MATTHEW 3:7 - BAIBEL (BSI)

⁷ Kughou Farisimi ngo Sadukimi kutomono baptiz shitsupe niye cheghi keu Johan no ithulu keno, pano panoqo vilo pi, “Nongu apighi tiqo! Khuno nongu kutughu puzu Alhou loghu chekeu lono polule pi kya?

Sümi Tiqhelimi Bible

⁷ Ikemu kughou Phariseemi ngò Sadduceemiqo kutomo no pa no baptiz shi akeu-a küdau chekeu ithulu keno, pa no ishi panongu vilo pi: “Nongu apighitiqo! Khuu no nongu pelo Alhou loghukighide chekeu lono polu penike pikichive kea?

Sumi Naga CL (Re-edited) Bible (BSI)

⁷ Ikemu kughou pa no baptiz tsüchekeu-a lo Phariseemi ngo Sadduceemi kutomo ighikeu ithulu keno, panoqo vilo pa no pi, “Nongu tüghükupu pighitiqo! Khuu no nongu ye Alhou loghu chekeu lono poluve nanie pi kütüghü kea?

MATTHEW 3:7 Mawu Ofanana

BOTHUBO 3:15

Atotiu ngo okujo dolo ino kimthikile keu sutsuni, oti ngo li ti dolo ino kimthikile keu sutsuni. Pano oboghe chisheda tsupeni eno nono pa phitsu mighi peni.”

AHOLE 28:4

Nono ayezah phimo gihumo cheniaye noye kixikilami kudaumike; ikemu nono tipau ghokulu shicheniaye noye kixikilami ghumike.

ISAIAH 59:5

Nonguno alhoksa kumqupe achekeqoye tughu kupu pighi yikhu toike. Ayikhu lakhi chinephojuaye apighi ipeghi cheni! Ikemu nonguno kuchughupe akeu huye akivipu shini chemoe, tipaqoye thalaxutano aphimini shipuakeu toi avehupu kuhake!

JEREMIYA 51:6

Babilon lono polukhavelo! Nongu kuxu ghenguno polulo! Babilon xine ghenguno nongu pithive apekevilo. Niye itehino imukhu luanike eno tipauno ithulu kuzupu shi akeu pesu ghimeqhi anike.

JEREMIYA 6:10

Ino khochile, “Ino panoqo vilo pinikelo eno panoqo kutughuni kelo khuno itsa initsuni kya? Panonguye kuthoviloke eno atsape initsumo kepike; nono ivilo pilo pikeulo panonguno junuke.

MATTHEW 12:24

Ikemu Farisimino ti chilu puzu ishipi, “Timi hipauno tughami haphelu akeuye tughami shou Belzebul no akuka pa tsukehuke.”

MATTHEW 12:34

Nongu apighi lojiqo| Nonguye alhoksake kishi puzu akivi piqhilunikya? Kughengu amlolo kiu kupukunoshi ani keno tipau akichino piphe cheni.

MATTHEW 15:12

Tileno pa khopemino pa lau ighi puzu ishi pi, “Nono pikeu tsano Farisimi mlo putave tsuake noye ithi ani kema?”

MATTHEW 16:1

Farisimi ngo Sadukimi khami Jisu lau ighi eno pa pejuniye panonguno pa vilo kungugha lono amchipu lakhi piqipiyelo pi khu.

MATTHEW 16:6

Jisu no panoqo vilo ishipi, “Jukutolo eno Farisimi ngo Sadukimi kholaqhi lono kutokupuyi alo.”

MATTHEW 22:15

Tileno Farisimiqoye wuveno panonguye pa sasu atsa kutsala keu lono pa kitimeluveniye kuchughupe qhive.

MATTHEW 22:23

Tipani Sadukimino Jisu lau ighi, panonguye xuchilethughikeu kuhakepi pichekeqoke. Panonguno Jisu vilo avehu lakhi iniju ghi

MATTHEW 22:34

Jisu no Sadukimi ghehasuvae pikeu Farisimino chilu puzu panongu kumtsa ighi.

MATTHEW 23:33

Nongu apighiqo, eno apighitiqo! Amino aghime tsukeu lono nonguye khileno pokulupu kya?

MATTHEW 5:20

Ino kuchouno nongu vilo pini, nonguno amikucho shikeu huno Ayezah kutsuchekemi ngo Farisimi no amikucho shichekeu shou alau shilumo aye nonguye kungugha yehkipelo ilomla nani.”

