MATTHEW 10:6 - BAIBEL (BSI)

⁶ ikemu Israilmi gholo puhavekeu bheriqo lau wulo.

Sümi Tiqhelimi Bible

⁶ Tishini ke züqhu Israelmi ambe toi pühape akemi lau wulo.

Sumi Naga CL (Re-edited) Bible (BSI)

⁶ ikemu Israel lagha lo püha püakeu mbeloji lau wulo.

MATTHEW 10:6 Mawu Ofanana

LESHELE 119:176

Niye puhavekeu bheri toi itsu cheni, iphu ighilo, ni oqeu, kughengu niye oyezahqo kughuchovemoke.

ISAIAH 53:6

Ningu kumtsu bheri puhavekeqo toikhave, ningu milakhi khino pututa lalo wukhave. Ikemu AMPEU no pa shou ghichhe ghime betsu, nino ithukulupu shiakeu ghichhe ghimeke.”

JEREMIYA 50:17

AMPEU no pi, “Israil lo akemiye bheriqo abongushuno hakuqoqhi eno halevekeu toi keqoke. Atughushi, panonguye Asiriya kukauno leighike eno tipashelo Babilon kukau Nebukadnezar no panoqo saghi tsachhevetsuke.

JEREMIYA 50:6

“Iwu timiqoye bheriqo toi akhemiqono panoqo pelo naghutolo puhapighiyive peke. Panonguno bheriqo toi naghuto lakhi lono lakhiulo itsusu wuveke eno panonguye panoqo ki khile ani keno kumsumavae.

EZEKEL 34:16

“Khunoqo puha pesu ani keno ino juwuni, itsu itsuwuvekeqo saide saghini, izavekeqo khakide kudaive tsuni eno suaghikeqo shipivi tsuni; ikemu atha pubei eno mutotoi keqoye ino kutsave nani kughengu niye achipiu shichekeu bherikheuke.

EZEKEL 34:4

Nonguye miqemilei keqo tucho heju puamoe, suakeqo shipivi tsumoe, izapu akeqo kha kide kudaimoe, itsu susu wuvekeqo sachile saghi puamoe. Tishinike zuqhulo nonguno ayikusa shi panoqo peithake.

EZEKEL 34:6

Ikehu iwu bheriqoye qhemghai keu toghilo eno naghutolo itsusu wuve cheni. Panonguye ayeghiqha kumtsulo hapiye pighivae eno khunomu panoqo jumoe momu panoqo phuwu nike pukaputsamoe.

EZEKEL 34:8

Kuchouno niye xuakeu Lhou ke nonguye itsa initsu kepue. Iwu bheriqoye tughashino heqhi chuvae kughengu akheu kuha kehue. Iwu bherikhemiye bheri phu nike pukaputsamoe. Panonguye pano likhi pano tuchoheju auve kethono bheriqo jukutomoe.

MATTHEW 18:10

“Nonguye muthamini hipaqo kititi gholo lakhimu jukunatha kepu kumoe, kughengu ino nongu vilo pini, kungughalo panongu wu kungumiye iPuh kungughalo akeu zulo pulhapuju achenike.

MATTHEW 18:11

[Kughengu ni Timi Nuye puhavekeqo xalu nike ighie.] “

Luke 24:47

Eno paje lono xukidekeu, axine pevetsukeu sutsa ashiayeh kumtsu lau Jerusalem lono huthu tughu shino asheshu masae.

Apostolmi 13:46

Ikemu Paul ngo Barnaba pamano amlo kumtoshi pi, “Alhou tsa nongu vilo paghi pi mayesakepu shike. Ikemu nonguno hi milive ani, eno nongu likhi nonguye lhokta kuxu akuzupu kumovae, ikeke ninguye nongu qhiveno Judakumomi lau wuniae.

Apostolmi 18:6

Kughou Judami no pa hakha eno pa piputhauve keno Paul no pa makho kumoe pikeu shi-ghi pa phimini kuthopiye puzu panoqo vilo ishi pi, “Nongu kithiye nongu shouke! Tiye imakho kumoe! Hinguno hilau niye Judakumomi, lau wuniae.”

Apostolmi 26:20

Ikemu atughushi Damaska, Jerusalem, Judia ghakhu kumtsulo eno Judakumomi gholo ino asheshue. Panongu xine qhiveno Alhou lau xaideghi luve keu kumla mlape piyelo pi ino asheshue.

Apostolmi 3:26

Ikehu Alhou no pa qeu kishepe atughushi nongu lau puwuke, eno nongu lhoksa kugha lono saide sawo kumghatsuniyeke.

1 Peter 2:25

Nonguye bheri ala puhavekeqo toike, ikemu itehiye nongu ngulho Kheu eno nongu Pighiu papelu penike nongu sachile saghivae.