MATTHEW 21:35 - BAIBEL (BSI)

³⁵ Mishi-chichekemino pa qemi tsuquluve puzu lakhi kughapesu hepungoqhi, lakhiye pithivetsu eno lakhiye atu pesu veqhivetsu.

Sümi Tiqhelimi Bible

³⁵ “Ikemu mishichi chekemiqo no pa qemiqo tsüqüluve; panongu no lakhi kuoqhi, lakhi ye heqhipithíve eno aküthüu ye atu pesü veqhive tsü.

Sumi Naga CL (Re-edited) Bible (BSI)

³⁵ Mishikulumi no pa qemi lakhi küghape heqhi, lakhi pithivetsü, eno lakhi ye atu pesü veqhive.

MATTHEW 21:35 Mawu Ofanana

KUKAMI ATUGHIU 18:13

Jezebel no AMPEU wu tungkupumi heqhi ake ghulokilo ino pano 100 pesu lhopungu nguno amqo kini shino atuki lo kusuvetsuno achuqupu eno azu panongu tsukeu ghili noye chimla kesha?

KUKAMI ATUGHIU 18:4

kughou Jezebel no AMPEU wu tungkupumi heqhi akeno Obadia no pano 100 sasu amqo kini shino atuki lo kusuve eno achuqupu eno azu pesu ighino panongu loji ae).

KUKAMI ATUGHIU 19:10

Pano khochile, “AMPEU Alhou akughushuu, niye olikhi oqe acheni. Ikemu Israilmi ye panongu puloshoqhi hu hephove, okumlla kiptia kubovea eno owu tungkupumi kumtsu pithi khave tsuae. Ilikhi vae eno panonguye nighi ipithiveniye kuto anie!”

KUKAMI ATUGHIU 19:2

Lino asutsa lakhi Elija lau puwu: “Nono kiutoi tungkupumi lau mlakeno thoghi tsalalo hipa ghulokilo okuxu ghi panongu toi pithilumo aye alhouqo pelo niu heqhi pithive peniu!”

KUKAMI ATUGHIU 22:24

Tileno tungkupuu Zedekiya no Mikaiya lau ighi puzu pa gilo ghatsu eno ishi iniju “AMPEU ghunguye kughouno ipheveno oputsa ighi kya?”

YEKIKITHI AKINIU 16:10

Hipatsa no Asa pelo tungkupu shou amlo idevepe ike pa kughape ayikighi no tshupe qhivepe. Hipa ghuloki lono huthu puzu Asa no timi khami kijipusa thuve.

NEHEMIA 9:26

“Ikemu owu timiqoye ohebide eno ogholumove; panonguye oyezah pe pano thikhau qhive. Panongu vilo olau ideghilo pike ghenguno panongu kutughutsukemi tungkupmi pithivetsu. Panonguno anguno anguno othaighake,

JEREMIYA 2:30

Ino nongu ghimeqhiju kemu kiumu akivipu shimlake; nonguye ipelo nongu achipiulo shikithetsu pemoke. Abongushu loghu toi, nonguno nowu tungkupumi ghiqhiveke.

JEREMIYA 26:8

AMPEU no ivilo pilo pi ahza tsukeu kumtsu ino pitave kemtsa panonguno itsuquluveno ighamuku pi, “Noye hipau ghenguno pithive kepushivae!

JEREMIYA 37:15

Tipanoqoye ishou aloghu ideve eno ighaqhi puzu kughakilo akiyeu Jonathan kilo khathasupe qhivenikeu ahza tsuve, paki pesu akughuki shiveke.

MATTHEW 21:34

Atsayithi xoluke tusho tovekelo pano mishi-chichekemi launo pa saje lupenike pa qemi puwu.

MATTHEW 21:36

Pano itaghi atughiulo nguno alau aqemi kutau puwue, ikemu mishi- chichekeqo no puzu-u paphi shi tipaqo kutotsue.

MATTHEW 5:12

Alokiqipushi alovilo, kughengu kungughalo osaxu kije kutope ani. Nongu zuu tungkupumi achekeqo ghi timiqono tihutoi shikimighi cheke.”

Apostolmi 7:52

Nongu puasuqono kijipusamokeu tungkupumi khuu ani kya? Panonguno Alhou ghinimi khunoqono Alhou qeu Amikuchou ighi naniepi kutughuche keno tipaqo heqhi pithike. Itehiye nonguno pa kughape atheshive eno heqhiveke.

Piyeküsü 6:9

Kughou Bheritino mekhakeu apunguu suphono lhaphe keno, Alhou tsa pesu asheshukeu eno amikucho shi ashepe shikeu ghenguno ghiqhivekemiqo akumllagho kiptia qholo aghikeu ino ithulu.