Mark 12:13

Farisimi khami Jisu lau puwu eno pano pikeu vechewo pa kitimeluniye shi.

Mark 12:18

Sadukimi khamino Jisu lau ighi, panoqono timiye akithi lono xuthuve mla nani kepi che.

Mark 8:15

Ikehu panongu pelo kutokupuyi peniye pano ishi pi, “Jukutoluvelo, Farisimi ngo Herod kholaqhi lono kutokupuyi lulo!”

Luke 16:14

Farisimiye akini kupu chekemi kehu, kughono Jisu no hi kumtsu pikeu chilukeno panonguno pa junu.

Luke 18:11

Farisimi huno pa kutashi puthughono ishi inikhu: ‘Alhou, ino oshikimthi akeuye kutami hutoi niye suxakulumi, kusakughami, salhashupumi kumoe. Momu zahme kuqhami hupau toi moe.

Luke 7:30

Ikemu Farisimi ngo Ayezah Kukutsumiye panongu ghenguno Alhou pulou akeu eno Johan no baptiz shitsunikeu milive.

John 1:24

Ike aghinikishimi ye Farisimi no puwukemi.

John 8:44

Nonguye nongu papuh tughami tianuliqoke eno nongu pulouye nongu papuh ghoapulou shinishie. Inahu abothu lono paye ghikiqhiu ke. Paye khilemu kuchou kudau ajumphie, kughengu pa lolo kuchou kuhae. Kughou pano akimkitsa pinikeno pa lhoaye lono kiu keno tipau shi anike ghenguno paye akimkiuke eno akimki jeli kumtsu papuh ke.

John 9:40

Pa phivilo Farisimi khami akeqono hipau chilu puzu pa vilo iniju, “Ningu ghi anhethi iche kesha?”

Apostolmi 15:5

Ikemu Farisimi mqo gholo pululuvekemi khamino puthughono pi, “Panonguye aphighu yiko ghavetsu masae eno Muse yezah pape nikeu pimayesae.”

Apostolmi 20:31

Tighenguno jukuto alo, ino anhezu thotsu piji ampe kuthu kutolo tamono putho pucho nongu lakhikhi shika chekeu kumsulualo.

Apostolmi 26:5

Panonguno ado kushuwa lono ithi acheni, panonguno ashepe shitsunikeu pulo aghi aye, ike inahuu nomu niye ni-chinelo tsatsai mla itha chekemi, ti Farisimi muqo gholo ampemi lakhi shi ghi xuighivae.

Apostolmi 5:17

Tile achinetou ngo pa gholo kumtsa akemi Sadukimi loji huye anhekushu launo amlozuzushive.

Rommi 1:18

Kughengu Alhou kumthami eno alhoksa kumlami khunoqono pano mikucho kumo pesu kuchou qhasupe acheni keno tipaqo shou atsutsu lono Alhou loghu pephepiyevae.

Rommi 5:9

Tighenguno itehiye pa kithi pesu ningu pelo Alhou sasu achipikaluve apekehu, tinguno alau shi Alhou loghu launo pano ningu xalu nani.

1 Thes. 1:10

itehiye pa Nu kungugha lono ighikeu nonguno huqhekheani, pa Nu Jisu khuu akithi lono xuputhuve eno pano Alhou loghu ighiniye akeu lono ningu xapheluke.

IBRIMI 11:7

Akupulu lono Noha ye ighinikeulo kiushini chekeno pano ithumlano akemu Alhou no pa kutughukeu chilu puzu aghokulushi ashukaki lakhi shipeqhi eno pa ngo pa kibolomiqo xakulupu shilue. Hipau lono pano ayeghiqhami kuchopu akipimi shivetsu eno akupulu vechewo amikucho shiluche keu mheghi ithulukemi shilue.

IBRIMI 6:18

Tishiaye thime hikumaye kilivemlake eno hipaulo Alhou ye khilemu akimiki shiaghivemla nanike. Ikehu ningu khunoqono susholu peniye poluve akeno ninguye nizulo lajupu qhitsu keu mutotoi tsuqulu peniye shishe shikumtovae.

1 John 3:10

Alhou nuli ngo Tughami nuliqo dolo kutuqu akeuye hipau lonoke: khunono achipiu shi chemo keno Alhou laumi kumoe eno khunono athikuzumi kimiye chemo keno tipaqoye Alhou laumi kumoe.