MATTHEW 26:56 - BAIBEL (BSI)

⁵⁶ Ikemu tungkupumino kuchoyesulo yepuakeu shikupu nike ghenguno hipaqo kumtsu shi ani.” Tileno akhopemi kumtsuno pa qhiveno pove.

Sümi Tiqhelimi Bible

⁵⁶ Ikemu hipaqo kümtsü shi akeu ye tungkupumiqo no Kuchoyesü lo yèpüa keu shikupuve niye ke.” Tishi akelo, akhopemiqo ye Jisü likhi qhive eno pokhave.

Sumi Naga CL (Re-edited) Bible (BSI)

⁵⁶ Ikemu tungkupmi no Kuchoyesü lo yepüa keu shikupu niye hi kümtsü shi ani.” Tileno akhopemi kümtsü no pa qhive no pove.

MATTHEW 26:56 Mawu Ofanana

BOTHUBO 3:15

Atotiu ngo okujo dolo ino kimthikile keu sutsuni, oti ngo li ti dolo ino kimthikile keu sutsuni. Pano oboghe chisheda tsupeni eno nono pa phitsu mighi peni.”

ISAIAH 44:26

Ikemu kughou iqeuno asheazu tsa pini keno, kughono ino aghinimi puwu no ikukughu lhepiye peni keno, akukughu tipaqo eno ashe-azu tsa tipaqo ino kuchou lono shiche nipeke. Jerusalem lo timiqo kughuna kithe nani kepi ino pike, eno Judia lo aphughiqo shipuku kithe nani kepi pike. Aphughi hupaqoye ixapinyive keu lono ithughive nani.

AKUMLO 4:20

Nikuxu puxutsu chekeu, AMPEU no nukishekuluu akukau hu kughaluve, Ningu leighikemi launo nisusholu penike pukhu achekeu hu kughaluve.

DANIEL 9:24

“Ampe tsunino ghuthu lhotsuniye Alhou no timiqo eno owu akimthe phughi axine lono khaqhiphe nikeu kihitha tsukeudo ke. Axine qhivetsu nani eno lhokta mikucho khaqhive tsu nani, tipau lono kungunhetsu ithulu keu eno tungkuptsa kuchou shikupu nani eno akimthe chineki shikimthe kithe tsu nani.”

DANIEL 9:26

Ado tipau ashekhalo Alhou no kishephe keu sakipheu akipimi kuhamu heqhive nani. Ighono akuka kua kukami wu ghushimino leighi kelono aphughi eno achineki kutsave tsu nani. Amghazu qole ighi keshi puhave tsunikeu ighi nani, Alhou no kuto pua keu lono aghu eno shikupsa sughi tsu nani.

ZEKHARIA 13:7

Aqokitikhi MPEU no pi, “Idathughilo, azutakihi ipunukhoi mlachekeu bherikheu ghiqhilo! Pa ghiqhilo eno bheriqoye hapiye pighive nani. Ino iwu timiqo leni cheni,

MATTHEW 21:42

Jisu no panoqo vilo ishipi, “Nonguye kuchoyesulo hipau khilemu phimla kesha? ‘Aki kishimino atu khipau kideqhive keno, tipauno atsu-pukeu tuqu shive aghie, Hiye Ampeu no shivetsuke, eno tiye nizulo akichiqhipue!’ ”

MATTHEW 26:24

Timi Nu huye kuchoyesulo pa ghenguno yepuakeu toi thive nani, ikemu timi khuuno Timi Nu pesu thechu shinikeno pa ghenguno kiutoi ahakusapu kela! Timi tipau ghenguye pa punumove keu pavini cheke!”

MATTHEW 26:31

Tilehi Jisu no panoqo vilo ishipi, “Itiji nongu kumtsu pokhave nani eno ilikhi qhiveni cheni, kughengu kuchoyesulo ishi yepuani, ‘Ino bherikheu heqhipithive nani, tileno bheri lojiye apanagha kohave nani.’

MATTHEW 26:54

Tishiaye, kuchoyesulo hikithipushi shimasakepi pipuakeu huye kishi puzu shikupuluni kya?”

John 16:32

Nongu kumtsu pututa shelo pututa kilo apanagha halesuveno ilikhi qhivenikeu tuqhudo hu cheni eno hi cheae. Ikemu niye ilikhi ani chemoe kughengu Apuh no igholo ani.

Apostolmi 1:16

“Athikuzumi achelimiqo, Jisu kughakulumi la kichekipiyeu Judas huye Aghungu Kimthe no azuuno David vechewo pipuakeu kuchoyesu hu shikupu kepu shiveke.”

Apostolmi 2:23

Alhou wu apulou eno azunatha kighithi lono hi Jisu ye nongu ulo phesuvetsu keu shi; eno nonguno ayehkumthami pelo kros lo pa yedavepe eno pa pithivepeke.

2 Tim. 4:16

Ilikhi isaphukeutsa kukugha atughiu loye milakhimu isaphukemi kuhaveno kumtsuno iqhiveke. Alhou pelo panoqo shou ngukukeu shipemoniu!