Luke 12:56 - BAIBEL (BSI)

⁵⁶ Kuhakughaqo! Nonguye atsutsu eno ayeghi ju puzu tile kiu shi ani keno pilu cheni, kushiye hipau tuqhu ghulokiye kiu kela nonguye mtha kya?”

Sümi Tiqhelimi Bible

⁵⁶ Kühaküghaqo! Nongu ye atsütsǘ eno ayeghi zümlhü ipeghi akeu ghili kíshi pìní keno ithi anie. Tishiaye nongu ye kíshi no hipau do ghuloki ghili pebide nikeu mthave kea?

Sumi Naga CL (Re-edited) Bible (BSI)

⁵⁶ Nongu keghilishi keqo! Nongu ye kishi ayeghi eno atsütsü jupe azümülhü ghili hepho kepu keno ithi ani, ikemu kishino nongu ye itodolo do-aghuloki vehu ye hephoni keu mthave kea?

Luke 12:56 Mawu Ofanana

HAGAYI 2:7

Ino ashiayehqo kumtsu kusuleve nani eno panoqo wu kinikuluye hile peighi nani eno Achinekiye akinino chhitoive nani.

MALAKI 3:1

Aqokitikhi MPEU no khochiletsu ani, “Ighenguno alaghi kutope nike ino ighinikishiu puwu nani. Tileno nonguno huqheju akeu MPEU ye zuleleno pa chinekilo ighi nani. Nonguno junishiqhiyi achekeu ghinikishiuno ighi nani eno iw puloshoqhi pesu asheshu nani.”

MALAKI 4:2

Ikemu nongu igholu chekemi ghenguye iwu xakulupu kukano tsukinhe toi nongu shou ikughi nani eno tsukinhe kuvuno yekeshi shikipivi sughi nani. Nonguye amshiti aki lono khalau pipe kelo toi ililai eno alokivishive nani.

MATTHEW 11:25

Tipau tuqhulo Jisu no ishi pi, “O Apuo, kungugha eno ayeghi shou Ampeu, ino oshikimthi ani, kughengu nono alokutsumi eno ithikuthuluve kemi launo hipaqo vehu kusupe qhive eno kumthami lau pephepiyeke.

MATTHEW 16:3

Inaqhe nonguno, ‘Atsutsuye huchuino zuchiyi anikeke ishiye pasapagha tsala shini chenie’ ipi cheni. Nonguye atsutsulo ju puzu atsalaye kiu toi nani kela pilu cheni, ikemu nonguye hipa ghulokilo amchipuqo kiqimlae!

MATTHEW 6:2

“Ikehu kughou timino kiuala avehupu shi aghikelo nono tsu keu pesu ojekipi shikevilo, tiye kuhakughamino Sinagog lo eno alaghila lono tishi cheni, tiye timi pelo panoqo sheqhe peniyeke. Kuchouno ino nongu vilo pini, panonguye pano jume ithuluvae.

Galatiami 4:4

Ikemu kughou ado kupukulai ighivekeno Alhou no pa Nu puwu, totimi pelo punupe, Judami yezah qholo xupe,