Mark 11:25 - BAIBEL (BSI)

²⁵ Kughou nonguno puthughono Alhou lau inikhuni keno, timi kutami shou mopikepu kiuala aghiaye ti qhivetsulo, tishianguno kungughalo nongu paPuh no nongu kipimi qhivetsu nani.

Sümi Tiqhelimi Bible

²⁵ Eno kughou nongu no puthugho püzü akighini shini keno, tsalá nono khuala lau akipimí aghí aye, panoqo kipimí qhive tsülo, tishianguno nongu Papù kungugha lo akeu hu no nongu xinéqo pevetsü nani ke.

Sumi Naga CL (Re-edited) Bible (BSI)

²⁵ Kughou nongu no akighini shiniye puthugho keno, khuana shou amlokiqi kumo aghi aye peve tsülo, tishikeu lono nongu Papu kungugha lo küau ghi nongu kipimi qhive tsü nani.”

Mark 11:25 Mawu Ofanana

ZEKHARIA 3:1

Kungunhetsu lono AMPEU no Achinetou Joshua ipiyeke. Tilehi Joshua phivilo Satan puthughono pa nguku keu tsa sughiniye kutope ake.

MATTHEW 5:23

Ike nono okumllagho pesu agho pitikeu-a lo Alhou mlla niye kuto ake lono othikuzumi lakhino oshou amlo kishi kumo akeu nono kumsulu aye,

MATTHEW 6:12

Kutamino nilau akipimi shikeu ninguno pevetsuke toi, ninguno oshou akipimi shikeu pevetsulo.

MATTHEW 6:5

“Nonguno kughou inikhu nikeno kuhakughami toi shi kepu kumoe, kughengu panonguye Sinagog chekulo eno alaghila phelo puthughono inikhuni keuno pano lokutu cheni, tishianguno timi pelo panoqo ithulupe niye tishi cheni. Kuchouno ino nongu vilo pini, panonguye panongu jume ithuluvae.

Luke 18:11

Farisimi huno pa kutashi puthughono ishi inikhu: ‘Alhou, ino oshikimthi akeuye kutami hutoi niye suxakulumi, kusakughami, salhashupumi kumoe. Momu zahme kuqhami hupau toi moe.

Luke 18:13

Ikemu zahme kuqhauye putou puthugho puzu pa gi ghi atsutsu kudau mu peqhemo, ikemu amlo ghimeshi pa mla khukhu ghi pi. ‘O Alhou, ikimiye tsulo niye axinemi lakhi!’ ”

Luke 6:37

Kutami shou kughathabe kevilo, eno Alhou no oshou kughatha bemo nani; kutami thave kevilo eno Alhou no othavemo nani; kutami xine pevetsulo eno Alhou no oxine pevetsu nani.

Ephesiami 4:32

Eno lakhino lakhi kimiyekile, amlo ighiqhiyi eno kuzakuzuyi shilo, eno Khristo gholo Alhou no nongu kipimi pevetsu ketoi nongu lakhino lakhi kipimi pevetsukilelo.

Kolosiami 3:13

Lakhino lakhi shou mopikepu aghikelo pinamu palokutovetsu eno akipimi pevetsukilelo. Ampeu no nongu kipimi qhivetsu ketoi nongu lakhino lakhi kipimi qhivetsukilelo.

James 2:13

Kughengu khunono timi kipimi pevetsumo nikeno Alhou no kughathakelo pa kipimi pevetsumo nani; tishimu akipimi qhivetsukeuno kughathabe keu shou tolu cheni.

Piyeküsü 11:4

Ashepemi hipamaye olivsubo kini eno akulu kibepu kini ayeghi Mpeu zulo puthugho achekeu huke.