Mark 6:11 - BAIBEL (BSI)

¹¹ Nonguno aphu lakhilo ighi kelo timino nongu sasumo aye momu nongu tsa initsumo aye tileno wuvelo eno panongu shou thopiu shipe nike nongu pukhulo ayeghimukhu dalukeu kukhuqhivelo.”

Sümi Tiqhelimi Bible

¹¹ Eno khile-khilemu nongu sasümo momu nongu tsa inimo aye, tipau-a qhivelo eno panongu lachile akeu thopi michi shi nongu pukhu müzá lo ayeghimukhu kukhuqhivelo.”

Sumi Naga CL (Re-edited) Bible (BSI)

¹¹ A-a lakhi lo nongu sasümo eno nongu tsa ini tsümo aye, tileno wuche kelo pano shou thopi shi nongu pukhu lo ayeghimkhu kutolo kukhu qhivelo.”

Mark 6:11 Mawu Ofanana

NEHEMIA 5:13

Tithiu ino apokha yi kuqhopheno sukinighi pi, “Hitoi khuno nongu shoqhi qhimoveni keno Alhou no ishi nongu no pighi akeu kumtsu pewuveno kiumu qhipe nongu tsumove nanie.” Tilehi ngo akemi kumtsuno pi, “Amen!” eno AMPEU akishe tsu. Sakiphemino panongu shoqhi peluke.

MATTHEW 12:36

“Ino nongu vilo hi pini, kughakutha tsalalo timi lakhikhino pano kutokupuyimono piqhivekeu tsa kumtsu kihikulayi tsumasa nani.

Mark 6:10

Panoqo vilo highi pi, “Kughou nonguno aphu lakhilo iloni keno womoke kutolo nongu sakusuu kilo ngolo.

Luke 9:5

khile nongu sasumoni keno, tipa phughi qhivelo eno nongu pukhu lono ayeghi kukhuqhi velo, tino panongu kutughukeu lakhi shighi.”

Apostolmi 18:6

Kughou Judami no pa hakha eno pa piputhauve keno Paul no pa makho kumoe pikeu shi-ghi pa phimini kuthopiye puzu panoqo vilo ishi pi, “Nongu kithiye nongu shouke! Tiye imakho kumoe! Hinguno hilau niye Judakumomi, lau wuniae.”

Rommi 2:16

Ino pikulha chekeu tsakiviu kiqiloye, kughou Alhou no Jisu Khristo vechewo timi mlolo tuqhou kukumsu kumtsu shou kughathanikeu tsalalo, hitoi shi nani.

Rommi 2:5

Ikemu noye amlo kumka likhi thono amlo-ighikeu kuhae.Ike Alhou ghakighide eno Pano achipi lono kughatsukeu pephepiye nike tsalalo noye olikhi oghengu aghime kitikhi ithulu kepu pekike auvae.

2 Peter 2:6

Alhou no Sodom ngo Gomora phughi pesu ayevu kughulhove eno panoqo puhavetsu eno Alhou phimokemi lau kichekipiye shipe puavetsu.

2 Peter 2:9

Tishiaye Ampeu no pa lau amlo tsukemi shilukusa sasu kupughu akeu lono xaphe lunikeu ithi ani eno amikucho kumomiqo pesu Kughakuthapu Tsala ghenguno aghimeshi pu anikeu ithi ani,

2 Peter 3:7

Ikemu Alhou tsano atsutsu ayeghi itehi akeu huye ami pesu kutsapiniyiveni keushi ghupe puani, tiye Alhou phimokemi shou kughathabeni keu eno kutsapiniyiveni keu tsala ghenguno qhipuani.

1 John 4:17

Hipau lono kikimiye nilolo shikupuluvae tishianguno kughakuthapu Tsalalo ninguye amlo kuloghi shilupe niyeke, kughengu Khristo no ayeghilo kishi akeno ninguye titoi acheni.

Jude 1:7

Sodom ngo Gomora eno tipau sukumxalo aphughi akeqo kumsululo. Timi tile akeqono kungumi hupaqo toi shike, panonguno kipitimi totimi dolo mithemokeu eno chighichilai keu shike, alhomi pesu panongu shou aghime tsukeu huno kumtsu zulo kichekipiyeke.