno akivi eno avehupuke.

1 Peter 5:4

Kughou Akheu atou ipeghini keno nonguye khilemu ajuidimokeu ajekipipu kutsukuqho ithulu nani.

1 John 3:4

Khunono axine shi cheni keno panoye Alhou yeh hekuxa kipimi shiani, kughengu axineye ayezah hekuxauke.

Piyeküsü 2:20

Ikemu niye oshou pikepu hi ani: Noye Jezebel atotiu lau kusuqhilukeu anike. Lino li likhi liye tungkupulimi kepi cheni, eno salhashupukeu ngo ajulho shisuno mllakeu chuqupu chupe nike lino shikapiye eno sakughuzuke.

SAMUEL ATUGHIU 2:30

Ni, AMPEU Israil Lhou no wovekeulo olagha eno okibolomi pelono alhokuthu iwu achinemi shiche peni pi tushoqhi puae. Ikemu itehiye ino pi ani—niye nongu avehupu shimae. Tipau zuqhulo timi khunono igihu sumsa cheni keno nighi tipaqo gihu nani, eno khunono ikutha kughashi cheni keno nighi tipaqo milive nani.