Mark 2:17 - BAIBEL (BSI)

¹⁷ Jisu no ti chiluve eno panoqo khochile. “Timi khunoqono akivishi ani keno shikipiviu avehupu shiamoe, ikemu suakeqo no shikipiviu avehupu shichenie. Niye achipiushichekemi kuniye ighike kumoe. Ikemu axinemi kuniye ighike.”

Sümi Tiqhelimi Bible

¹⁷ Hi chilu kelo Jisü no panongu vilo ishi pi, “Küsükinimi no kumo aye ashi-aji viakemi ye shikipivimi avehupu shichemoe. Ni ye amikuchomiqo ku niye ighimoe, ikemu axinemiqo ku niye ighike.”

Sumi Naga CL (Re-edited) Bible (BSI)

¹⁷ Hi chilu kelo Jisü no panoqo vilo pi, “Ashiaji vithai akeqou no kumo püzü khunono küsükini shi ani keno shikipiviu avehupu shi cheni. I no ighi keu ye amikuchomi kumono axinemi kuniye ke.”

Mark 2:17 Mawu Ofanana

ISAIAH 1:18

AMPEU no pi, “Itehino ningu avehu kimchiveni nolo. Nonguye axineno huchuhulesu xapu ani, ikemu ino nongu shikithe pesu murasu toi shitsuni. Nongu hedapusu akeuno ighono huchuyi aghi namu asupha toi metsughoi shivetsu nani.

ISAIAH 55:7

Kixikilamino panonguno xuche keu kuxu qhivelo eno panongu no kumsuchekeu kilivelo. Panonguno niLhou AMPEU lau ideghilulo; paye kupuqhiyi cheni eno paye axine qhive tsu nanike.

JEREMIYA 17:9

‘Khuuno timi mlo ithikuthu luni kya? Tiye kutau kumtsu nguno pishikiqhiu ke; tiye vimo kutuke.

MATTHEW 18:10

“Nonguye muthamini hipaqo kititi gholo lakhimu jukunatha kepu kumoe, kughengu ino nongu vilo pini, kungughalo panongu wu kungumiye iPuh kungughalo akeu zulo pulhapuju achenike.

Luke 15:10

Ino nongu vilo pini: Titoi Alhou wu kungumi lokivi ghi axinemi lakhi xukithelu keu shou anie.”

Luke 15:29

Pano papuh khochile, ‘Julepi aqemi lakhi toi niye ampe hijejehi mla ighivea eno ghuthu lakhimu nono ahza tsukeu hebide mphi. Iwu shompami sasu kuchukusho shikepu noye ane lakhimu khileno itsu akya?

Luke 15:7

Titoi, ino nongu vilo piani, kungughalo amikuchomi lhotoku toku khunoqo xukikithe avehupu shimokemi shou alokivi akeu nguno alauno axinemi lakhi xukithe ighilukeulo alokivi alau anie.”

Luke 16:15

Jisu no panongu vilo pi: “Timi zulo nongu likhi nonguno achipiu kepi acheni, ikemu Alhou no nongu mlo ithi anie. Kughengu timino kiu pesu amekuapu kije kepi kumsu cheni keno Alhou zuloye kiumu ame kuhae.

Luke 19:10

Kughengu Timi Nu ye puhavekeu phu nike eno xalu nike ighie.”

John 9:34

Panonguno pa khochile, “Noye axine lono punu puthu kena ipuzu noye ningu shikaniepi ani kesha?” Eno panonguno Sinagog lono pa hapheve.

John 9:40

Pa phivilo Farisimi khami akeqono hipau chilu puzu pa vilo iniju, “Ningu ghi anhethi iche kesha?”

Apostolmi 20:21

Judami vilo ghi Grikmi vilo ghi ishi Alhou kudau xaide ighinikeu eno ningu mpeu Jisu shou pulube nikeu shepe thumuyishi pithie.

Apostolmi 26:20

Ikemu atughushi Damaska, Jerusalem, Judia ghakhu kumtsulo eno Judakumomi gholo ino asheshue. Panongu xine qhiveno Alhou lau xaideghi luve keu kumla mlape piyelo pi ino asheshue.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.