Mark 14:6 - BAIBEL (BSI)

⁶ Ikemu Jisu no pi, “Li lokutolo,nonguye kushiye li shipunaqhi ani kya? Liye akumla kivi lakhi ilau mlatsu anike.

Sümi Tiqhelimi Bible

⁶ Jisü no pi, “Palokutove lo. Nongu ye kushiye li pünaqhi ani kea? Li ye I lau jukivipu kümlà lakhi shivae.

Sumi Naga CL (Re-edited) Bible (BSI)

⁶ Ikemu Jisü no pi, “Li ghenguno alomsü kevilo. Nongu ye kushiye li pünaqhi ani kea? Li ye I lau jukivi kümla shive tsüae.

Mark 14:6 Mawu Ofanana

ISAIAH 54:17

Ikemu kiu ghunanu pinamu nongu ghuzamla nani; nongu ngukukemi kumtsu vilo nonguno ghechile kulupu shi nani. Ino iqemiqo susholuve nani eno tokulupu panoqo tsu nani.” AMPEU no pivae.

MATTHEW 26:10

Panonguno kiu piakeno Jisu no ithiae, ikehu panoqo vilo ishi pive “Nonguye kushiye totimi hipau punaqhi ani kya? Lino ighenguno jukighilepu lakhi shivetsuae.

Mark 14:5

Teli hipauye ghuka 2000 me shi jepuzu kumlhomi tsukepu shiake.” Panonguno atotiu tipau lomipi.

Mark 14:7

Kumlhomiye nongu gholo pulhapuju ache nani, eno kughokughomu nonguno pulo aye panoqo lau akivi kumla shilu nani. Ikemu niye pulhapuju nongu gholo ananike kumoe.

Apostolmi 9:36

Jopa lo akukutsu papeluvekemi totimi lakhi ae, lije ye Tabitha. (Grik tsalo li jeye Dorka, tipau kiqiye “Ashe”). Lino akivi kumla eno kumlhomi kimiye-kinilo no ado peveche.

2 Kor. 10:18

Kughengu timi lakhino pa likhi pa sheqhekeuye adouke ikemu Ampeu no sheqhekeu timi huye amekuapu ke.

2 Kor. 9:8

Alhou ye nonguno avehupu shi akeu eno tinguno alau ghi tsukulupu anike tishianguno nonguno kiu avehupu shinikeno tipau thwokha aghilupe eno akumla kivipu ghenguno lukumkhashi tsupeniyeke.

Ephesiami 2:10

Ninguye Alhou ghenguno mlakuqha chekeqoke, eno Khristo Jisu gholono akumla kivi shipeniye pano ningu lhoqhike, ningu pelo tipaqo shipeniye Alhou no puzuuno kutope qhiveke.

Kolosiami 1:10

Tishino nonguye Ampeu pulou lono ame kua kuxu xulu, pa lokiqipu shilu, akumla kivi kumtsulo athi pithilu eno Alhou kighithi alau shilu ishi nanike.

2 Thes. 2:17

amlo kuloghi pesu tsu eno nongu shikumto tsuno atsapi lona akumla lonamu akiviu shilu peniyeke.

1 Tim. 5:10

eno akumla kivi shichekeu ghenguno ajepipi cheghikemi, atianuli akivishi saputhu puaghikemi, inami sasukinimi, Alhou qemi pukhu qhutsuchekemi, shilukusami kuphu chekemi eno thwokhalo akumla kivi shichekemi shiaghi masae.

1 Tim. 6:18

Kinimiqo vilo akivipu shilopilo eno akumla kivi nibonilei shilopilo, kutami sasu kupukunoshi kusajeni keu kutope alo pilo.

2 Tim. 2:21

Timi khunono alhoksa inapugha keu launo mithelu nikeno avehu akhotopulo pa peithalu nani, kughengu paye akumla kivipulo peitha kulupushi pa Mpeu lau ikhipetsuve keu shi kutope anike.

2 Tim. 3:17

tishianguno Alhou qeu shiakemi pelo akumla kivipu kumtsu shitsashilu eno kupukulayilu peniyeke.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

Titus 2:7

No ampino thwokhalo akumla akughutha kivi shipuzu timi pelo oju pesu xupelo. Okukutsulo mutsumisheyi shilo eno mishisheyi shilo,

Titus 3:14

Nitimiqoye akumla kivipu lono ado peve nikeu ithi pelo eno kuchouno kuhakemi kuphukepu shipelo; eno panonguye avehu kuhakeu kuxu xukepu kumoe.

Titus 3:8

Hiye kuchou tsa lakhike. Niye opelo hipaqo pikichichi apenishike, tishianguno khunoqono Alhou pululuve akeno tipaqo pelo akumla kivilo amlo tsuqhiyi shipeniyeke. Hipaqoye timi ghenguno akivi eno avehupuke.

IBRIMI 10:24

Ninguye kisheno kimiyekileni eno akumla kivi shinikeno lakhino lakhi hakuthonike alokumsu shini nolo.

IBRIMI 13:21

pa pelo thwokha kivi jeli pesu nongu tsupuzu pa pulou shilupeniu, eno pano Jisu Khristo vechewo pa lokiqipushi nilolo shilupeniu; alhokupuju lono alhokupuju ghenguno pa lau akimthejekipi achepelo! Amen.

1 Peter 2:12

Alhou mthakemi gholo ghushoghili akivi shilo, tishianguno panonguno nongu vilo kusakugha kumlami kepi nguku aghinamu pano ighike Tsalalo panonguno nongu kumla kivi ithulu puzu Alhou akishe tsupe nike.