MATTHEW 24:14 - BAIBEL (BSI)

¹⁴ Kungugha yehkipe sutsa kiviu hipau pesu ayeghiqha kumtsulo kutsuwo nani eno tino ashiayeh kumtsu lau thopi lakhi shi nani eno tithiuno ashekha tsala ighi nani.

Sümi Tiqhelimi Bible

¹⁴ Eno Alhou kükaphu tsakiviu hipau no thopi lakhi shi ayeghiqha kümtsü lau kütsüwu nani, eno tithiu no ashekha tsalà ighi nani.

Sumi Naga CL (Re-edited) Bible (BSI)

¹⁴ Eno kungugha yekipe tsakiviu hipau pesü ayeghiqha kümtsü lo sheshu nani, tino shiye kümtsü lau thopi shi nani, tishino ashekha tsala ighi nani.

MATTHEW 24:14 Mawu Ofanana

EZEKEL 7:10

Israil ghenguno kutsakungo keu tsala cheni. Heqhi buqhikeu alau shi anike. Aqhekuzaye akutsuqalo anike.

MATTHEW 10:7

Nonguno wuchekelo ishi asheshu pilo, ‘Kungugha yehkipeye kupunu ighivae.’

MATTHEW 18:19

Tinguno alau ino nongu vilo hi pini, kugho kughomu ayeghilo nonguno avehu kiuala ghenguno inikhu akeulo nongu gholo mikini nomu kumtsa kuqhalu aye, nonguye iPuh kungughalo akeu launo ti ithulu nani.

MATTHEW 24:3

Jisu no Oliv toghilo iqa akelo, akhopemino lomo shighi pa lau ighi eno ishi iniju, “Kughono hi shini cheni keno nivilo pitsulo eno nono ighinikeu ngo hipa yeghi aghuloki shekha shini kelo kiu michipu shi nani kya?”

MATTHEW 24:6

Nongu kupunulo aghushi akeu chilu nani, aghachelo aghushi anie pikeu sutsa nongu vilo pi nani, ikemu nonguye thughuyive kepu kumoe. Hikithipu ighimasae, ikemu tiye ashekha tsala ighiveake kumoe.

MATTHEW 4:23

Jisu no Galil qha kumtsulo wupuzu Sinagog lo timiqo kutsu eno akukayeh wu lokivipu sutsa pesu asheshu, eno timiqo gholo akusu puaghikeu jeli eno kusukini shi aghi keu jeli kumtsu pano shipivitsu.

MATTHEW 9:35

Jisu no aphughilo ngo aphulo wupuzu Sinagog qo lono kutsu eno Alhou yehkipe wu lokivipu sutsa pesu asheshu, kusukinimi eno tomochhimokeu kusumi ajeli kutomo pano shipivitsu.

Mark 13:10

Lokivipu sutsa paghi timi kumtsu vilo asheshu paghi masa nani.

Luke 2:1

Hipa ghulokilo Rom yeghiqha kumtsulo timi lhoxu hesa kutsu nike Akukau Agostus launo ahza puwu.

Luke 24:47

Eno paje lono xukidekeu, axine pevetsukeu sutsa ashiayeh kumtsu lau Jerusalem lono huthu tughu shino asheshu masae.

Luke 4:5

Tughamino pa sasu kunguu wuve eno anhekutsu khavi lono ayeghi wu akukaqha kumtsu pa piye,

Apostolmi 1:2

kungughalo saikuveke tsala kutolo mlakeuke. Pa saikuve mphilo Jisu no Aghungu Kimthe vechewo apostolmi khunoqo pano kishelukeno tipaqo vilo ahza kutsu shike.

Apostolmi 11:28

Panoqo gholo Agaba ipikeuno puthugho puzu Aghungu kuka vechewo ighinike ghili pikeuno ayeghiqha kumtsu shou puqumiye keu lakhi kije cheniepi. Klaudia no akukau shi ake lono hipau shikupue.

Apostolmi 17:31

Kughengu Alhou no timi lakhi kishelu puakeu vechewo ayeghiqha shou amikucho lono kughatha nikeu shi atsala lakhi kihithape puavae.Hi shi nani putsae pikeu pulu penike timi kumtsu lau pano tsuakeu shi-ghi timi tipau hu akithi lono xuputhuvae!

Apostolmi 17:6

Ikemu kughou panonguno pama phumlave keno Jeson ngo athikuzumi khami sunhe sasu tipau phughilo ayehkipemi zulo wu, eno ighamuku pi, “Ayeghi kumtsu pekidepukhu akemiqo hu hila ighi ani,

Apostolmi 19:27

Ike shikusapu lakhi hi ani kene, ninguno lhidi shichekeu hipau ajekusa sholunikeu likhi kumo puzu alhou-liu akijeu Artemido chineki hu kumu kihisumoveni cheni, eno Asia yeghilo timi kumtsuno mllachekeu eno ayeghiqhano mllachekeu lhou-liu jekipi hughi shipuhavetsuni chenie.”

Apostolmi 20:25

Ino ithi anike, nongu khunoqo gholo ino Alhou yehkipe pesu asheshu ache keno hinguno hilauye khilemu iju ithulumae.

Rommi 10:18

Ikemu ino hi iniju ani, panonguye kuchouno asutsa chimlave kesha? Panonguye chiluvea thono, kughengu kuchoyesulo ishi pivae. “Panongu ghughaye ayeghi kumtsu shou wuvae, eno panongu tsaye ayeghi shekha kutolo tovae.”

Kolosiami 1:23

ikemu nonguye akupululo aboqha kumto shou mutotoi achemoayesake. Nonguno atsakiviu chilu puzu lajupu tsukeu lono iqevekepu kumoe. Atsakiviu tipau huye ayeghiqha kumtsu asheshuvae, eno ni Paul pelo hipau peithakutsumi lakhi shipeke.

Kolosiami 1:6

Nonguno Alhou wu kupukini hu kuchou kepi chilu eno ithi kuthuluke tsala lono nongu gholo athi pithilu eno thuwulu akehutoi, ayeghiqha kumtsu atsakiviuye athi pithilu eno thuwulu ani.

IBRIMI 1:6

Ikemu kughou Alhou no pa Nu anoghiu ayeghiqhalo puwuniye akeno, pano highi ishi pipuani, “Alhou wu kungumi kumtsuno pa mllalo.”

IBRIMI 2:5

Alhou ye kungumi pelo, nino kugha chekeu yeghiqha, ti ighiniye akeu akithe yeghiqha shou hu ayehkipemi shipeniye qhipuamoe.

Piyeküsü 14:6

Tileno kungumi kutau lakhino lhokta tsakiviu pesu ayeghilo akemiqo ashiayeh jeli, timi jeli, eno atsa jeli pichekemi vilo asheshu nike atsutsu mutalo yecheghikeu ino ithulu.

Piyeküsü 16:14

Tipaqoye tughamino amchipu jeli shiluakeu ghahwuqoke, eno hipano kuthuno ayeghiqha kumtsulo kukami akeqo lau wuve, tiye Alhou Akumtou tsala kijelo aghushi nike panoqo hekutsu kumqoniyeke.

Piyeküsü 3:10

Kutuu khelulo pi ino ahzatsukeu nono peluke ghenguno nighi shilukusa tuqhudo lono ayeghiqha shou akemi pejuniye akeu launo oxapheluve nani.