Mark 9:12 - BAIBEL (BSI)

¹² Jisu no ishi khochile, “Elija ye atughushi ighi puzu thwokha kutope qhi. Eno ni Timi Nu ghenguno kuchoyesulo kushiye paye thwokha aghime shinikeu eno pa jukunathani keushi yepuani kya?

Sümi Tiqhelimi Bible

¹² Jisü no khochile, “Kuchou no Elijah paghi ighi püzü thowkha kümtsü kutò pe qhive ke. Tishimu kushiye Timi Nu ye shishe ghimeqhi eno jukünathave moayesa keu shi yèpüani kea?

Sumi Naga CL (Re-edited) Bible (BSI)

¹² Pa no khochile, “Elijah paghi no thokha kümtsü athoputho tsünike cheni. Maye kushiye Timi Nu no aghime shimasa keu eno pa kiphikumo shi kileveni keu ghili yepüani kea?

Mark 9:12 Mawu Ofanana

LESHELE 74:22

Ithughilo, O Alhou eno ovehupu susholulo! Alhou mthakemino atsala kupuju ojunu akeu kumsululo.

ISAIAH 49:7

Israil Lhou akimtheu eno xaku luuno Ashiayehqono mithi achekeu eno shishe jukunatha achekeu eno ayehkipemiqo qeu vilo ishi pi: “Okuqhopheve keu kukamino ithulu nani eno ithughino panoqono agigihu tsu nani kukapumi ghi tipau ithulu nani, eno panongu ghi aqhou shi itsaiqi puzu ogihu nani.” Hipau shi nani putsa kughengu AMPEU no pa qeu kisheluve ake; Israil Lhou akimtheuye pano tushoqhivekeu pecheni.

ISAIAH 50:6

Iheqhi akemi lau ino imqa mighe tsuke. Panonguno ithaighakeulo niye pano qo lakhamoke, panonguno ikichimhi phivetsu eno igilo musute keulo niye panoqo lakhamoke.

ISAIAH 52:14

Kughou timino pa ithulu keno panonguye thughuyive; Paju shishe shipusavetsu kehu paye timi kumo toive.

ZEKHARIA 11:13

AMPEU no ivilo pi, “Tipaqo pesu achinekilo akini pekutsualo sulo.” Ike ino tsandiyi atachu shighi, niye ame kumzapu qhemi kepi panonguno kumsu ake, tipau pewo achinekilo akini pekutsualo suve. Tisheno ino akusu akiniu, “Kuqhakulu” ipichekeu suchheve eno Juda ngo Israil kuma kuqha pe akeuye kuboleve.

ZEKHARIA 13:7

Aqokitikhi MPEU no pi, “Idathughilo, azutakihi ipunukhoi mlachekeu bherikheu ghiqhilo! Pa ghiqhilo eno bheriqoye hapiye pighive nani. Ino iwu timiqo leni cheni,

MALAKI 4:6

Pano itaghi apuqo ngo anuliqo kumtsa saghini; tikumoaye ino ighikepu shi nani eno noghakhu kutsave nani.”

MATTHEW 16:21

Tipani nguno Jisu no pa khopemi vilo tuchecheno ishi pithuve, “Niye Jerusalem lo wumasa eno Judami kichimi ngo achinetomi ngo Ayezah kukutsumi pelo aghime tsu-kepu shini cheni, eno ipithivepe nani eno akuthuni ixuputhuve nani.”

MATTHEW 26:24

Timi Nu huye kuchoyesulo pa ghenguno yepuakeu toi thive nani, ikemu timi khuuno Timi Nu pesu thechu shinikeno pa ghenguno kiutoi ahakusapu kela! Timi tipau ghenguye pa punumove keu pavini cheke!”

Mark 10:33

“Julo, ninguye Jerusalem lo iqho cheni, eno tilano ni Timi Nu ye achinetomi ngo Ayezah kukutsumi lau kughapesu sawuve nani. Panonguno pa pithivepe nikeu shi pa koleqhive nani eno Judakumomi ulo suvetsu nani.

Mark 9:13

Ino nongu vilo pinikeuye Elija ye ighi eno pa ghenguno yepuake toi timi qono puloake toi pa shou shipukuvae.”

Mark 9:31

Pano pa khopemi vilo ishi pie, “Ni Timi Nu ye kughasawo timiqo ulo suvetsu nani, eno timiqono pa pithive nani; tishinamu atsala kuthu thiu paye xuthughive nani.”

Luke 1:76

Ni kuxu kupuju pa zulo akimthe eno akumzu shipenike.

Luke 23:11

Herod eno pawu ghushimino Jisu thaqhi eno jumthiqhi ghi peitha. Panonguno aphi aghile lakhi pe pa pu-u eno Pilat lau saidewuvepe.

Luke 23:39

Alhoksa kumlami lakhiye tuthu-iju apulaghi Jisu thaighakeu pithu: “Noye Alhou no Kishephe puwukeu ke kumo? Olikhi oxaluveno nighi xalulo!”

Apostolmi 1:6

Kughou apostolmino Jisu sasu kumtsa kumqo akeno panonguno pa iniju, “Ampeu, noye hipa ghuloki lono Israilmi lau akukaqha tsuchileni akema?”

Apostolmi 4:11

Kuchoyesulo ishi pipuakeu huye Jisu pianike. ‘Atuqu khikhi nongu akikishimino kileve keno tino kumtsu nguno atsukupuu tuqu shiaghive.’