LESHELE 127:1 - BAIBEL (BSI)

¹ AMPEU no aki shiqhepuku tsumo aye aki kishimi ju kupuka adou; AMPEU no aphughi susho tsumo aye, aghukheuno kheakeu adouke.

Sumi Naga CL (Re-edited) Bible (BSI)

¹ Ampeu no aki shiqhe tsümo aye, aki kishimi no aghime shi aju püka akeu ye adoue. Ampeu no mishighüna khekuto tsümo aye, aghukheu no khekuto akeu ye adoue.

LESHELE 127:1 Mawu Ofanana

KUKAMI ATUGHIU 5:12

AMPEU no pa shoqhi shikeu kiqi lono alokutsu pesu Solomon pama dolo kulakishi shilu eno pama kuqhano pulokuqhakeu yezah mlalu.

YEKIKITHI ATUGHIU 28:10

Noye AMPEU no pa kimthea Achineki nono shilu nani pi okishelu keu kumsululo. Itehi akumla huthuvelo eno okimiji phemono mla thuvelo.”

YEKIKITHI ATUGHIU 28:20

Akukau David no panu Solomon vilo pi, “Amlo kumto shilulo eno pukhubelulo. Akumlaqo huthuvelo eno kiu nomu ovekhape kevilo. AMPEU Alhou khuu ino huthu cheni keno pano ogholo apeni. Paye okumsumavemo nani, ikemu nono pawu Achineki shiqhi moke kutolo pano osasu anani.

YEKIKITHI ATUGHIU 29:19

Inu Solomon pelo ozah kutsu amlo kuchopu pesu peluno ino kutope qhipuatsu keu nhemgha pesu Achineki shilupe kepushi pa kumgha tsulo.”

LESHELE 120:1

Ino shiluksa shiakelo niye AMPEU kue, eno pano ikhochile tsu.

LESHELE 121:1

Niye naghutolo jupukuni, tikudauno ikukuphu ighi chenike.

LESHELE 122:1

Kughono panonguno ivilo, “Ningu AMPEU kilo wuni nolo,” ipikeno niye alovive.

LESHELE 123:1

AMPEU, nono kungugha lo ayehpe akeu kudau ino jupuku ani.

LESHELE 124:1

AMPEU no nikudau kuhake aye kishini chekela? khochile Julo, O Israil!

LESHELE 125:1

Khunono AMPEU pukhu cheni keno panoye Zion Toghi toike, tiye khilemu sukughu thamlae, khilemu ithamlake.

LESHELE 126:1

Kughou AMPEU no Jerusalem lo ni sachile saighi keno tiye asamo lakhi toike!

LESHELE 72:1

O Alhou, akukau pelo ami kucho lono kughatha peni keu shikalo; Ochipiu xakutha pesu pa sasu kusajelo,

LESHELE 78:69

Tilehino kungughalo paki akeu toi pa chineki shike; ayeghi hutoi pano tipau shikumtope qhike eno pulhapujulo mutotoi shikumto pe qhike.

AHOLE 16:9

Nono akukughu shipuaghiluvi ikemu Alhou no okumla kughutha kichetsu cheni.

YETSAPIU 9:11

Avehu kutau ino phupe puani, ike ayeghi hipaulo muthuthei pothikemiye pulhapuju tokulu shilu chemoe eno amlo kuloghimiye pulhapujulo aghukishilo tokulu shi chemoe. Alokutsumi qoye pulhapujulo xulu chemoe, be-lhochu achemoe, aqho kutsughamiye pulhapujulo kinimi shiluchemoe, eno phui thaikemiye pulhapujulo akuxu kuchuqulo ikulu chemoe. Angukusano kumtsu lau ighi cheni.

ALE KIMCHI 3:3

Aphughilo iqhoiqi khechekemino ijuthuluve. Ino panoqo vilo iniju, “Nonguye ilomi ithulukeo mokya?”

ALE KIMCHI 5:7

Aphughi khechekemino ijuthuluve; panonguno iheqhi eno ighuzave; Aphughi putukeulo aghukhumino ikutsu kunha pewuvetsu.

ISAIAH 27:3

“Ino tamono hipau jukuto eno azu suacheni. Ino putho pucho hipau khekuto acheni, tishianguno khunomu hipau shipusa pemoniyeke.

ISAIAH 56:10

Pano pi, “Sakiphemiye iw timiqo kutughu kepushi akelauye panonguye anhethi kighichemike! Panonguye kiumu mthake. Panonguye akikhe tsuno ighamoveke toike, panonguye ihozu puzu asamo pumoke likhike. Panonguye zuanikeu kimiyeke!

ISAIAH 62:6

Jerusalem, oliwolo ino aghukhemi qhipuani; panonguye putho pucho khilemu inaqhoi kepu kumoe. Panonguye AMPEU vilo pano piqhi puakeqo pesu pikichichi akepu eno pa pelo khilemu panoqo kumsumavepe kevilo.

JEREMIYA 51:12

Babilon putupuakeu lepenike amichi kihipiyelo. Aghukhemi iqhi kithelo! Alakhemi qhiwolo! Timiqo pesu kughutshupe qhilo!” AMPEU no pano Babilon lo akemi lau kiu shinikeu shi pipua keno shitsu anike.

JEREMIYA 51:31

Aghinikishimi lakhino lakhi papesu Babilon kukau vilo pa phughiye aqha kumtsu lono kubole iloghivekeu pinike posu wuke.

1 Kor. 15:14

eno akithi lono Khristo xuputhu puamo aye ninguye kiumu asheshu akepu kuha eno nongu ghi kiumu puluakepu kuhae.

1 Kor. 3:7

Ikehu shosukeu pina azu pusukeu pinamu akhoto kumoe ikemu Alhou likhino akhoto ke, kughengu pano abo thuwulupeke.

Galatiami 4:11

Ino nongu gholo aghimeshi mlachekeu adou shivea keshelapi niye msa ani.

ZAKINIU 8:18

AMPEU nongu Lhou no nongu pelo kinimi shilu penike akuka tsuke pi kumsulu achelo. Pano hipau shikeuye paye nongu puasuqo sasu puloshoqhi shikeu ishi tsala kutolo amikucho shi pe acheni ke.

JOSHUA 2:2

Jerikho lo akukauno Israilmi khami tipa jih pa yeghilo ighikepi chiluve.