Luke 21:19 - BAIBEL (BSI)

¹⁹ Mutotoi tsuqupelo, kughengu ishikeu lono nolikhi no-xalu nani.”

Sümi Tiqhelimi Bible

¹⁹ Mtotoi puthugho lo, eno no ye kuchou küxü ithulu nani.

Sumi Naga CL (Re-edited) Bible (BSI)

¹⁹ Nongu no kutuu puqhelu keu lono nongu ye aküxü achili shilu nani.

Luke 21:19 Mawu Ofanana

LESHELE 37:7

AMPEU pelo shitsupe nike kheakulu shi pa ngokhelo; Alikhi ashelo heshelu momu alhoksa kukughulo toluchekemi jupesu omlo kutakihi kevilo.

LESHELE 40:1

Ino kheakulushi AMPEU kukuphu khe ani; Pano ilau kughopuwono ighugha chilutsu cheni.

HABAKUK 3:16

Ino hipau kumtsu chilu eno musa khokhoshi; akumsa lono imtsuno lalashi itha. Iphimpino inaiveke, eno ipukhuno aqhou kudauno kupuxaluveke. Alhou no ni leighikemiqo ghimeqhike ghuloki ighinikeu niye inaqhoi khe anani.

MATTHEW 10:22

Ije ghenguno timi kumtsuno nongu mithi nani. Ikemu timi khunono ashekha kutolo kutu-u khealu nikeno tipano xalu nani.

MATTHEW 24:13

Ikemu timi khunono ashekha kutolo tsuqupe aghini keno tipano xaluve nani.

Luke 8:15

Ayeghi kivilo apiti vesu lukeuye khunoqono atsa chilu eno aghokulu ngo amlo kivi xapusu kutuuno ikhilu keu lono athi pithi peghilu cheni.

Rommi 15:4

Tighenguno puzuu kuchoyesulo khijehi yepuani keno ningu shikapenike yepuani, tishianguno kuchoyesulo kheakulu eno shikumtokile akeu ningu tsukeu vechewo ningu pelo lajupu apeniyeke.

Rommi 2:7

Khunoqono kheakulushi akivi kumla shi puzu sheqhekepu, agigihupu eno thive chemokeu phucheghini keno Alhou no lhokta kuxu tsu nani.

Rommi 5:3

Tinguno alauno ningu wu shilukusaqo lomu alokvishi acheni,kughengu nino ithi akeuno shiluksano kutuukulushi theqhilukeu iqiphe cheni,

Rommi 5:4

kutuukulushi theqhilukeu huno athicho iqiphe cheni, eno athichono lajupu iqiphe cheni.

Rommi 8:25

Ikemu ninguno kiu ithumla aphikeno tipau laju ani aye, theqhi kulushi ninguno ti khe acheni.

1 Thes. 1:3

Nonguno akupulu kumla shikeu, kikimiye eno ghichhe ghime shikeu ningu Mpeu Jisu Khristo lau lakuju mutotoi akeuhu ningu paPuh Alhou zulo ninguno kumsulutsu acheni.

2 Thes. 3:5

Alhou kikimiye eno Khristo no kutu-ukulu tsukeulo Ampeu pelo nongu sawu peniu.

IBRIMI 10:36

Nonguno Alhou pulou shilu kepushi eno pano piqhipuakeu ithulu kepushi nonguye kutuu keu avehupu shiani.

IBRIMI 6:11

Nino kumsupulo akeuye nongu lakhi khino ashekha kutolo azukinishi apenishi ani, tishianguno nonguno laju achekeu hu kumtsu mutsuqheyi shilupenike.

IBRIMI 6:15

Ike Abraham ye kutuuno kheakulushi puzu Alhou no piqhive keu hu ithuluke.

James 1:3

kughengu nongu kupulu pejukeu lono tsaqutsaleyi keu ipeghi chenikepi nonguno ithi ani.

James 1:4

Ikemu tsaqutsaleyi keuno ala kupujulo nongu sasu chepelo, tishianguno nonguye kiulomu kupumove mono viwotolu eno kupukulu shilupenike.

2 Peter 1:6

akighithi shou alikhi aghasu kulu pesu veqabelo; alikhi aghasu kulu shou kushuwa puqhekulu pesu veqabelo; kushuwa puqhekulu shou Alhou lau amlo tsuqhiyikeu pesu veqabelo;

Piyeküsü 1:9

Ni Johan ye nongu thikuzuu ke, eno Jisu papemi lakhi kehu Alhou yehkipe laumino kutuughi shilukusa puqhe akeulo nighi nongu sasu kusaje chekemike. Ino Alhou tsape shikeu eno Jisu shepe shikeu ghenguno Patmos zudoyeghilo ikughape qhiveke.

Piyeküsü 13:10

Khuno kughaluvepe kepushi akeno mutsuqheyino kughaluve nani; azutano khuno ghiqhive kepu shi akeno mutsuqheyino ghiqhive nani. Hiye Alhou wu timiqo ghenguno kutuulu eno akupulu shiape nikepu ghulokike.

Piyeküsü 14:12

Hiye Akimthemi, khunoqono Alhou zahkutsu pelu cheni keno eno Jisu lau akupulu shi acheni keno tipaqono kutuu lupeni ke ghenguno piakeu lakhike.

Piyeküsü 3:10

Kutuu khelulo pi ino ahzatsukeu nono peluke ghenguno nighi shilukusa tuqhudo lono ayeghiqha shou akemi pejuniye akeu launo oxapheluve nani.