KUKAMI AKINIU 5:8 - BAIBEL (BSI)

⁸ Kiu shive anikeno tungkupu Elisha no tipau chilu kemtsa pano atsa lakhi akukau lau puwu: “Noye kushiye okumzaqhiyi ani kya? Timi hu ilau hapuwulo eno Israil yeghilo tungkupuu lakhi achekeu piyeni!”

Sumi Naga CL (Re-edited) Bible (BSI)

⁸ Ikemu kughou Israel kükau no pa phiküzü süxüve keu Alhou timi Elisha no chilu keno, pa no akükau lau pi puwu, “No ye kushiye o phiküzü süxüve ani kea? Timi hu I lau puwulo, tishianguno pa no Israel lo tungkupu akeu ithi nani.”

KUKAMI AKINIU 5:8 Mawu Ofanana

SAMUEL AKINIU 3:31

David no Joab ngo pawu timiqo vilo panongu phi suxu velopi ahza tsu, eno yeqhiye phi uno Abner ghenguno mloqa lo pi. Akumo qhowunikelo Akukau David no akumo thiu shino alache.

KUKAMI ATUGHIU 12:22

Ikemu Alhou no tungkupu Shemaya vilo

KUKAMI ATUGHIU 17:24

Lino khochile, “Noye Alhou wu timi ipi ino ithivae eno AMPEU no mutsuqheyi ovechewo pitsu chenie!”

KUKAMI AKINIU 1:6

Panonguno khochile, “Timi lakhi ningu sasu kusholu keuno ningu vilo idewoveno AMPEU no ishi ovilo piani pilo pie, ‘Noye kushiye Ekron phughi lhou Baalzebub putsau cheni kya? Israil lo Alhou kuhaveapi nonguye kumsu ani kesha? Noye izavekeu lono vilumono thive nani!’ ” ipie.

KUKAMI AKINIU 5:15

Tishike lono pano pawu timi kumtsu sasu Elisha lau ide ighieno pi, ‘Alhou kutauye kuha ikemu Israilmi Lhou likhi anipi ino ithivae; tighenguno akijeu, kimiyeno agho hipau ilauno ikhilutsulo.’ ”

KUKAMI AKINIU 5:3

Ghulo lakhi lino li mpeliu vilo pi, “Impeu pelono Samaria lo achekeu tungkupuu lau wujupe nishi kumsu anie! Pano tilau wu aye pa pugha hipau shipivi luve nani.”

KUKAMI AKINIU 5:7

Kughou Israil kukauno yesu philukeno akumza kelauno pa phi suxuve eno akichiqhi ishipi, “Siriya kukau ye kishino niye timi hipau shipivi lunanipi laju ani kya? Paye niye Alhou, khuu akithi akuxu kuka pecheni keno tipau kughashi kumsu anike sha? Paye bidelauno isasu kichighiniye amuqu shi ayeakena!”

KUKAMI AKINIU 5:9

Tileno Naaman ye pawu khurshi eno khurkulu sasu wu eno ighino Elisha ki hukikhalalo ngove.

IPEKULU 11:8

Muse no ishi kishekhapi, “Oqemi hipaqo kumtsu ilau ighi no igizulo itsaqi nani eno panonguno iwu timiqo kumtsu sawuvelo pi iqhuinijiu nani. Tipa thiuno ino cheve nani.” Muse no aloghu ideve kehu akukau qhiveno cheve.

EZEKEL 2:5

Hekibidemi hupaqono otsa initsu na initsumo namu, tungkupmi lakhi panoqo gholo achekepi panonguno ithi nani.”

HOSIYA 12:13

AMPEU no Israilmi Ijip lo aquaxemi shiake lono xaphelu nike eno panoqo tuchomujolu nike tungkupu lakhi puwuke.

Rommi 11:13

Itehiye nongu Judakumomi vilo ino hi piani: Judakumomi ghenguno ino apostol shiakeu kutolo niye ikumlalo akijivilo anani.

SAMUEL ATUGHIU 9:6

Aqeu huno khochile, “Qele, hipau taunlo akimthemi lakhi ani eno timi kumtsuno pa gihu ikhilu cheni eno pano pikeuye kumtsu kuchou shi achipikalu chenike, paye hile acheni. Tighenguno nikujo pa lau wuni shilo, tishi aye gadahaqoye khile anikeno pano nikujo vilo pitsu lunani.”