LESHELE 127:2 - BAIBEL (BSI)

² Xu anike ghenguno aka-aghashi mla anikepi itheno ithuve eno munu zu ishikeu adouke, eno ichhe-ime mlakeu lono achuqupu chu ishikeu adouke; kughengu AMPEU no pano kimiye kemi pelo zuhukulupu tsucheni.

Sumi Naga CL (Re-edited) Bible (BSI)

² Nono inaqhe itheno ithuve eno munu akulhoqhi no ghichheghime shi mlakeu lono chusho akeu ye adou ke; kughengu Pa no qhuivü kemi pelo zühu lupe cheni.

LESHELE 127:2 Mawu Ofanana

JOB 11:18

Lajupu ani kehu noye mutsuqhei xulu nani, Alhou no osusho pesu noye akulho qhilu nani.

LESHELE 3:5

Ino ihozuve, zuhuve eno ida thughive, kughengu AMPEU no imutupeke.

LESHELE 4:8

Ino ihozukelo niye iquneyi zuhulu cheni; O AMPEU olikhino ishipusu pemono xulu chenipeke.

LESHELE 60:5

Okuka kumto pesu nixalulo, nono kimiyechekemi xapheluve penike ni kighini khochile tsulo.

AHOLE 10:22

AMPEU kukumghano noye kinikulu shilupe cheni; aka-agha shi mlakeuno opelo kinimi alau shilupeni chemoe.

YETSAPIU 1:14

Ayeghilo shiakeu kumtsu ino ithulu khaveno ino piani, hi kumtsu adouke. Hiye amlhu kugha hajukeu toike.

YETSAPIU 4:8

Timi lakhiye pa likhi acheni, paye anu mu athikuzumi mu kuhae ikeghi pulhapuju ime mla acheni eno pa kinikululo aghakiqi khilemu kuhae. Paye khuu ghenguno tishi ime mla acheni eno pa likhi pa lokughuno shi nikeu miliveno acheni kya? Highi adouke eno xuakelo akijikusa pu lakhie.

YETSAPIU 5:12

Akumla kishimi lakhiye pano chukumkha aghiluvi momu chuzulakeu shi aghiluvi ikemu paye putholo akivishi zuhulu cheni. Kinimi lakhiye kupukuno shi ani kemu pa mlo kutakihi kelauno zuhumlano auve cheni.

YETSAPIU 6:7

Timi lakhino akumla shichekeuye chukepu hami ithulu niyeke, ikemu paye khilemu lukumkhashi chemoe.

JEREMIYA 31:26

Tishikeuno timiqo no ishi pinani, “Ino zuhuve puzu idathughi kelo aloponyivae.”

EZEKEL 34:25

Panoqo pelo ithapemo nikeu shi ino panoqo sasu puloshoqhi lakhi shi nani. Aghakhulo akumsapu lhoxu kumtsu ino hapupovetsu nani tishianguno iwu bheriqoye aluzalo sushokulushi xulu nani eno aghasalo zulu nani.