MATTHEW 26:5 - BAIBEL (BSI)

⁵ Panonguno ishipi, “Timiqono mubumughuyi ipeghive nosake ghenguno ninguye aghulhu ghulokiloye hi shikepu kumoe.”

Sümi Tiqhelimi Bible

⁵ Panongu no pi, “Ikemu Hechekulu pini ake dolo ye shimoveni, tikumo aye timiqo no muqhu ipeghive nosake.”

Sumi Naga CL (Re-edited) Bible (BSI)

⁵ Panongu no pi, “Timiqo no mqhumza ipeghive nosake aghulhu ghuloki loye shimoni.”

MATTHEW 26:5 Mawu Ofanana

LESHELE 76:10

Timi xu kighideye alaushi osheqheve nikeu likhike; aghukishilo ghulu kemiye owu tiqhetini tsala pewolu nani.

AHOLE 19:21

Timino thwokha jeli kughu aghiluvi ikemu AMPEU pulou lono shini aphike.

AHOLE 21:30

Tsala AMPEU no ogholo ngomove aye alokutsu, tsughaminhe keu eno jupili kuluye okuphuluni chemoe.

ISAIAH 46:10

Inahu abothu lono kiu shi ipeghini keno asheazushi ino pivae; khaghino kishive nani keno ino pivae. Ikukughuye khilemu ikiqimo kepi ino pike, ino kiu shinikeu shipuani keno tipaqo kumtsu ino shini cheni.

AKUMLO 3:37

Tsala AMPEU no ahza tsumo keloye khuuno tishi kulupu kya?

MATTHEW 14:5

Herod ye Johan pithive nishi ache ikemu paye Judami msa ache, kughengu panonguno Johan ye Alhou wu tungkupu lakhike pi kihiche.

MATTHEW 21:26

Le ninguno, ‘Timi launo’ ipini keno, ninguye timi hijejehi akeqo musae, kughengu hipaqo kumtsuno Johan ye Alhou wu tungkupu lakhi kepi picheni.”

MATTHEW 27:24

Kiumu shimlakepu shivekeu Pilat no ithuluve eno mutomushukeu alau shini keshive, ikehu timiqo zulono azu pesu pa-u mutsuveno ishipi, “Timi hipau kithi ghenguno ikipimipu kuha ke, hiye nonguno shiani!”

Mark 14:12

Kholaqhi sumokeu sho pesu aghulhu shikeu tsala atughiu lo Judamino Hechekulu libe ghenguno bheriti heqhi cheke tsalani, akhopemino Jisu vilo iniju, “Noye nipelo khile wuno Hechekulu libe chunike kutolo pikya?”

Mark 14:2

Panonguno pikeuno, “Aghulhu ghuloki lono shikepu kumoe, tishiaye timiqono mutomughuve nosake.”

Mark 14:27

Jisu no panoqo vilo pi, “Nongu kumtsu ipheve nani eno ilikhi qhive nani; kughengu kuchoyesulo ishi pipuani, ‘Ino bherikheu ghaqhi nani, eno bheriqoye apanagha kohave nani.’

Luke 20:6

Ikemu ninguno ‘Timi launo’ ipini keno, aqokitikhi hi kumtsuno atu pesu ni-veqhini cheni, kughengu panongu mlolo Johan ye tungkupumi lakhi kepi mtsuqhei akhani.”

Luke 22:7

Kholaqhi sumokeu sho ghulhu ghulokilo Hechekulu Ghulhu ghenguno bheritiqo ghiqhi chekeu tsala ighive.

John 18:28

Tileno panonguno Kaifa ki lono Ahng no achekeu akighiki kudau Jisu sawuve. Tiye inaqhe noke eno Judamiye akighiki sholokuu ilomo kughengu panonguye achine kitiqemo puzu Hechekulu libe chulu kepu shiniyeke.

Apostolmi 19:29

Ikehu tipa phughilo hipau muto-mughukeu ghughano aqha kumtsu chhive, eno timiqono Gayia ngo Aristark pama tsuqu sasu aghilikilo kohakive wuve. Pamaye Makedoniami ke Paul kusa shi-ghi izucheke.

Apostolmi 21:38

Tishiaye, noye ishi thoghilo Ijipmi huno timi xukutho puza puzu ghikiqhimi 4000 shou sakipheu shisusu asayeqhalo wukeu hu kumo kesha?”

Apostolmi 4:28

Nono azunatha ghi kiu shi nanikeno kughupe puakeu tipau shinike panonguno kumtsa kumqoe.