MATTHEW 20:19 - BAIBEL (BSI)

¹⁹ eno Ashiayeh kutami lau sawo tsuve nani eno tipaqono pa thaqhi, pa heqhi puzu kros lo pa yedave nani, eno atsala akuthuniye pa xuputhuve nani.”

Sümi Tiqhelimi Bible

¹⁹ eno pa junuqhi eno heqhi püzü yeda pìthíve penike ghenguno pa pesü Jewkumomiqo tsüve nani. Eno pa ye atsala aküthüu lo xülethuve nani!”

Sumi Naga CL (Re-edited) Bible (BSI)

¹⁹ eno ashiaye kütami pelo thogha eno heqhi püzü yedave penike tsüve nani. Tishino pa ye aküthüni no xüputhu nani.”

MATTHEW 20:19 Mawu Ofanana

JOB 30:8

Mbomuzumi nuliqo eno aje kumoke nuliqo! Panonguye ayeghi lono hehapheve ke.

LESHELE 35:16

Panonguno xesuxeni shi alau alau ahu tsughu ikichie.

ISAIAH 26:19

Niwu timi khunoqo thivea keno itaghi xulu nani! Panongu phimpiye akuxulo ideghi nani. Akumolo zuakemiqo kumtsuno idathughi nani eno alokivishi alephe nani. Atsuzu phuphuyi keuno ayeghi vepuxutsu keshi, khunoqo kha-ghino thive keno tipaqo AMPEU no xukithetsu nani.

ISAIAH 53:3

Ninguno pa jumithike eno pa miliveke; paye aghichhe ghime eno sakutu keu puqheke. Milakhinomu pa kudau jupuwu moke - paye kiumu kumo kehutoi ninguno pa phimoke.”

HOSIYA 6:2

Ghulo kini dolono pano nixukithe tsu nani eno akuthuniye pano ni sunheqhe nani eno ninguno pa zulo xu auve nani.

MATTHEW 12:40

Jona no pucho tsala kuthu putho tsala kuthu akha kije polo ngoke hutoi Timi Nu ghi pucho tsala kuthu putho tsala kuthu ayeghi qhou ngo nani.

MATTHEW 16:21

Tipani nguno Jisu no pa khopemi vilo tuchecheno ishi pithuve, “Niye Jerusalem lo wumasa eno Judami kichimi ngo achinetomi ngo Ayezah kukutsumi pelo aghime tsu-kepu shini cheni, eno ipithivepe nani eno akuthuni ixuputhuve nani.”

MATTHEW 17:23

eno tipaqono pa pithive nani; ikemu atsala akuthuni paye xuputhuve nani.” Ikelo akhopemiye amloghime shive.

MATTHEW 27:26

Tishieno Pilat no panoqo lau Baraba kuqhophevetsu, ikemu Jisu kughapesu ghaqhi puzu kros lo yedavepe nike ikhiphe tsuve.

MATTHEW 27:63

ishipi, “Akijeu, hu kuhakughau huno pano xuaphi lono ishi pichekeu ninguno kumsulu ani: ‘Atsala kuthu thiu niye xuthughive nanie.’

Mark 14:65

Panoqo gholo khamino Jisu shou musutepuku, eno pa nhethi khavetsu puzu pa ghaqhi eno pa vilo ishi pi, “Khuno ohe anikela pijulo!” Aghukhemino pa sawo ghaqhi.

Mark 15:1

Achinetomiqoye inaqhe itheno Muchomiqo ngo Ayezah kutsuchekemi eno Ahohomi kutami kumtsu sasu kughakutha lakhi shi. Panonguno ayikighino Jisu tshu sasu wuno Pilat tsuve.

Mark 15:15

Ike Pilat no timiqo pulou shitsunishi kelauno panoqo lau Barabba khaqhiphevetsu; eno Jisu ye akighi kichhe pesu ghaqhipe puzu kros lo yedave penike ikhiphepe tsuve.

Luke 18:32

Paye Judakumomi ulo phesuve puzu thaigha, shikukujo eno musute pukupe nani.

Luke 23:11

Herod eno pawu ghushimino Jisu thaqhi eno jumthiqhi ghi peitha. Panonguno aphi aghile lakhi pe pa pu-u eno Pilat lau saidewuvepe.

Luke 24:46

panongu vilo pi, “Ishi yeh puani: Khristo ye ime puzu akuthuni akithi lono xuthumasae.

Apostolmi 2:23

Alhou wu apulou eno azunatha kighithi lono hi Jisu ye nongu ulo phesuvetsu keu shi; eno nonguno ayehkumthami pelo kros lo pa yedavepe eno pa pithivepeke.

Apostolmi 21:11

Pano ningu gholo ighi puzu Paul pokha ikhipe pa likhi pa phi-au pheda puzu pi, “Aghungu Kimthe no hishi pi anie, apokha hipau mipeuye Jerusalem lo Judami qono hitoi pheda puzu pa kughape Judakumomi ulo phesuve tsunanie.”

Apostolmi 4:27

Kuchouno aphughi hipaulo Herod ngo Pontio Pilat pamano Judakumomi eno Israilmi sasu kuhokumqono akimthe oqeu Jisu nono Khristo shivetsukeu shou akumou shie.