Mark 9:50 - BAIBEL (BSI)

⁵⁰ Amtiye qhiqhumzayi keu kuhave aye, nonguye tipau kishi qhumzai kitheluni kya? Nongu likhi nongu lolo akuqhu alo, eno lakhino lakhi sasu alokughuno shikile alo.

Sümi Tiqhelimi Bible

⁵⁰ “Amitì ye aloe, ikemu amitì no aküqhü kühave aye tiye kíshi no itaghi qhü kitheluve nani kea? Nongu dolo amitì küqhü toi alo, eno lakhi no lakhi sasü alokughuno shikile alo.”

Sumi Naga CL (Re-edited) Bible (BSI)

⁵⁰ Amti ye aloe, ikemu amti no aküqhü kühave aye, nongu ye kishino tipau qhümzai kithelu nani kea? Nongu lolo amti küqhü alo, eno lakhino lakhi sasü aloino alo.

Mark 9:50 Mawu Ofanana

JOB 6:6

Khuno isaphayi keu chuqu amti sumono chulu nani kya? Awukhu kimiye lo kiu mulluyi keu ani kya?

LESHELE 133:1

Alhou wu timiqo kutupope xuakeuye kiu toi jukighilepu shi akivikela!

LESHELE 34:14

Alhoksa launo tsughuvelo eno akivi mlalo; omlo kuchopu pesu aloino keu pukaputsa phulo.

EZEKEL 43:24

eno tikuma ilau saghilo. Achinemiqono tipaqo shou amiti kuzute pukulo eno imllakeu shi tipaqo pitilo.

MATTHEW 5:13

“Nonguye ayeghilomi ghenguno amti toike. Amti no qhumzayi keu hauve aye, tipau qhumzayi kithe kulupu kuhave cheni. Tiye avehupu kiumu kuhaveno peleve puzu timino apukhuno nedaqodave cheni.

Mark 9:34

Ikemu panonguno inaqhoive, kughengu alalo chekelo panonguye lakhino lakhi sasu khuuno akijeu kelapi kutsalakile cheke.

Mark 9:49

Kughengu ami kughapesu timi kumtsu shikimthe ke toi amtino kumtsu shipuqhu nani,

Rommi 12:18

Toluke thaqhu, omuzuloye timi kumtsu sasu kulakishi lono xuanikeu shilo.

2 Kor. 13:11

Ashekhalo ghi athikuzumiqo, ileno alo! Kupukulu shinikeu kohakishilo; ino pikeu inilo; lakhino lakhi sasu kumtsa pulo kuqhalo, eno alokiqi shi xulo. Kimiyekini eno alokiqi Lhou no nongu gholo anani.

Galatiami 5:22

Ikemu Aghungu xathiye Alhou launo ighikeu kikimiye, alokiqi, alokivi, kheakulu, alokeu, akivi, pichebekulu,

Ephesiami 4:29

Shipusakile kepu tsa nongu kichi lono piphe kevilo, ikemu pikuzupu eno xaqhekulupu akivi likhi pilo, tishianguno otsa iniakemi pelo kumghakeu ithulupenike.

FILIPIAMI 1:27

Akhotono nongu kuxu gholalo Khristo tsakiviu ghenguno kiu akuzupu keno tipau shilo, tishianguno ino ighino nongu sasu kusholuna kushomla namu, nonguye amlo lakhi shipe puthugho akeu, eno atsakiviu kupulu ghenguno akukumsu lakhi shino pukaputsa akeu ipelo chilupelo.

Kolosiami 3:12

Alhou no nongu kimiyeno, pawu shipenike kisheluvekemi akehu, kimiyeqhiyikeu, kutami kupukeu, akumtsha, akughuvu eno kutuukulu pepulo.

Kolosiami 4:6

Nongu tsapilo pulhapuju mutshaminheyi eno jumughayi shilo, eno nongu vilo inijukemi lakhikhi vilo khokichile achipiu kishi tsukepu keno ithimasae.

1 Thes. 5:13

Panonguno akumla shichekeu ghenguno qhoqhukeu akiqheu eno kikimiye lono panongu peithalo.Nongu likhi nongu dolo aloinokeu achelo.

2 Tim. 2:22

Ikehu lhothemi shiakelo ngosukumla launo povelo eno amlo kimthe shino Ampeu vilo khukemi muqo gholo supuzu amikucho, akupulu, kikimiye eno kuloni kughuvuyi keu shinikeu phulo.

IBRIMI 12:14

Timi kumtsu sasu kulashi anikeu pukaputsalo eno akimtheshi xunikeu pukaputsalo, kughengu tipau kuhakeloye khunomu Ampeu ithumla nani.

James 1:20

Kughengu timi mlo kighideye Alhou mikucho kumla shilu chemoe.

1 Peter 3:8

Ashekhashi, nongu kumtsu akukumsulo ngo amlo imekeulo lakhishi kuqhakulu shilo; athikuzumi kimiyekile ketoi lakhino lakhi kimiyelo eno lakhino lakhi lau amlo kumtsha eno ivunheyi shilo.