KUKAMI AKINIU 24:3 - BAIBEL (BSI)

³ Hi shive keuye AMPEU zah kutsu lonoke, pa nhekithe lono Judami hapupove nike ghengu eno akukau Manasse xine ghengunoke,

Sumi Naga CL (Re-edited) Bible (BSI)

³ Judah shou hi ikughi keu ye mtsüqheino Ampeu zakütsü lono ke, tishianguno pa zülono Judah ikhive niye, ti ye Manasseh no axine kümla shike ghenguno ke,

KUKAMI AKINIU 24:3 Mawu Ofanana

BOTHUBO 50:20

Nonguye ishou kusakughapu shinike kuchughue ikemu Alhou no ikivipulo tukidesuve, tishikeu lono timi hi ishi kutomo xuaghi keqo kuxu puxu tsuniyeke.

KUKAMI AKINIU 17:18

AMPEU no Israilmi shou amlo ideveno pa zulono panongu hapheve puzu Juda kukaphu likhi qhiluve.

KUKAMI AKINIU 17:20

AMPEU no Israilmi kumtsu milive, aghime panongu tsu eno panongu kughapesu ayikusami aghumi ulo suvetsu eno ashekhaloye panongu pa nhekithe lono haphe puwuve.

KUKAMI AKINIU 17:23

ikehu ashekhaloye AMPEU no pa nhekithe lono panongu hapheve, pano paqemi tungkupumi vechewo panongu ghutu keu lono pano shinipi ketoi shive. Tighenguno Israilmiye Asiriya yeghilo kughasasu akughu shiukhave, panonguye ishikutolo tile xu achephike.

KUKAMI AKINIU 18:25

Nonguye ino nongu ghakhu AMPEU kukuphu sumono le eno shipsave tsu anikughashi kumsu anike sha? AMPEU no pa ampino ivilo pikeuno leno shipsave tsulopi vae.”

KUKAMI AKINIU 21:16

Manasse no amikuchomi kutomo ghiqhi pithivetsu keu jihno Jerusalem laghiqo ahjino nhakha qowu; paye Juda lo kuamiqo sasu asu-atu mllauve pekeu lono AMPEU mlo shikighideve tsu eno axine shikeu likhi kumono hitoi kutomo kuxu puwovetsuke.

KUKAMI AKINIU 24:20

AMPEU ye Jerusalem lo eno Juda yeghilo kuami shou ighono pa mlo qimlaveno aloghu avekeu lono pano panongu kumtsu pa nhekithe lono hapupokhaveke.

YEKIKITHI AKINIU 24:24

Siriyami ghushimi ye aghulo likhi ikemu AMPEU no panoqo pelo Judami ghushimi kutomo keu shou toluve pe, tiye timiqono pa qhiveke ghenguno, AMPEU panoqo puasu Lhou panonguno qhiveke. Hitoi shipuzu Akukau Joas ye ghimeqhive.

YEKIKITHI AKINIU 25:16

Amazia no ishi ghechile, “Kughono ningu ye opelo akukau kukutsuu shiveape kya? Atsa pikevelo, ti kumoaye ino opithive nani ke!” Tungkupuu no atsa pimove ikemu tipau zuuno hipatsa pitsu, “Ino itehiye ithive ake Alhou ye okutsaveni keu shi xathavae kughengu nono hipaqo kumtsu shiveke eno ino kutsu keu tsa kukuthave tsuke.”

IPEKULU 20:5

Kiu kiu suatu julho lau pinamu itsaiqi tsumoni momu tipau mllamoni kughengu niye nongu Lhou AMPEU ke eno isasu kusuxanikemi qhimoke. Ijumithikemi shou eno panoqo polo kughukomi akuthuu eno abidiu tiqheli kutolo ino ghimeqhi tsu cheni.

ISAIAH 45:7

Ino akuvu ngo akuzu kuma lhophe tsuke; Ino kukumgha ngo kutsakungo keu kinikujo sughi cheni. Ni, AMPEU no hipaqo kumtsu shichenike.

JEREMIYA 32:31

Hipau phughi shiluveke tsala lono hile akemiqono ipelo aloghu ide ipelo muqhumuza achenipeke. Niye hipau kutsaveni keu shi xathavae.

JEREMIYA 52:28

Nebukadnezar no timi akughumi shi sawuve kemiqo kihikutoju kelo hitoike: Pano kakeu mpe akutsuniu shiake lono timi 3023 sawuvetsu;

EZEKEL 22:3

Aphughi vilo ni, Akughushu MPEU no kiu piani keno tipau pesu pilo: Nono olikhi owu timi kumzapu ghiqhi pithive eno asu-atu julho mllakeu lono olikhi okitiqeve ake ghenguno oghulokiye ighivae.

EZEKEL 24:6

Akughushu MPEU no kiu piani keno tiye hipauke: “Ghiqhikichemi phughiye ahasapuke! Hiye ali tsapuha akeu toi tiye kitilamu kusumono anike. Ashi leqhi lakhikhino ikhipheve eno lakhimu qhimove.

AMUS 3:6

Aphughi lakhilo afuko kuyighakeulo timiqoye musa ichimoveni kesha? AMPEU no puwumo keloye aphughilo shikupsa ighini kesha?

MICAH 2:10

Ithulo eno wuvelo, hilauye inaqhoi ngokulupu-a kumoke. Nongu xineno a-a hipau kutsaleve nikeushi kutoveake.”

ZAKINIU 28:63

AMPEU no nongu pelo kinikulu shilu eno alau ikowolu pekeulo alovi ketoi pano nongu kutsaleve eno shipsave keulo ghi paye alovi nani. Nonguno ngoluniye akeu yeghi lono nongu nhujove nanike.

ZAKINIU 29:28

AMPEU ye shishe aloghu ideveno pa loghu kije lono pano yeghi lono panoqo akuhu lono nhuve eno inaghami yeghilo hapuwuveno ishi tsalalo panonguye tilau ani.’

JOSHUA 23:15

Ikemu pano pashoqhi lakhikhi nongu lau shikupu ketoi, pano shikumsa pephe nani.