Luke 9:48 - BAIBEL (BSI)

⁴⁸ eno panongu vilo pi: “Khunono ije lono itimi hipau ikhilu keno ni ikhilu anie, eno khunono ni ikhiluni keno ipuwu akeu ghi ikhilu ani. Kughengu nongu gholo khuuno akitilau keno pano akijeue.”

Sümi Tiqhelimi Bible

⁴⁸ Tisheno panongu vilo pi: “Khukhumu I je lono itimi hitoi keu sasüni keno ni sasü anie, eno khuno no ni ikhiluni keno I puwu akeu ikhilu ani. Kughengu nongu gholo khuu no akitilau keno pa no kümtsü nguno akijeu ke.”

Sumi Naga CL (Re-edited) Bible (BSI)

⁴⁸ eno panongu vilo pi, “Khukhumu I je lono itimi hitoi kemi ikhilu keu ye ni ikhilu ani, eno ni ikhilu keu ye khuu I puwu keno, Pa ikhilu ani. Kughengu nongu gholo khuu no aghulou keno, pa no akijeue.”

Luke 9:48 Mawu Ofanana

AHOLE 18:12

Khukhumu aqhokigheu shimoaye pa sumsa chemoe; qhezalaki kemiye shikupusa lalo cheni.

MATTHEW 18:10

“Nonguye muthamini hipaqo kititi gholo lakhimu jukunatha kepu kumoe, kughengu ino nongu vilo pini, kungughalo panongu wu kungumiye iPuh kungughalo akeu zulo pulhapuju achenike.

MATTHEW 18:14

Tihutoi kungughalo akeu nongu paPuh ye hipaqo kititi gholo lakhimu puhave penishimoe.

MATTHEW 19:28

Jisu no panoqo vilo pi, “Kuchouno ino nongu vilo pini, kughou Timi Nu no ighini chekeu yeghiqhalo pa kimthe-jukuvu lakhulo iqani keno, nongu ipapechekemiqo ghi alakhu chighikinilo iqa puzu Israil shiayeh chighikini shou kughathakeu shi nani.

MATTHEW 25:40

Akukau huno ishi panoqo khochile nani, ‘Kuchouno ino nongu vilo pini, nonguno ithikuzumi hipaqo gholo akitilau lau kiu shitsu keno nonguye ilau shitsuake.’ ”

MATTHEW 25:45

Tileno panoqo vilo pano ishipi nani,’Kuchouno ino nongu vilo pini, nonguno hipaqo gholo akitilau lau shitsumovekeu hu, nonguye ti ilau shitsumoveke.’

Mark 9:37

“Khunono ijelono itimi hitoi keqo lakhimu sasuthini keno isasuthi ani; eno khunono isasuthi ani keno, ilikhi kumono, ipuwu akeu ghi sasu thi ani.”

Luke 10:16

Jisu no pa khopemi vilo pi, “Khuno nongu tsa chiluni keno itsa chilu anie, eno khuno nongu miliveni keno imilive ani eno khuno imiliveni keno ipuwukeu milive anie.”

Luke 14:11

Kughengu khuno pa likhi pa pesu kije shi cheni keno aqhokigheu shivepe nani eno khuno alikhi apesu chuninei nikeno kije shivetsu nani.”

Luke 22:26

Ikemu nonguye tishimo nani; ti kumo puzu, nongu gholo akijeuno aghulou toi masae, eno sakipheuno aqeu toive masae.

Luke 22:30

Nonguye ikukaqhalo igholo kumtsa chusho nani, eno nonguno akuka lakhulo iqano Israil lagha chighi kini shou ayehpe nani.”

Luke 7:28

Ino nongu vilo pi ani, totimino punukemi gholo Johan nguno akijeu kuhae; ikemu Alhou yehkipe qholoye aghulou shiaghikeu mu Johan nguno akijeue.”

John 13:20

Kuchouno ino nongu vilo pini, khunono ino puwukemi ikhilu nikeno paye ni ikhilu ani, eno khunono ni ikhilu ani keno paye ipuwuakeu ikhilu anie.”

John 14:21

Khunono ino ahza tsukeu ikhiluni eno tipaqo peluni keno timi tipauno ikimiye cheni. Khunono ikimiye chenikeno iPuno pa kimiye nani, eno nighi pa kimiye nani eno ilikhi ino pa pephe piye nani.”

1 Thes. 4:8

Tighenguno khunono akukutsutsa hipau ikhilumoni keno paye timi milive anike kumoe ikemu Alhou, pa Ghungu Kimthe nongu tsukeu hu milive anike.

1 Peter 5:6

Tighenguno Alhou kumto uqholo nonguye akuchunimi shilo, tishianguno pano pa do kivi lono osunheqhe nanike.

Piyeküsü 21:14

Aphughi puwupe akeu huye atuqu chighikini shouno shipukupe puae, atuqu tipaqo shou Bheriti wu apostolmi chighikini je yepukupe puake.

Piyeküsü 3:21

Khunono theqhikulushi toluni keno ino theqhi kulushi toluve puzu iPu gholo pa kuka lakhulo iqalu ketoi, ikuka lakhulo igholo iqalupe nani.