Luke 22:18 - BAIBEL (BSI)

¹⁸ Kughengu ino nongu vilo pini, hinguno hilauye niye atsayiji hipau Alhou yehkipe ighimo ke kutolo shomae.”

Sümi Tiqhelimi Bible

¹⁸ Kughengu I no nongu vilo pìní, Alhou kükaphu ighimo ke kutólo ni ye atsaithi lono atsaizü ipeghi keu sholumae.”

Sumi Naga CL (Re-edited) Bible (BSI)

¹⁸ Kughengu I no nongu vilo pi anike hinguno hilau ye Alhou yekipe ighi moke kutolo ni ye khilemu atsaibo lo pekighi zü yekithe moae.”

Luke 22:18 Mawu Ofanana

LESHELE 104:15

atsayiji mlaphe pesu pa lokivishi lupe, pa zupuvu tsunike oliv teli ipeghi; akumto pa tsuni kepu asho mlaphelupeke.

ALE KIMCHI 5:1

Imlokuchuu, iwu kulaliu, niye ighutulo iloghiluvae. Niye vekuju mukhu ngo musughuta pekutsu ani; niye akhingozu ngo akhi kutsu chu ani. Niye atsayiji ngo akichhizu ye ani! Akusamiqo, kikimiye shomzumoke kutolo chu-sho alo!

ISAIAH 25:6

Hi Zion toghilo Aqokitikhi MPEU no ayeghiqhalo ashiayeh kumtsu ghenguno aghulhu lakhi kuto nani, tiye achuqupu kiviu eno atsayiji akiqheu.

ISAIAH 55:1

AMPEU no pi, “Khunoqono tughuthi anikeno, ighilo, Azu hilau anike! Ighilo, nongu pisa kuhakeqo, athi qhupesu chulo! Ighilo! atsayi ji ngo akichhizu qhululo, noye ame kiumu tsumo nanike!

DANIEL 2:44

Panoqono akukau shi ake ghuloki lono kungulo kukau Alhou no akukaqha lakhi shi nani, tipau khilemu puhavemla nani. Ikemu pano kutami kukami kumtsu puhave tsu nani eno pa kukano ashekha kuha acheuve nani.

ZEKHARIA 9:15

Aqokitikhi MPEU no pawu timi susho nani, panonguno aghumi kutsaleve nani. Panonguno shomkuzumi toi aghushi akelo igha nani eno pano ghumiqo ji pele nani; Tiye akumllagho khachelo akhu lono aghashikeu ji pelekelo toi tipaqo ji qowu nani.

ZEKHARIA 9:17

Ayeghiye kiutoi jukighilepu eno akivipu shive nani kela! Tipaulo ipeghi keu xatsuni eno atsayijino lhothemiye choshiyi thuwulu nani.

MATTHEW 16:18

Ike ino ovilo pini, noye Pitor ke eno atuqu eno atuqu hipau shou ino ikukuhou shipukuni, eno akithi ghime kuka pimu tipau shou tokulu shimla nani.

MATTHEW 26:29

Ino nongu vilo pini, iPuh Yehkipe qholono nongu sasu ino hipau anileshi shomoke tsala kutolo, niye khilemu itaghi hipau tsayiji shomo nani.”

Mark 14:23

Tisheno, pano ajukhu ikhilu eno Alhou shikimithitsu, eno ti ikhipuwo panoqo tsu, panongu kumtsu tipaulo akeu sho.

Mark 14:25

Kuchouno ino nongu vilo pini, Alhou yehkipe lono atsayiji akitheshi shonike tsala kutolo niye itaghi khilemu hi shomo nani.”

Mark 15:23

Tilehi panonguno akukhu-zu pesu aji lo lekite puzu pa tsu, ikemu Jisu no shotsumoe.

Mark 9:1

Jisu no panoqo vilo pi: “Kucho-kuchono ino nongu vilo pini, hilehi puthugho akemi gholo khamiye Alhou yehkipe akuka kumto ighikeu ithumlake kutolo thimo nani.”

Luke 21:31

Tihutoi, kughono hipaqo shi ipeghikeu nonguno ithulu nikeno Alhou yehkipeye kupunuva ipi nonguno ithi nani.

Luke 22:16

Kughengu ino nongu vilo pini, Alhou yehkipelo hipau kiqi kupuve mphi kutoloye niye hipau khilemu chumae.”

Luke 9:27

Ikemu ino kuchouno nongu vilo pini, hile puthugho akemi gholo khamiye Alhou yehkipe ithulu mphilo panonguye akithi michemo nani.”

Kolosiami 1:13

Kughengu pano akuzuno qhasupe akeu lono ningu xapheluke eno Anu pano qhuyivulai chekeu yehkipe qholo ningu sasu ighike,

XAKUTHAMI 9:13

Ikemu atsayikighibo ghi hitoi khochileve, ‘Nongu kukau shiniyeno niye atsayiji khikhi alhouqo eno timino yepuzu alovi chenikeno tipau ipekighi lakhave mlae.’