Mark 9:25 - BAIBEL (BSI)

²⁵ Timi aqokitikhino kohakive panongu lau cheghikeu Jisu no ithuluve puzu pano tughakusa hu sakiyighi ishi pi, “O akini kughupo eno atsa piphekumlau aghakusau,ino ovilo ahza tsu ani, pa launo ipeghivelo eno khilemu itaghi pa lolo ilokevilo”

Sümi Tiqhelimi Bible

²⁵ Kughou aqokitikhi no tipau ju niye poche keu Jisü no ithulu keno, pa no mithekumo ghungu vilo alòmi pi, “No akìní ipó eno atsa piphe müla keu ghungu, I no azah O tsü anike, pa lau no ipeghivelo, eno khilemu pa phi lo ide ilo kevelo!”

Sumi Naga CL (Re-edited) Bible (BSI)

²⁵ Kughou aqokitikhi no aqoshi posü cheghi keu Jisü no ithulu keno, pa no mithekumo ghawu sakiyi no pi, “No tsapimo eno akinikughupo ghawu, I no azah o tsü ani, pa launo ipeve no khilemu ideilo kevilo.”

Mark 9:25 Mawu Ofanana

ZEKHARIA 3:2

AMPEU wu kungumino Satan vilo pi, “AMPEU no okileqhive peniu, Satan! AMPEU, Jerusalem kimiyekicheuno okileqhive peniu. Timi hipauye ami lono puxuphelu keu sulu lakhi toike.”

MATTHEW 12:22

Tile anhethi kighichekemi lakhi tughamino pa lolo akeu ghenguno atsa piphemla keu Jisu lau saighi. Jisu no timi hu shipivivetsu ikelauye timi huno atsa piluve eno anhethino ithuluve.

MATTHEW 17:18

Jisu no tughami lomi pikelo tipauno pa launo ipeghive eno itimi huye paikhavino shipivive.

Mark 9:15

Aqokitikhino Jisu ithulu kelo paikhavino shishe thughuyive eno pa lau kohasu wuno pa vilo akivishi ighi kema pi iniju.

Mark 9:24

Itimi papuh no tipamtsa igha ithughino pi, “Ino pulu ani, ikupulu tomono akeulo kuphu tsulo”

Mark 9:26

Tipauno vekipighi igha puzu shishe pa sukughuthano ipeghive; eno itimi huye akithikumo lakhi hutoive, ikehu tile timi kutomono ishi pi, “Paye thivae!”

Luke 11:14

Jisu no atsa piphe mlakeu tughami lakhi haphe-a. Kughou tughamino timi launo ipeve keno, timi hu atsa piphe luve, timi aqokitikhi ye akichiqhive.

Luke 4:35

Ikemu Jisu no pa lomipi; “Inaqhoi velo! eno pa launo ipeghivelo.” Tughakusano panongu zulono timi hu sunhekuluqhive ikemu kiumo ghime mono pa launo ipeve.

Luke 4:41

Tughami ghi timi kutomo launo ipeghino ighae, “Noye Alhou Nu ke.” Ikemu Jisu no panongu lomi pi eno panongu pelo atsa pipemo, kughengu tughamino paye Mesiya kepi ithiakehu.

Luke 8:29

Kughengu Jisu no tughakusa vilo timi launo ipevelo pi ahza tsue. Ghuthu kutomo hino pa tsuquluveche eno ayikichhe kighino tshuno aghukhe shi anamu, paye ayikichhe kighi ghi suthaveno tughakusano hasasu aghasalo wuveche.

Luke 9:42

Pano wuche-phi lono tughakusano panu tukuluqhiveno pa sukughuthaqhi. Ikemu Jisu no tughakusa lomi pive, anuye shipiviveno papuh lau puwuve.

Apostolmi 16:18

Lino ghulo atsu-tsulo hitoi shi ache. ike Paul no azuzuve puzu tsughuwo tughakusa ghungu vilo pi, “Jisu Khristo je lono ino oha ani, noye li launo ipeghi velo!” Tipa mtsa tughakusa ghunguno ipeghive.

Jude 1:9

Ikemu kungumi gholo atou Mikhael ghi tishi chemoe. Pano Muse sukumo ghenguno tughami sasu kohakishi kelo thaighakeu tsa pipuku nikeu musa ighuno ishi pike, “Ampeu no olomi piani.”