MATTHEW 27:42 - BAIBEL (BSI)

⁴² “Paye kutami xalue, ikemu pa likhi pa xamlake. Paye Israilmi kukauke, kros lono itehino pano iqighiluveke aye ninguno pa shou pulubenike!

Sümi Tiqhelimi Bible

⁴² Panongu no ishi pi, “Pa ye kütami xalu kemu pa likhi pa xalu amoe. Pa ye Israelmi kükau ke! Pa pelo itehi no kros lono iqighive pelo eno ningu no pa pülünie.

Sumi Naga CL (Re-edited) Bible (BSI)

⁴² “Pa ye kütami xalu kemu pa ampi ye xamlae. Pa ye Israel Kükaue; itehi pa no kros lono iqighive aye ningu no pa shou pülübeni.

MATTHEW 27:42 Mawu Ofanana

MATTHEW 2:2

“Judami kukau shipeniye anu punukeu hu khile ani kya? Ninguno kipelauno pa yepu ipeghikeu ithuluvae, eno ninguye pa mlla niye ighi ani.”

MATTHEW 27:37

Akipimi pa tsukeu panonguno yepesu pa kutsu sholo ishi qhi: “Hiye Judami Kukau Jisu ke.”

MATTHEW 27:40

“Noye Achineki xaleveno ghulo kuthulo ti shipe qhiluve nikeu pichekeu hu olikhi oxaluve julo, noye Alhou Nu kenapi aye kros lono iqighive julo!”

MATTHEW 27:41

Tipaphi lono achinetomi ngo Ayezah kukutsumi eno Judami kichimiqono pathaqhi ghi ishipi,

Mark 15:31

Tihutoi, achinetomi ngo Ayezah kutsuchekemiqo ghi pa thaigha ghi lakhino lakhi vilo pi, “Paye kutami xalu, ikemu pa likhi pa xamlae!

Mark 15:32

Israilmi kukau Mesiya pelo itehino kros lono iqighive julo, tishianguno ningu no pa pulunike!” Jisu gholo kros lo yedapuakemi ghi pa thaighakeu tsa pi.

Luke 19:38

Panongu no pi: “Alhou no akukau kumghatsulo, khuuno Ampeu je lono cheni keno! Kungughalo alakishi eno Alhou jekipi shilo!”

Luke 23:35

Timiqoye puthughono jukuto ae, ikelo Judami sakiphemiqoye pa junuqhi ghi pi, “Paye kutami xalu cheni Alhou no kishephepuwu eno Alhou no pa puwu puani aye pa likhi pa xaluju pelo.”

Luke 23:37

pi, “Olikhi oxaluvelo, noye Judami Kukau kena piaye!”

John 1:49

“Kutsuchekeu, noye Alhou Nue! Nono Israilmi kukaue!” ipi Nathana-el no Jisu khochile.

John 12:13

Ikehu panonguno amsabo loka michepe pa sasu kushoniye ighamuku wue: “Alhou Sheqhelo Ampeu jelono khuu chenikeno Alhou no pa kumghatsulo! Israilmi kukau kumghatsulo!”

John 12:47

Khunono ino pikeu tsa chiluno tipau pemla nikeno, niye pa shou kughathabemo nani; kughengu niye ayeghilomi shou kughathabe nike ighike kumoe ikemu ayeghilomi xalu nike ighie.

John 9:24

Ghuthu akiniu ghi panonguno anhethi iche achekeu hu ku-puzu pa vilo pi, “Alhou jukuvupu shi kuchou tsa pilo! ninguno ithi anike timi huye axinemi lakhie.”

Apostolmi 4:14

Ikemu panonguno ngukukepu pikulupu kiumu kuhave, kughengu timi vithayiluvekeu hu Pitor ngo Johan pama gholo tile puthugho akeu panonguno ithuluae.