Luke 15:29 - BAIBEL (BSI)

²⁹ Pano papuh khochile, ‘Julepi aqemi lakhi toi niye ampe hijejehi mla ighivea eno ghuthu lakhimu nono ahza tsukeu hebide mphi. Iwu shompami sasu kuchukusho shikepu noye ane lakhimu khileno itsu akya?

Sümi Tiqhelimi Bible

²⁹ Ikemu pa no ishi papù khochile, ‘Julo! Ni ye ampe hijejehi aqemi lakhi toi O qe ighi eno khilemu O zakütsüqo hebide chemoe. Tishimu no ye khilemu I pelo I küsàmiqo gholo alokivi ghulhu shilu penike aneti lakhimu pesü I tsümoe.

Sumi Naga CL (Re-edited) Bible (BSI)

²⁹ ikemu pa no papu vilo pi, ‘Julepi, ni ye ampe hijejehi o huthu ighiva, eno ni ye khilemu o zakütsü hebide mphi, ikeghi I küsami sasü alokivi shi aghulhu shilu penike no ye aneti mu khilemu I tsüju mphie.

Luke 15:29 Mawu Ofanana

ISAIAH 65:5

Tileno panonguno kutami viloye, ‘Nilauno putosuluvelo; ninguye akimtheke nidilunosake!’ ipi cheni. Niye titoikemi juamla, iloghuye tipaqo shou ami kuiqu toi acheni.

ZEKHARIA 7:3

achinemi ngo tungkupmi vilo hipau vehu iniju peniyeke: “Achineki kutsalevekeu ghenguno ninguno ampe kushuwa kutolo aqhi apunguulo kumvu chekeu toi ninguye tishi mloqa achekepu keo mokya?”

MALAKI 3:14

Nonguno ishi pike, ‘Alhou qeakepu avehupu kuhae. Kiu vehupu ani kepi pano pikeu shiani kya? momu nino kiu mlapuani keno tipau ghenguno amlo sakeu pesu kushiye Aqokitikhi MPEU piye ani kya?

MATTHEW 20:12

ishipi, ‘Timi hi atikhashi hughi kemiqoye asuchedo lakhi likhi mla, eno ninguye atsala kupuju aghimeshi eno tsukinheno phuqhi mla akeghi nono panongu tsuke qhemi ningu tsue!’

Luke 15:28

Akichiuye aloghu ideno akilo ghi ilomo piauve; tishikehu apuhno khalau ipeghi eno pa vilo alou iloghilo pi qhuiniju.

Luke 15:30

Ikemu onu hipauye omheghi kumtsu kutuqhalimi launo kilhekulhuve eno kughono pano akilo ide ighi keno nono amshiti athakupuu pa ghenguno heqhie!’

Luke 15:7

Titoi, ino nongu vilo piani, kungughalo amikuchomi lhotoku toku khunoqo xukikithe avehupu shimokemi shou alokivi akeu nguno alauno axinemi lakhi xukithe ighilukeulo alokivi alau anie.”

Luke 17:10

Titoi, nongu vilo ahza tsukeu kumtsu shivekethiu nongu ghi ishi pikepue, “Ninguye amekukuha qemiqo ke, ni kumlapu saje likhi shi aphi.”

Luke 18:9

Itaghi Jisu no pikeu holetsa lakhi hi ani. Hiye timi khunoqono pano mlolo panoye mzuchoi xuchekemi pi kumsu puzu kutami thaigha cheni keno tipaqo lau pike.

Luke 19:21

Noye tsatsaikemi kehu niye omsaveke. Noye owu kumoamu lucheni, eno nono shosu mo-amu xolu chenike.’

Rommi 10:3

Alhou no timi pelo pa lau achipikalu pekeu lah panonguno jukumghaleyive puzu pano likhi pano chipiu shipe qhinikeu phuauve ikehu Alhou no timi pelo pa lau achipikalukeu lahlo panoqono chemove.

Rommi 3:20

Kughengu Ayezah vechewo timi pelo paye axine shivaepi ithipe cheni kethono, Ayezahlo shilo pi puakeu shilukeu lono timi khumu Alhou zulo achipi kalukeu shimlae.

Rommi 3:27

Tishi aye tile kiu qheza kepu ani kya? Kiumu kihi akepu kuhae! Kiu kiqi lono? Timino Ayezah papelukeu kiqi lono kesha? Moe, akupulu akeu kiqi lono ke.

Rommi 7:9

Ayezah kuha kelo ghuthu lakhi niye xu acheke, ikemu kughou ahza kutsu hu ighive keno, axine puxuvetsu eno niye thikepu shive.

Piyeküsü 2:17

Khunono akini puani keno, Aghungu no akukuhouqo lau piakeu chilu pelo! Khunono theqhikulushi toluni keno manna kusupe puakeu hami ino tsu nani; eno metsughoikeu tu lakhi ino milakhikhi tsu nani eno tipau shou ajekithe lakhi yepuku puani, atu tipau ithulukemino kumoaye kutami khunomu aje tipau ithimo nani.”

Piyeküsü 3:17

Nono ishi picheni, ‘Niye kinikuluke eno nibonileivae, niye kiumu avehupu shiamoe.’ Ikemu noye kiutoi itamujui kimiye kepushi anikeno noye muthano ani. Noye aqu-aghashi anhethi iche eno aphi kumsa ngo anie.