Mark 7:37 - BAIBEL (BSI)

³⁷ Eno ti chilukemi kumtsuno shishe akumzaveno ishi pi, “Thwokha pano shipivivetsu: Pano akini kughupomi pelo chilupe eno atsa piphemlakemi pelo pilupe ke!”

Sümi Tiqhelimi Bible

³⁷ Timiqo ye shishe akümza keu no chhitoive. Panongu no ishi pi, “Pa ye thowkha kümtsü aghileshi shivae. Pa ye akìní kughupomi pelo chilu pe eno amili-kütshümi pelo ghí atsa pilu pe ke.”

Sumi Naga CL (Re-edited) Bible (BSI)

³⁷ Timiqo no shishe akichiqhive no pi, “Timi hipau ye thokha akivishi mla ani. Akini ipo kemi eno piphemla kemi ghi pa no chilupe eno pilupe ani.”

Mark 7:37 Mawu Ofanana

BOTHUBO 1:31

Eno Alhou no pano mlakeu kumtsu shou jupuzu ighono palokiqi shive. Tino akutsughou tsala kijiliu eno inaqhe shive.

LESHELE 139:14

Ino osheqhe ani, kughengu osumsa kepuke; nono mlakeu kumtsu akumza kepu eno akichiqhi kepue. Imlo kuchopuno tipau ithi ani.

ISAIAH 29:18

Kughou tipa tsala ighini keno, akini kughupomino kaku lakhi phisukeu chilukepu shilu nani, eno anhethi kighichemino zumoyike ngo zuchiyikeulo acheno pano nhethi xukholu puzu ithulu nani.

MATTHEW 9:32

Panonguno wuchekelo, atsapi kumlami lakhi Jisu lau sasu ighi. Pano atsa pimlakeuye pa lolo tughami akehue.

Mark 1:27

Timi kumtsu shishe akumzaqhiyive ikehu panongu lakhino lakhi vilo ishi inijukile auve, “Hiye kiu kya? Kiuala akithe kukutsu keo? Timi hipauye anguagha kuamino ahza tsu akeshi tughakusa shou thotsu ahza tsue eno panonguno pa gholue!”

Mark 2:12

Ike panoqo kumtsu nhekithe lono timi huno ithuve, pa yephu ikhipesu khalau ipeve. Ikelauye timi kumtsu akichiqhive eno Alhou jekipipushi sheqhe eno ishi pi, “Ninguye khilemu hikithipu ithumla aphie!”

Mark 4:41

Ikemu panonguye shishe msave eno lakhino lakhi vilo ishi iniju ae, “Timi hipauye khuu keno amlhu ngo azughi thotsu pa gholu kya?”

Mark 5:42

Paikhavino liye ithughive eno alacheluve; liye ampe chighikini nga shiae. Hi shi kemtsa panonguye akichiqhi kelauno kiumu kumsumlave.

Mark 6:51

Tishieno pano panoqo gholo ashukalo ilo eno amlhu mulhutave. Akhopemiqoye ighono akichiqhi eno akumzave.

Mark 7:36

Jisu no hipau pesu khuvilomu pikevilopi kumtsu hakhave, ikemu pano khije panoqo lakhakeno tijehi panonguno vekuphasu piwuve.

Mark 8:1

Ado kushuwa kumolo, itaghi timi aqokitikhi lakhi kumqolu. Timi qoye kiumu chukepu kuhave kehu Jisu no pa khopemi kuno panoqo vilo ishipi,

Luke 23:41

Tinguno alauno nikujoye nino mlakeu qhemi aghime ithulu kuzue, ikemu paye kiumu pimi puamoe.”

Apostolmi 14:11

Timi kumqo akeqono Paul no kiu shitsukeno ithulu puzu, panonguno Likonia tsauno ishi ighathuve, “Alhou noqono timi ilhoveno ningu lau iqighi anie!”