Mark 7:9 - BAIBEL (BSI)

⁹ Jisu no highi pikithe, “Nonguye muquijoyi shino Alhou no ahza tsukeu peveno nonguno pekishe pesu kutsuchekeu qhipuaniye shi cheni!

Sümi Tiqhelimi Bible

⁹ Eno Jisü no kibe ghi pi, “Nongu ye nolikhi no kukhuayeqo pape anike ghenguno Alhou zakütsüqo ye akivishi ghakütsü pesü akou qhive anie!

Sumi Naga CL (Re-edited) Bible (BSI)

⁹ Panongu vilo pa no pi, “Nongu ye no khuaye iqhi kumtoni ke ghenguno mqüijoi Alhou zakütsü kileve cheni!

Mark 7:9 Mawu Ofanana

LESHELE 119:126

AMPEU, itehiye nono mlakepu do shivae, kughengu timino oyezah hebide achenike.

ISAIAH 24:5

Timiqono Alhou yehqo hebidevekeu lono eno pano puloshoqhi alhokupuju achepe nikeu hepusakeu lono ayeghi kitiqeveke.

ISAIAH 29:13

AMPEU no pike, “Timi hipaqono akichiloye ikupunu imlla cheni ikemu panongu tsaqoye akiqi kuhae eno panongu mloye khile anikela mthake. Panoqo chineyeh ye timino shikeu yeh eno pe kishe chekeu yeh panonguno mlokite shipusu akeu kethono kiumu kuhae.

DANIEL 11:36

“Siriya lo akukauno pano kiu shinikeno kumtsu shi nani. Paye Alhou nguno akijeu kepi qheza anani, akughushu ashekha kuhakeu Lhou nguno ghi pauno akijeu kepi kumsu nani. Alhou no aghime pa tsumoke kutolo pano kiu shinishi keno kumtsu tolu nani, Alhou ye pano kiu shinike akukughu shivekeno tipau toi shikupuve nani.

DANIEL 7:25

Pano Akughushu Lhou ghobide keu tsa pi nani eno Alhou wu timiqo ghime nani. Pano panongu chineyeh eno pinyichekeu kilivetsu nike pukaputsa nani. Eno Alhou timiqo pa kuka qholo ampe kuthuno tuxa ngo nani.

Mark 7:13

Hitoi shikeu nonguno pekishepe kutsuchekeu kutami shikawokeu lono Alhou tsaye adou shivetsu cheni. Hitoikeu kutomo nonguno shi acheni.”

Mark 7:3

Kughengu Farisimi ngo Judami kumtsuno apu-asuno kutsukeu pekishe sughikeu papeche, tiye panongu yeh gholauno a-u mutsumokeloye chuchemoe.

Mark 7:5

Ike Farisimi ngo Ayezah kukutsumino Jisu vilo iniju, “Okhopemiqoye kushiye apu-asu launo pekishe sughikeu kukutsu kiqi lono xumo puzu a-u shikimthemono chucheni kya?”

Rommi 3:31

Tishiaye hipau kupulu pesu Ayezah hapuhaveni kesha? Khilemu tishimoe! Tishinike zuqhu ningu pelo Ayezah mutotoilu peniyeke.

2 Kor. 11:4

Kughengu timi khualano ighi puzu ninguno nongu vilo pikulhavekeu nguno kutau Jisu nongu gholo pikulha, angugha nonguno ikhiluvekeu nguno kutau ngugha ikhilu, atsakiviu nonguno ikhiluvekeu nguno kutau tsakiviu ikhilu ishive aye nonguye mulalei tipaqo gholo ilovae!

Galatiami 1:14

Judami chineyehlo niqhe sho Judami kutomo dolo ino atughiu shiache, nipuasuno pekishe pichekeu nongu nguno alau ino amlo tsuqhiyi cheke.

Galatiami 2:21

Niye Alhou wu kupukini pevemoe. Kughengu Ayezah vechewo Alhou lau achipikalu kepu shi aye Khristo no thivekeuye adouke.

2 Thes. 2:4

Paye Alhou ipicheke jeli momu mllachekeu thime jeli kumtsu shou akumou shinani, eno tipaqo kumtsu nguno pano akiqheuke pi nani, pano Alhou chinekilo iqa puzu pa ampiuno Alhou kepi piwuve nani.