KUKAMI AKINIU 9:1 - BAIBEL (BSI)

¹ Tipathiu tungkupuu Elisha no lhothemi tungkupu gholo milakhi kuluno pa vilo ishi pi, “Aghili kutono Ramot-Giled lo wulo. Hi oliv teli sukeu bohu pesu wulo,

Sumi Naga CL (Re-edited) Bible (BSI)

¹ Elisha no tungkupmi loji lo lakhi kuno pa vilo pi, “Aphimini akivishi pepusü thazü külabo hipau pesü Ramoth-gilead lo wulo.

KUKAMI AKINIU 9:1 Mawu Ofanana

KUKAMI ATUGHIU 1:39

Tileno Zadok achineu no Oliv teli supuakeu bohu Aphiki lono ikhipheluno pesu Solomon nukisheluve. Tishino panonguno afuko igha; eno timi kumtsuno pi, “Akukau Solomon axupushulu pelo!”

KUKAMI ATUGHIU 18:46

AMPEU kuka Elija shou ighi; pano paphi pesu pa chita khathapuluveno Ahab zuuno posu Jezreel lo wuve.

KUKAMI ATUGHIU 19:16

Nimshi nu Jehu pelo Israilmi kukau shiluve penike nukisheluvelo eno Shafat nu Elisha, Abel Mehola lono ighikeu pelono oshelo tungkupu shilu penike nukisheluvelo.

KUKAMI ATUGHIU 20:35

AMPEU zahkutsu lono tungkupumi gholo lakhino pa kusau vilo pa heqhilo pike. Ikemu pano tishimove,

KUKAMI ATUGHIU 22:20

AMPEU no iniju ani, ‘Khuuno Ahab pishiqhilu nani kya papelo wuno Ramot lono thive pe kepushi?’ Kungumi khamino kiuana piaye amqo lakhino pano kutashi pi ishi ae,

KUKAMI ATUGHIU 22:4

Tileno Ahab no Jehoshafat iniju, “Noye isasu wuno Ramot lewumokesha?” “Nono kutolu kemtsa nighi wunike kuto ani iwu ghushimi eno khurshi ghushimi ghi wunike kuto ani.

KUKAMI AKINIU 2:15

Jerikho lono ighikemi tungkupumi no pa ithuluno pi, “Elija wu akuka Elisha shou ikughiluvae!” Panonguno pa sasu kushonike wuve eno pa zulo pishiqhotsuno

KUKAMI AKINIU 2:3

Bethel lo akemi tungkupumi aloji lakhino ipeghino Elisha vilo ishi iniju, “AMPEU no olauno ishino ompeu Elija sasu wuveni chenike noye ithi anima?” Elisha no khochile, “Niye ithi ani, ikemu ningu tipatsaye kughamono aghini”

KUKAMI AKINIU 2:5

Jerikho lo achekemi tungkupumi aloji lakhino Elisha lau ighino iniju, “AMPEU no ishino olauno ompeu Elija sasu wuveniye akeu noye ithi anima?” Elisha no khochile, “Niye ti ithi ani, ikemu ningu tipau ghiliye kughamono aghinie.”

KUKAMI AKINIU 2:7

tungkupumi pano lhopungu ghi Jordan kutolo pama papesu kumtsa wuve. Elija ngo Elisha pama ye Jordan lo ngove ipuzu tungkupumi lhopunguye putouno pishipuwo pama jughi puthugho a.

KUKAMI AKINIU 4:1

Tungkupumi gholo milakhi nipu achimeu no Elisha lau wuno pi, “Akijeu, ikimi thivae! Nono ithi anike paye Alhou sukumsami lakhi ikemu pano timi lakhi pih puakeu huno ighipuzu ikimi pih tsumla aye inu hipama aqemi shipenike sawuvetsuni pi ani.”

KUKAMI AKINIU 4:29

Elisha no Gehazi lau ideghino pi, “Mtazulo, ikusu ikhiluno polo. Alalo khumu sasu kuptsanike ngo kevilo eno tsala khamino oputsa namu kumu khochile kevilo. Ikemu vejoi akilo poilono ikusu pesu anu shou bepesu ngolo.”

KUKAMI AKINIU 9:4

Tighenguno lhotheu tungkupu huno Ramot lo wuve,

YEKIKITHI AKINIU 22:1

Arabmi khamino zuleno le ighi puzu Akukau Jehoram nuliqo kumtsu pithive tsu eno anipau Ahazia likhi puxu puaghitsu. Ike Jerusalem lo akemi no Ahazia pelo papu shelo akukau shi thisulupe.

YEKIKITHI AKINIU 22:5

Panoqo kukutsu pape keu lono pano Siriya lo Akukau Hazael sasu aghu shinike paye Israil kukau Joram sasu kuqhaluve. Ghushimino Gilead lo Ramot lono aghu shi eno Joram ye aghushi lono ghuzave.

JEREMIYA 1:17

Jeremiya, kutolulo, wulo ino ovilo pilopi ahza tsukeu kumtsu pesu panoqo vilo pilo. Noye panoqo musa ichi kevilo tikumo aye nono panoqo zulo akelo ino opelo alau msa ichivepe nanike.

MATTHEW 26:7

totimi lakhino alabastor bohu lakhilo amekusho tsungquyi keu pesu pa lau ighi, eno pano kuchukusho shiakelo lino tipau pa kutsu shou lepuku tsue.

ZAKINIU 4:1

Tile Muse no timiqo vilo pike, “Ino nongu shikapiye akeu yezah kumtsu papelo tishiaye AMPEU nongu puasuqo Lhou no nongu tsukeu yeghilo xulu eno ngolu nanike.

ZAKINIU 4:3

AMPEU no Peor Toghilo kiushikeno nongu ampino ithuluvae. Bal mllachekemi kumtsu tilauno pano kutsakhaveke,

1 Peter 1:13

Tighenguno nongu kukumsu kutokugho shilulo, tsukhuyilo, nongu wu lajupuye akuchopu Jisu Khristo pephepiye kelo Alhou kukumgha nongu lau tsuniye akeu shou belo.

SAMUEL ATUGHIU 10:1

Tishino Samuel no oliv teli supuchekeu bohu lono Saul tsuqolo lepuku tsuno pa muma eno ishi pi, “AMPEU no pawu timi Israilmi shou ayehkipeu shipenike okisheluvae. Nono pawu timiqo shou ayehpeni eno panongu ghumi launo sushoniae. Hi shi akeuno AMPEU no opelo pawu timiqo ayehkipeu shipeniye akeu michipu shi anike:

SAMUEL ATUGHIU 16:1

AMPEU no Samuel vilo pi, “Noye khitohilo Saul ghenguno amlo iju aniye kya? Niye pa pelono Israilmi shou akukau shipemo nikeu shi milivae. Tighenguno noye oliv teli pesu Bethlehem lo timi lakhi paje Jese lau wulo, kughengu ino pa nuli gholo milakhi kishepesu akukau shipeni keu shivae.”