MATTHEW 27:4 - BAIBEL (BSI)

⁴ ishipi, “Kuqumokeu timi hu pithivepe nike thechu shikeu lono ino axine shivae.” Panonguno khochile, “Ningu vilo kiu shilopikepu kya? Tiye olikhi ovehua thono!”

Sümi Tiqhelimi Bible

⁴ Pa no pi, “Ni ye axiné shivae, kughengu ni ye akipimí küha keu timi pesü thechu shivea ke.” Panongu no khochile, “Tiye ningu vilo kiu shilo pi kea? Tiye O likhi O vehua thono!”

Sumi Naga CL (Re-edited) Bible (BSI)

⁴ eno pi, “Küqümo keu timi thechuve keu lono I no axine shivae.” Panongu no khochile, “Nino kiu shitsü lopi kea? Ti ye o makhoae.”

MATTHEW 27:4 Mawu Ofanana

KUKAMI ATUGHIU 21:27

Kughou Elija no pa tsa pitavekeno, tipau mtsa lono Ahab ye pa phikuzu suxulave eno ikiqiveno yeqhiyephi uluve. Paye kumu chu shomove eno yeqhiyephi ususu zuve eno ighono pa mlo saqhiyi agi zumoi wove.

KUKAMI AKINIU 24:4

tiye pano amikuchomiqo heqhi pithivetsu keu lonoke. AMPEU ye tipau ghenguno Manasse xine qhivetsu mlave.

JOB 13:4

Nonguye akimki lono nongu kumtha jonha anie, nonguye khumu shipivi mlakeu shikipiviu hutoi ke.

LESHELE 94:21

Panonguno timi kivimi shou alhoksa kuchughuke eno kuqumokemi pithini keushi xatha cheni.

IPEKULU 12:31

Tipajino akukauno Muse ngo Aron kuno pi, “Chevelo, nongu eno Israilmiqo! Ighakhu qhivelo; wulo eno nonguno khu akeu toi AMPEU mllawulo,

IPEKULU 9:27

Akukau no Muse ngo Aron kupuwu eno pi, “Ishiu loye ino axine shivae; AMPEU no achipiuke eno iwu timiqo ngo ino achipikumoke.

AHOLE 12:8

Nono tsukhutsuvayi shiaye osheqhe kepu shi nani; nono mbomzu shi aye timino othogha nani.

JEREMIYA 26:15

Ikemu hipau mutsuqhei shilulo: Nonguno iheqhi pithive aye, nongu ghi eno aphughi hipaulo timiqo ghi pimi puamokemi heqhi pithivekeu kuyiqu shive nani, kughengu hipatsa pesu nongu kutughu peniye ipuwukeu huye AMPEU noke.”

JONAH 1:14

Tighenguno panonguno AMPEU vilo ighamuku pi, “O AMPEU, nino khuini anike timi hipau kuxu puhavetsu keu ghenguno ni-pithi kevilo! O AMPEU, hipau kumtsu opulou lono shianike.”

MATTHEW 27:19

Kughou Pilat no kughakilo iqa akeno, pa nipuno aghini lakhi pa lau shipuwu ghi ishipi, “Amikuchomi tipau shou kiumu shikepu kumoe, kughengu pa ghenguno iji isamou niye shishe ime puanie.”

MATTHEW 27:54

Ghushimi 100 shou akijeu ngo pa gholo ghushimi qono Jisu jughi khe akelo ayeghi ithakeu eno tile kishi akeno kumtsu ithuluno panonguye kichimamaiveno ishipi, “Paye kuchouno Alhou Nue!”

Luke 23:22

Pilat no panongu vilo ghuthu akuthuu ghi pi, “Ike paye kiu lhoksapu shive kya? Pa pithive kuzupu niye kiumu phumlae Ino pa heveno phepuwuveni.”

Luke 23:41

Tinguno alauno nikujoye nino mlakeu qhemi aghime ithulu kuzue, ikemu paye kiumu pimi puamoe.”

Luke 23:47

Ghushimi 100 shou akijeu ghi hi kumtsu ithulua eno pano Alhou sheqhe pi: “Mutsuqheino timi hipauye akivimie.”

John 19:7

Judami qono pa khochile, “Paye thimasa kepu niyezah lakhi ani, kughengu pano pa likhi pa pesu Alhou Nu kepi chenike.”

Apostolmi 13:28

Jisu pithive kuzupu akiqi kumu panonguno phumla mu, pa pithive penike Pilat vilo panonguno pi.

Rommi 3:19

Ninguno ithi anike, Ayezahlo pi puakeu kumtsu Ayezah qholo akemiqo vilo pi anike, tishianguno timino jekukivi shichekeu kumtsu hakhave no ayeghiqha kumtsu Alhou kughakutha qholo saghiniye ke.

1 Tim. 4:2

Akukutsu hipaqoye timi pishikiqhimi kimkimi vechewo ighi cheni eno timi tipaqo loloye kivikusa ithichekeu huye ayino pitikushughive keu toivae.

Titus 1:16

Panonguno Alhou ithiakeu tsa picheni, ikemu panongu kumla kughuthano tipau sasu kidimoe. Panonguye aphikumqhupu eno hekibidemike, eno akumla kivi kiumu shilukepu qhemi kumoe.

IBRIMI 7:26

Tishiaye, achinetou tikithipuno nino avehupu shiakeulo achipi shianike! Paye akimthe; tichetighepu kuha; tukutiye kiumu kuha; axinepu timiqo launo pakutashi pesu qhi eno atsutsu nguno kunguu ikhiqhe pukue.

1 Peter 1:19

ikemu bheri tukutiye kuhakeu jih toikeu Khristo jih amekusho pesu nongu xapheluke.

1 John 3:12

Ninguye Kain toikepu kumoe; paye Alhoksau laumike eno pa thikuzuu Abel heqhi pithiveke. Paye kushiye pa thikuzuu heqhipithive kya? Kughengu pa kumlaye alhoksake eno pa thikuzuu kumlaye achipi kehue.

Piyeküsü 11:10

Ayeghilo akemino timi hipama thivekeu ghenguno alokivishi nani. Panonguno alovi ilhe eno agho chhekile nani, kughengu tungkupumi hupamano ayeghilo akemi shou pitipuzaqhi keu sughicheke.

SAMUEL ATUGHIU 15:24

Saul no khochile, “Iye, ino axine mlavae, ino AMPEU zahkutsu gholumove eno nono mijepiye keu hebidevae. Niye iwu timi msave kehu panonguno shinishi keu shivepeke.

SAMUEL ATUGHIU 15:30

Saul no pi, “Niye axine shivae, ikemu iwu timi sakiphemi eno Israilmi kumtsu zulo sukumsa ipiye tsulo. Ipuzu isasu idewono ipelo AMPEU oLhou mllalu pelo.”

SAMUEL ATUGHIU 19:5

Paye pa kuxu kumsapu shi ghi Goliat veqhivetsu kelono AMPEU no Israilmi shou tokulu kije puwutsue. Noye kughou ti ithulukeno tile noghi alovi ae. Tishiaye kishi puzu noye kumu akipimi kuhakeu timi lau alhoksa mlaniye shikya? Eno kumu jekujeli kuhano David heqhiveniye shi ani kya?”