Luke 12:14 - BAIBEL (BSI)

¹⁴ Jisu no pa vilo pi, “Timio, khuno ipelo okujo dolo amheghi kikijeu eno kughakuthau shipe kya?”

Sümi Tiqhelimi Bible

¹⁴ Jisü no khochile, “O timio, khuu no I pelo nokujo dolo küghaküthau momu aküpüna xaküthau shipe nike süküsü shi kea?”

Sumi Naga CL (Re-edited) Bible (BSI)

¹⁴ Ikemu Jisü no pa vilo pi, “O timi, noghi lae, khuu no I pesü nokujo dolo xaküthau momu kikijeu shitsü kea?”

Luke 12:14 Mawu Ofanana

IPEKULU 2:14

Timi hunopi, “Khuuno opelo ayehkipeu eno kugha kuthau shipe kya? Nono Ijipmi heqhive ketoi noye nighi iheqhive niye ani kesha?” ipi pa khochile. Ikelo Muse ye musaveno ishi kumsuve, “Ino kiu shiveakeno timino ithivea kena!”

MICAH 6:8

Moe, kiuno akivipu keno AMPEU no nivilo pivae. Pano ningu lau lunishi akeuye hike: kiuno achipi keno tipau shinikeu lhokta kikimiye piyenikeu, eno ni Lhou sasu aqhokigheu lono kuposhupe xu acheni keuke.

Luke 12:13

Aqokitikhi gholo timi lakhino Jisu vilo pi, “Kutsuchekeu, ithikuzuu pelo amheghi isasu kusaje penike pitsulo.”

Luke 22:58

Ado kitila thiu timi lakhino pa ithuluno pi, “Noghi panongu gholo lakhike lae!” Ikemu Pitor no khochile: “Timi ghi, niye khilemu kumoe.”

Luke 5:20

Kughou Jisu no panongu kupulu kije akeu ithulu keno timi vilo pi: “Timio, oxine qhive tsuae.”

John 6:15

Timiqono ighi puzu pa pesu tsumomo akukau shipeniye akeu Jisu no vethaluve, ikehu itaghi paye pa likhi chesu naghuto kudau wuve.

John 8:11

“Akijeu, khumu kuhavae” ipi lino khochile. Tileno Jisu no pi, “Imaye nighi akipimi otsumoe. Wovelo eno axine shikithe kevilo.”

Rommi 2:1

Tighenguno o timi, no-khuu keno kutami shou kughatha be kulupu kya? noye jekujeli kiumu pikulupu kuhae. Kughengu nono kutami shou kughakutha be aye olikhi okileqhive ani.

Rommi 2:3

Ikemu o timi, no-ampi ghi hikithipu shiche keghi noye kutami shou tipau ghenguno kughatha keu becheni kya? Noye Alhou wu kughakutha lono polu nani kughashi ani kesha?

Rommi 9:20

Ikemu no khuu keno, timi lakhi kenoku-u Alhou ghechile ani kya? Ayeghino shikeu li lakhiye ti koghekughu shiphekeu vilo, “Noye kushiye hitoi ikughuphe kya?” ipi iniju chemoe.